南洋工房 (已結業)

今日星期日 谂住叫外卖食啦 扫下扫下先到蛋包饭想食 所以就叫左呢间🤦🏻‍♀️ 系我错！冇睇食评就叫左！简直难食到喊出黎！！！叫左两个蛋包饭 两个都会见到盒嘅角落头系一滩黄油 好恶心 另外蛋系又鞋又老又薄 难食过茶餐厅啲蛋！仲有一啲茄汁火腿沙律酱定唔知忌廉汁嘅野捞埋一齐 衰过大学嘅颓饭！个炸鸡软骨先系最恶劣 成旧系得炸粉 我基本上十旧得一旧食到有鼻屎咁细粒嘅「鸡软骨」 旧野系冇味 究竟点做到？？？想喊 要煮多个面食先得😨😨😨…查看更多

附近几间餐厅都坐好多人就系呢间特别少谂住疫情期间，小人安全D又冇睇呢度嘅食评点知真系入咗间伏嘅餐厅个饭样都叫做靓靓仔仔啦点知食落去真系吓死人！！从未食过咁难食嘅沙嗲牛肉味道苦嘅，带有强烈有㶶味𠮶阵味系难食到入唔到口系咪疫情搞到冇生意呢？啲食材放咗唔知几多日变晒味？？？50几蚊，话贵唔贵 但比呢啲质素比客真系接受唔到而杯奶茶，超级甜。完全冇茶味感觉就好似饮紧糖加水，加小量奶好少食饭会食唔晒更何况日式饭来讲好难整到会唔好食呢间真系经典，真系请都唔食…查看更多

今日放假训到好晏😝，谂住去附近买个下午茶返屋企慢慢叹，见未试过南洋工房既下午茶，就买佢😗虽然话下午茶，但我起身到依家咩都未食过，劲肚饿，见到佢有日式咖喱牛腩饭食，即叫，再见到menu上有个二人餐，可以自选配多个轻食，所以再加多个咖吔多士配红豆冰🌈外卖等左5mins左右都好快有🥰✨日式咖喱牛腩饭-个汁超咸，咸到用黎𩠌饭都食唔到，d牛腩好似牛肉干禁，又嚡又硬，d薯仔正常，够淋✨咖吔多士-拎到返屋企已经唔脆（不过预左🤪）d咖吔酱小得可怜😣同埋个人唔钟意有皮的薄多士✨红豆冰-超级无敌甜，啜左几啖已经唔想饮🤧利申：之后帮衬过佢晚餐食蛋包饭，唔觉d野咁差，不过经过今次，短期内唔会再帮衬😫…查看更多

招牌鸡饭$6x，比大xx快餐店贵, 卖相、味道、服务...> < 却是香港少见的。热饮要强制厨房落糖， 热奶茶颜色味道好似阿华田沟好立克一样的热水...南洋的餐厅， 以上的招牌菜式为评...(无言) 不要浪费大家时间...…查看更多

疫情之下，但求揾间人少少既餐厅用餐，见餐牌价钱几平，就走进去。楼面只有一个人服务，佢见冇咩客人，都同其他食客闲聊，服务态度很好，可惜败笔在于食物。食物方面，先讲煎饺，又干身又硬，好似隔左几晚夜再入微波炉返钉咁。作为一个蛋包饭，个蛋煎得咁熟咁干，完全冇水份冇蛋香，应该系我食过最难食既蛋包饭。佢能够将好地地一个日式饭餐整得如此难食，实在出神入化，真心配服。如果阁下知道有排都冇得去日本旅行，想将对日本食物既美好印象彻底破坏，可以一试。…查看更多