南華閣

营业中

休息中

買咗蛋糕為同事慶祝生日，本來諗住去食泰菜，點知壽星女話有南華閣張會員咭，生日嗰個月有隻生日片皮鴨送，快到月尾唔食太浪費，所以就改咗去哩間食飯。本來以為佢地送咗隻片皮鴨一定唔可以再叫其他優惠食品或者優惠套餐之類，點知我哋見到個超值自選晚飯套餐抵食，職員話一樣可以叫，其他場內做緊的優惠小菜亦都叫得，額外加的小菜會員折扣優惠亦比我地用片皮鴨係第一道菜上來，免費唔一定冇好野!真係做到皮脆肉嫰，連配料青瓜日本蘿匐同埋d薄餅都好好味，可以算係送得有誠意。至於其他小菜味道亦可以，雖然係抵食套餐份量亦好足，最後值得一提就係佢地連開瓶費同切餅費包括加一服務費都免收，整體真係值得再來。

今日同班同事去咗南華閣食晏，老實講哩到d點心水準一向我都覺得算唔錯,今日我地6位人叫咗個椒鹽九肚魚同埋冰鎮咕嚕肉食，九肚魚真係超好味，做到外脆內軟口感一流，我地好少一樣野食到唔夠要再叫多碟，冰鎮咕嚕肉聽d員工講話係招牌菜，亦叫咗個試吓，初初望落覺得凍冰冰咁，我個人一向比較鍾意熱辣辣的食物居多,所以個樣雖然好吸引，但係亦冇乜祈望，不過估唔到食落去外皮非常脆而且仲有微溫，入面d肉仲好熱呼呼，真係比印像中熱辣辣的傳統咕嚕肉有驚喜

最近和朋友去南華閣吃晚飯，發覺他們有很多新式的廣東菜，其中印象深刻的包括咖喱雞法包，蟹肉豆腐南瓜煲，花雕雞卷，燒鵝，和斑球兩味等。而且我發覺地方舒適和價錢合理。平均每人大概三百幾蚊，一定會再幫襯👍我朋友話佢哋亦都有晚市套餐，平均每人都係二百幾蚊左右，性價比非常高。

上星期和一班老學聚會，我哋一共15人。 諗住搵一啲地方清靜啲又有房間，但又唔太貴嘅地方。終於揀咗朋友推介嘅南華閣，在南華會裡面。地方唔算好就脚，地鐵站要行10分鐘左右，但行下也不算太不方便，總算在銅鑼灣，核心區域。地方坐得好舒服，又唔逼， 因為諗住一齊聚下 ，地方靜靜地又唔貴係前題，所以對食物唔算有好大要求。 就係因為冇要求，所有不能預期的驚喜，教人非常興奮回味。 每道菜不但味道好，賣相也非常之出色，而且每人總共只係食咗$400一位，真係非常之超值。我哋年紀有翻咁上下，十幾人唔想舟車勞頓去大陸，又花時間，又要排隊過關，所以我只能說這$400元性價比非常高。值得推介。

Chef Ecy’s Dining Experience:🥰 Food | Ambience | Service | Price | Easy Access | Restroom Cleanliness | Corkage Fee | Wheelchair | Easy Parking | Cake Cutting Fee🙂 😠 Pet Friendly This restaurant is a Cantonese Restaurant located in the South China Athletic Association. It requires membership. They are famous for the roast goose and many other traditional dishes. There are 2 levels, so the restaurant is very big. They serve dim sum for lunch too. The price is very reasonable. The whole amb

早一星期已經打電話去訂位，說明是年初二中午12:30(6位)留了貴姓及電話號碼。之前一晚再打去確認，並詢問想食炸子雞需唔需要預訂？接電話的女服務員說來到order 便可以。當天準時到達，門口的男服務員竟然話我們沒有訂枱，核對了電話號碼也沒有資料，但事實上我們的確有打電話來留枱，早一天也有confirm。大年初二與親友食開年飯，卻被弄得一肚氣！與女接待員再交涉後，她說可能是有同事mark漏咗，最後喺一間房的角落頭，夾硬開一張枱俾我地，附近多雜物坐得不舒適。訂枱都弄得如此混亂，服務員工作不認真，食物又一般不值得再去！接待員水平嚴重不足，不建議去光顧。

上次去食飯，漏咗1個好食菜式，唔記得講講，就係咖喱海蟹，咖喱蟹周圍都有得食．但係個咖喱煮得好食，為間間做得好，呢間係我第二次食咖哩食得最好食嘅，，實在好香、好咖喱，而且咖喱裏面有好多配菜，例如：洋蔥、青椰、紅椒、薯仔⋯⋯等等，另外有個特別之處，就係他們會跟埋炸脆香饅頭，將饅頭放喺啲咖喱汁度超好食，、、、，不過經理話成日都賣晒，最好打電話嘅時候，訂枱預訂埋，就一定有得食啦，好味！好味、好味、好味！！

每年做冬，冬至大過年，過咗冬至屋企人食飯，去咗南華體育會，嘅中菜廳，叫做（南華閣中菜廳），今次食飯，頭盤有個我唔記得咗叫乜嘢名，所以我用花生脆脆菜去形容，因為食落去，有花生粒，個蔬菜都係最脆口的，味道唔錯，感覺有燒汁味，都幾特別，跟住呢兩個餸，我每次都會叫的，第一個就係即燒BB豬仔，超好食，皮脆肉嫩，啲皮真係脆波波，提提大家，記得訂位嘅時候，要預早叫定，因為佢真係即刻燒㗎，我第一次嚟嘅時候，由於沒有訂，所以足足等咗45分鐘，但係都值得，因為真係好好食，第二個就係花雕蛋白雞油蒸花甲海蟹，超鮮甜，呢個都係要預早訂定，嗰啲經理講，因為都係每日新鮮入貨，務求個效果整出嚟新鮮，所以又係要訂嘅，叫咗個九肚魚，依個九肚魚嘅做法，實在太好食，外脆內軟，師傅嘅手藝真的不錯，最後個經理介紹咗我哋食生煎韭菜餃，原來係冇得叫㗎，因為有個熟客訂左，師傅整多咗，所以叫我哋試吓，真係好好食，下次試吓我都訂先，呢度泊車都好方便，因為銅鑼灣每次我去食飯，搵車位都好難，這裏每次來即刻有車位，所以值得介紹俾大家，同埋呢間中菜廳，成日都有新菜式，所以我每次定位，幫我問吓有冇啲新嘅介紹俾我，咁有心機嘅中菜廳師傅，所以真的想介紹

上個星期，好朋友請我去食飯，慶祝佢嘅生日，原來我個朋友的生日宴會，我也曾經去過，好好食的中菜廳，位於南華體育中心裏面的中菜廳《南華閣中菜廳》，今次又食早啲好好食，嘅嘢，所以有再分享俾大家試左幾個小食，值得一讚有一個叫做《海苔酥脆九肚魚》，真係好好食炸出來金黃香口，食落去非常酥脆，嗰個師傅真係有心機，因為佢將九肚魚裏面嘅骨，全部掹晒出嚟，太好味呀，仲有一個小食叫做《鵪鶉蛋滷水鴨舌》，又係好好食，滷水味適中，個鴨舌一樣，師傅吧裏面嘅鴨舌骨也是掹咗出嚟，實在太細心，仲有食咗涼拌海蜇花香芹雲耳，非常開胃，原來呢度有個好多招牌菜，其中一個就是這個，《秘醬即燒脆皮B B豬》，真係好好味🐖🐖，同埋一個叫做不得不提，因為原來我上次嚟食嗰個叉燒已經好好食，原來呢度仲有一個叫做《炭燒鹿兒島叉燒》比普通嘅叉燒仲好食，原來係我朋友預早訂定，因為好多時都賣晒，我真係有口福，最後我朋友生日，當然有壽包啦，呢度嘅壽包大細啱啱好，蓮蓉和蛋黃真係好香好好味，多謝晒我朋友，俾咗餐豐富嘅晚餐我，再次喺度同佢講聲生日快樂🎊🎉🎉🎉🎉

今日去銅鑼灣行街街，跟住走去大球場參觀一下比賽氣氛去，睇睇網上開飯，見到南華體育中心，有一間中菜廳，俾評語唔錯，走去試下，食左幾度菜，真係幾好味，所以我都在這裡介紹俾朋友，首先食咗一個炭燒鹿兒島叉燒，一碟有八件，食完之後，喺好好味，大個女都未試過咁好嘅叉燒，跟住部長介紹左我食琵琶蝦，清蒸做法好鮮甜，跟住食咗啲點心，心質素都唔錯，下次一定都會再嚟，跟住仲食左兩個小菜，一個叫做鹵水鴨舌春蛋，同埋一個蒜香猪手

南華閣中菜廳，次次都俾多啲好嘢俾我食，今次幫我打電話去預早訂咗三個菜式，這三個菜式，都係平時去飲茶的時候，個經理介紹俾我哋，不過佢話必須要預早訂，因為冇得即時叫，餐廳經理話為咗保持食物材料新鮮，所以必須預早打電話來餐廳訂位的時候，預留食物，餐廳經理哥哥介紹，《花雕蛋白海蟹蒸花甲》，聖子和花甲的海鮮味道在蒸蛋白的時候，已經全部流入蛋白來，實在太鮮味，跟住再嚟一個《白灼銀牙游水新鮮墨魚》🦑🦑🦑，實在太好食，最後留咗一條海魚，經理哥哥幫我留咗一條名叫《牛屎鱲》，廚房大廚搽咗少許海鹽清蒸，豉油另上，🐟🐟🐟，實在太鮮甜，原來蒸魚，用這個做法，可以完全食到這條魚的鮮味，我又可以介紹佢啲朋友啦

今日又來到南華閣中菜廳食晚飯，每次都有經理介紹啲有驚喜嘅菜式，首先第一個，食咗一個水牛芝士局西澳洲龍蝦半法國牛油麵包，實在太好食，拉絲嘅芝士配上龍蝦和法國麵包，簡直是絕配，跟住個龍蝦頭爪就用來做一個龍蝦湯泡飯，這個龍蝦湯泡飯我我足足食咗五碗，實在太好食。跟住又食咗一個焗脆皮德國豬手拌印度薄餅，跟洋蔥黑椒汁，實在太好食，估唔到中式酒樓，食到啲咁特別嘅嘢，唔使咁沉悶，值得一讚師傅嘅心機。就算師傅做雞，都有啲特別嘅做法，今次就食咗佢嘅黃豆豆醬走地雞，一打開左個煲蓋，就聞到超香的豆醬味道，而且這個豆醬雞，裏面有好多配料，有新鮮黃豆、又有枝竹、又有紅燒肉，實在太豐富了，不過這些菜式都是黃經理上次介紹給我的，他說必須要預早預訂，才有不吃，所以下次如果有其他朋友九興趣，記得要訂位時候，順便預留一啲食物，因為我都試過一次，沒有預留，所以冇得食，溫馨提示，提提大家啦

南華閣 South China Restaurant✨✨銅鑼灣南華會係朋友聚會的好地方，😝發覺原來有間南華閣中菜廳，估唔到點心水準不錯！酒樓地方大，食物質素好，第一次嘗試菠蘿焗叉燒包，新奇好食，外脆內軟，值得一試。😍😍😍食物：菠蘿焗叉燒包（必試）+蝦餃+燒賣+冰燒三層肉+蝦仁炒飯推薦指數: ​8/10南華閣 South China Restaurant地址： 南華體育會 中心(高座)UB及B樓, Caroline Hill Rd, Causeway Bay價錢：$400以上#銅鑼灣美食 #hkfoodie #hkfood #food #美食推薦 #美食推介 #香港美食 #銅鑼灣 #hkig　＃南華會　＃南華會美食

週六放假，朋友請我去南華體育會裏面嘅中餐廳（南華閣中餐廳）食飯，原來我朋友預訂咗D佢想食的食物，我朋友講原來這間餐廳是可以預訂菜式的，好像私房菜一樣，一開始先來一個冰鎮芥末新鮮凍墨魚，🦑🦑鮮味，再來食咗一個叫（乳香一口骨），超好食原來這個菜式，我朋友是預早兩天預訂的，餐廳方面預早預留新鮮嘅五花籃排骨，不落其他調味料，只是用南乳醃製數小時，出來的，入口鬆化有夠肉汁，真的出邊食唔到，因為出邊一般都是用雪藏排骨，🦀🦀我朋友有訂咗一隻大膏蟹，用荷葉蒸膏蟹糯米飯好鮮味，膏蟹多膏而且啖啖肉，我朋友好鍾意食海鮮，所以今次又請我食好大隻嘅賴尿蝦，原來賴尿蝦除了用椒鹽的做法，清蒸我都係第一次食，原來清蒸係非常鮮甜的，原汁原味，跟住食咗一個蝦多士，呢個下多士外脆內軟，不錯👍👍

南華體育會中餐廳，前日我又去飲茶食左2⃣️個好食的點心，南瓜煎軟餅，焗湯丸酥👈👈⭕️⭕️👍👍👍，這個焗湯丸酥好特別又好味😋😋😋😋😋😋，當湯丸加上酥餅，又幾特別，識落又好得意又好好味，另外再提一提，這間酒樓啲茶水準嘅都好好，環境舒適，我已經係第三次來了，啲點心都保持得好好，一間餐廳最重要都是食物，食物好自然就可以吸引人下來，唔知下次呢間餐廳仲有啲乜嘢新嘢出，今次我申請咗張南華閣中菜廳的VIP卡，可以有九折，另外佢有新點心和新菜式，又會喺個WhatsApp度話我知，又真係幾細心。😋😋😋😋😋😁😁😁