影片
港铁石硖尾站 B1 出口, 步行约8分钟
继续阅读
营业时间
今日营业
06:00 - 16:30
星期一至日
06:00 - 16:30
以上资料只供参考，请与餐厅确认详情
見到有芝士汁撈公仔麵都好想試，今日食lunch一試就後悔了。（灰瑜珈褲個位應是老闆娘）第一宗罪，大排檔環境污糟係明白既，但老闆執好枱比我地，抹枱時係抹左兩下，真係兩下……我地再用濕紙巾抹先可以至少將上一枱食客留底既殘留物清去。第二宗罪，老闆娘落錯單，撈公仔麵可簡芝士汁/咖哩汁，我想試左芝士汁太耐太耐啦，比錯左咖喱汁我，佢仲要聲大夾惡：「可能係我聽錯啦，但係咖哩汁一樣啫，你食呢個啦，如果唔係要倒左去，重新整過，要等好耐架！你等唔等到呀？」同行有比較驚青既女仔朋友係驚……覺得不如唔好換。但我禮貌地請老闆娘換，佢一言不發一野拎走兜野倒哂，好似我做錯咁第三宗罪，我叫左份千島芝士汁撈公仔麵碗雙蛋同漢堡扒。（冇影相，太核突，難食賣相又嘔心🤮）撈好哂之後食麵都覺得一般，寧願食番公仔麵本身，直到食漢堡扒，竟然係壞酸臭架！我地同老闆講，佢話：「咁你想點？換個塊比你！」我話唔食漢堡扒啦…….未講哂，佢一野就搶走我碗麵拎番入廚房，放左兩舊咖喱汁雞翼比我……如下圖：（碗邊有我吐出黎臭左既漢堡扒；又有我抹枱抹到黑哂既濕紙巾……）我見到呢碗野，我真係食唔落，好想嘔……老闆見到我唔食，個樣好想嘔，佢送左個杯冰底（我叫左coke zero，當時已就快飲完）同生菜比我，話益我，菜食啦掛。我真係好多謝老闆，我完全食唔落，一連串操作真係令人好唔舒服最後大罪，從12:30pm食完臭扒，5:00pm開始肚痾，到現在10:30pm已痾左7次，仲嘔左1次。好辛苦呀！😭相信係臭扒既毒發作啦！真好後悔今日簡南山咖啡室。重要既野講3次：唔好食。唔好食。唔好食。不可一不可再。不可一不可再。不可一不可再。
继续阅读
平平地，去南山村有乜好食可能個個都會去品香樓。我就食得太厭，而且想試下附近啲大排檔噉就來咗呢間大排檔試試佢個茶餐。西多茶餐唔算貴廿零文有交易。件西多中間夾咗花生醬配上甜醬。真係好鬼肥咯。膽字配上凍飲都係廿六元。算係超值。但係大排檔嘅質素同環境又扣返d分，所以合理啦。總括來講，冇嘢做坐喺度吹水都可以但係就唔值得推介囉。下午茶時段有好多個套餐抵食夾大件最啱窮食一族嘅我。服務員都會好殷勤介紹食物所以唔使擔心唔知點減。
继续阅读
呢排要經常黎石峽尾做野, 好難得地南山邨領展當年睇唔上眼, 無收購到,如是者, 冬姑婷同其他餐廳小店能避免加租/強制翻新/ 殺掉的命運。南山咖啡室係南山冬姑婷其中一間餐廳,雖然南山的品香X係坐得幾舒服, 但如果唔想成日去(又或免得佢獨大), 其實南山咖啡室都係一個幾唔錯的選擇。今日叫左個牛肉蛋通, 牛肉要預左有小小鬆肉粉ga la, 但隻蛋係煎得唔錯,通粉有少少淋gam la,但杯熱奶茶都幾不錯, 茶香奶滑,要求唔高, 價錢又唔貴, 都可以接受ga :-)
继续阅读
放假走去石峽尾逛逛，開open rice見到舊式既咖啡室，姑且一試。沒有冷氣，但陣陣風吹黎不太熱，點了干炒牛河和栗米牛肉飯。味道不是特別出色，但係黎呢到係食屋村既味道環境。所以抱住落樓下食餐飯醫肚的話，就無問題喇👍🏻
继续阅读
琴日去食下午茶，俾芝士撈丁吸引左。睇餐牌嘅時候，好熱情咁樣叫我地入去慢慢睇。入到去態度又唔係特別好。佢有咁多個菜式想慢慢揀佢就不停吹我哋。都估到係中伏㗎啦。之後上菜仲樣樣都搞錯晒。芝士撈丁俾咗咖喱撈丁，芝士蟹鉗雞翼飯冇芝士，以為係個蟹鉗裏面，一滴都無。不過算啦都唔係真芝士。本來想share試下，間鋪係冇碟嘅，只有墊住啲杯嗰啲好核突嘅碟。但係佢好好意思咁樣飛一隻俾你。之後去第二間食返個甜品舒緩返。講完。
继续阅读