影片
港铁铜锣湾站 D4 出口, 步行约5分钟
继续阅读
电话号码
24353088
开饭介绍
坐拥维港海景、可容纳150人的海景宴会厅，另设有4间独立房间，适合举行大小类型的婚宴、私人或公司聚会。其精致的中菜以新鲜及矜贵食材入馔，并不时推出时令款式。
继续阅读
营业时间
今日营业
11:30 - 15:00
18:00 - 22:30
星期一至日
11:30 - 15:00
18:00 - 22:30
*海景位置，四位起，最低消费每位$600+10%
以上资料只供参考，请与餐厅确认详情
有关奖赏计划
优惠
🐑蟹皇翅-味道好好，蟹黄味浓，蟹肉非常多，推献功夫好，冇泻水，可惜嘅就系翅少咗啲啦🐑桂花糯米莲藕-桂花味十分突出，桂花糖少许甜，味道刚好冇冚过莲藕同糯米嘅清甜，𠮶种软糯食落去好舒服，一个字，高🐑陈皮话梅莴笋-莴笋爽脆清甜，先用高汤喂过，再用话梅水腌制，上碟加上切丝九制陈皮，越食越回味，系一流嘅开胃菜🐑蚝皇原只鲜鲍鱼-蚝皇汁十分出色，汁底以蚝油为主，加上汤煮成，鲜味至极。能将鲜鲍炆成有干鲍嘅质感，我心目中有两个名字，其一系沙田利苑，其二系九龙城食得妙，今日起有等三个名嘞：南海二号🐑XO酱白玉蒸斑球-豆腐、星斑片、云耳仔，加埋XO酱原碟蒸，上枱时碟身仍热，倒走蒸鱼水之后，加葱花轻轻𪷽油，再加入由豉油、蚝油、鲜酱露调配嘅酱汁，确系美妙。XO酱够抢味，豆腐同鱼味亦十分夹，可惜班片蒸老咗，鱼身咁薄，蒸少一分钟就已经争好远，呢个要多加注意🐑茶熏乳鸽-呢个系卤熏乳鸽，先卤后熏。乳鸽肉质细嫩，卤汁入味程度去到入骨，用香片茶做烟熏料，茶熏味道不断喺我口入面荡漾，久久不散🐑野菌腐皮时菜-汤底呈乳白色，系用高汤加腐竹滚出嚟嘅，腐竹豆香相当浓郁，相信呢个就系相当成功嘅因素，白菜仔滚得刚好，保持脆绿，腐竹、白菜、菇菌相当夹，系浑然天成嘅一个出品🐑龙虾汤泡贵妃饭-龙虾汤底味道都够浓，可惜脆米嚟到嘅时候已经冻咗，加入汤入面嘅时候，欠缺一种视觉同听觉效果，呢个同利苑比较稍逊一筹🐑百合薏米腐竹糖水-佢腐竹嘅来货真系好靓，甜品一开盖，豆香马上四溢，薏米煲到爆晒花，够软糯，百合后加，保存佢嘅鲜脆度同埋清甜味，呢个系要靠本身糖水调味唔太甜，先可以攞到个平衡，去带出鲜百合淡淡嘅清甜，作为一个厨师，知道自己做紧乜确系相当重要
继续阅读
预约完 receptionist 打黎同我讲坐望倒海嘅有最低消费 $300+1 因为只系同老世同事三个人食个普通晏昼 都预计唔倒食唔食倒$300/人 就叫佢尽量安排可以望倒少少啦 结果佢嘅尽量安排 系安排我地坐角落头 连出面天空都唔系好望倒 红磡果间都无咁多规矩 服务又唔见得好过人 个经理行过几次见倒无哂茶都无主动fill返 要叫先识fill结果埋单其实都$900左右 食物系好食嘅 但配呢个环境 同服务 $900又唔系太值 下次去望海d酒店食 无咁背脊骨落
继续阅读
嚟呢度食嘅原因纯粹系想用左张$1000减$300嘅coupon😆 结果又觉得几唔错，由于海景位收minimum charge，我哋选择咗坐入面，虽然冇景睇，但坐得好舒服，座位宽敞，环境几好。前菜叫咗个冻鲍，切好晒好易食，味道好开胃主食(1) 海稣粉丝煲，虽然唔算多海鲜，整体调味唔错主食(2) 牛仔骨平日都有食，但汤煮牛仔骨就比较少食，有啲韩式feel，牛仔骨住得好腍，汤也好味跟住系菜同炒饭，炒饭好大碟，食完好饱但唔油腻，炒得唔错。最后来过班兰蛋糕👍🏻☺️ 成餐饭都唔错，无论环境、食物、服务都令人满意
继续阅读
约几个朋友小聚，想坐得舒服啲同唔驶比人赶，所以拣左呢度落脚。食物味道ok,但点解个茶壶咁重，好彩员工会自动帮手倒茶，唔系都真心唔想倒🤪我地坐左好耐，员工都好有礼貌问我哋要唔要加甜品。我话唔加佢都无黑面，帮我哋收起餐具话等我哋坐得舒服啲。值得一赞👍🏻野食份量都唔算细，唔会好似有啲酒楼又贵又份量小。班兰马拉糕比较甜，棉花鸡好足料好多鸡。特色咸水角好有特色，如果入边啲馅再丰富啲就好啦。下次再试晚餐，希望有惊喜。
继续阅读
蛇年年初二开年饭，我用Openrice订咗同家人去铜锣湾世贸南海二号。我地下午一点去到，已经好多人，场面热闹，有过年气氛。本来想吃点心，但家人希望食套餐，所以就另外加了两个点心。首先上嘅系套餐的萝卜丝酥和脆炸椒盐鱿鱼，碟鱿鱼系$128，但分量比我预期中少。然后就上蟹肉花胶粟米羹，其实我觉得系汤羹食到嘅系鱼肚而唔系花胶姜葱花雕焖斑头腩，鱼块系新鲜的。唯一美中不足嘅系，侍应上菜时，佢唔小心只手掂到我个匙羹，又倒泻我杯茶，搞到成枱水...地下都湿咗。然后就到野菌腐皮时菜，煮得很清淡，没有油，家人满意。脆皮烧乳鸽，肉质细嫩，烧得刚刚好。食到依家先上番套餐嘅虾饺和另加嘅牛柏叶。而牛柏叶最搞笑嘅地方系，当你以为有好多件...点知原来下面系放咗四件萝卜系底垫高啲牛柏叶最后，就系美极和牛崧炒饭，炒饭亁身，水准之作。农历新年佢地应该请咗唔少炒散，埋单同侍应讲，过咗10分钟到无人理，要对住经理讲埋单先埋到。后记：最痴线嘅系，一个有大陆口音嘅职员，可能唔识用Openrice个app，第二日(年初三)打黎问我，点解佢地会见到我订咗年初二午餐，我话系你地唔记得confirm我昨日已经到咗，个系统提你地确认番。新年流流，少少嘢都搞错，唔睇清楚就打俾个客问，搞到我要写番出黎。唉，其实啲食物好食，但服务唔得，都系会赶客架！
继续阅读