影片
食家推介
相关文章
好想去旅行呀🥺几时先可以有得飞呀😭食完呢餐，令我梗加挂住台湾......😔呢间「南势角」当然唔可以同台湾比啦☹️不过都叫做不过不失啦😌但都算抵食❗️主食+小食+饮品🤩$58有交易‼️🔹红烧牛肉面$58 ：汤头比较清淡，药材味较牛味重🥴不过汤头比较油腻，所以有少少扣分❗️牛肉都算腍身😊食落都唔会韧👍🏻萝卜都够入味，唯独系汤头太油，有少少影响😐整体中规中矩啦😎🔹盐酥鸡扒饭$58 ：反而呢个比牛肉面好食😋鸡扒够晒酥脆👍🏻份量都算多❗️同样都系$58，感觉呢个比较抵食😂🔹台式香肠（跟餐）：香肠味道正常，带点蒜味😋不过就切到好薄😐口感差左少少🤏🔹凉拌肉燥小茄子（跟餐）：小小辣辣地，都几惹味👍🏻3款小食之中，最高分😂但份量就少左啲😌唔够喉🔹卤水猪大肠（跟餐）：卤水味唔够浓郁😐不过猪大肠都算腍，容易咬开😌如果味道浓郁返啲就更好😎味道：3/5服务：3/5环境：3/5抵食：4/5
继续阅读
这里的午市餐牌不算贵，58蚊已有一份主食、一份小食和一杯台式饮品，学生可以平18蚊，所以大部分食客都是学生。一行五人每人均选择了午市餐牌上的套餐，叫了两份红烧牛肉面、两份盐酥鸡扒饭及一份盐酥排骨饭，小食就全部叫晒(得五个选择)，饮品亦全部冻饮都叫晒(得四个选择)。牛肉面的面质很差，不挂汤及不弹牙，口感很差，牛肉亦overcooked，不够软，汤底稍浓，建议淡返d，但萝卜就几好味。但这个价钱尚可接受。鸡扒饭和排骨饭表现较好，饭很多，𩠌亦足够，不过又系overcooked左少少，而且略咸，要一直不停饮嘢。小食方面，卤水蛋不错，调味适中，猪大肠就可以不叫了，好大阵雪藏味，而且冇咩调味，真系好难食。其他小食就正常，但个人认为小食可以大份D，主菜大大份但小食就真系好迷你，两淡就食晒。饮品就绝对系哩一间餐厅嘅败笔，珍珠奶茶D奶同茶既比例做得好差，奶好似系奶粉冲，茶味好淡，加上冰的关系，成杯野好淡，而且D甜系死甜，珍珠好细粒而且唔够多、唔够味，不够弹牙。芒果玉露同荔枝玉露个味好chemical ，而且好甜(已叫少甜)，水蜜桃红茶个问题都系茶到。如果单叫一杯野饮要20-40蚊，而且系咁嘅质素，建议去第二度买。睇返晚市个价钱都贵好多，冇套餐，如果系相同质素就绝对唔洗食
继续阅读
一行三人，晚上6时到达，等候了20分钟，吃了$118放题， 放题只在晚上五时开始，限时一小时三十分。 我们点了差不多全部小食，小食饮品上得快，食物味道还可以， 一般的台湾小食也包括了， 盐酥炸鸡，花姿丸，台湾香肠，牛杂，卤水鸡翼，猪大肠， 娃娃菜，豆角，茄子。 另有三款汤品 ，很多汤料， 感觉真材实料味道不错。 点了薄荷朱古力及蜜瓜牛奶。可惜牛奶饮品用的只是奶精，很失望！ 现在市面上很多台湾饮品都不会再用上奶精了！！服务员工作勤快，态度良好。
继续阅读
系FB见到佢哋铺头租约期满到3月尾既夜晚放题，于是心思思约朋友一齐去试下。星期五晚去到都要等下位，等位就吾系等好耐，但系开头落左单之后等得比较耐d，老板娘都好友善甘同我地同埋其他客讲，落左单等野食都要等耐少少，态度好好。讲返个放题内容，其实就系佢餐单上面都可以叫，小食果d就系划1就一人份量，面就一大碗甘上，最好既系，佢连佢后面既台式饮品都系放题内容入面，盛惠每人118，免加一。我们食得好饱，食左两个蕃茄汤牛肉面，佢个蕃茄汤头真心好饮，蕃茄味浓，睇了睇原价要70几蚊碗，真材实料，但原价黎食感觉略贵，一分钱一分货。佢牛肉的确系几多，而且都软腍好入口，味足，第一碗面相对第二碗好食，一来可能我们比较饿，二来第二碗面相对淋左d，第一碗既面比较好咬口。我叫左个珍珠朱古力，朱古力味浓，感觉到满满的朱古力跟卡路里吾会太甜，几好饮。我朋友叫左个巨峰提子乳酸定果汁，佢话味道熟悉，似唧唧冰既味道之后我们又有再叫多杯饮品，我叫左珍珠冲绳黑糖牛奶，可惜有点晚了珍珠卖光了，但黑糖牛奶都很好饮，甜甜地。我朋友叫左个综合水果茶，的确系有一层水果系茶上面，佢话都吾错，酸酸甜甜，佢食光了上面d新鲜水果切片。我们仲有试到佢个鲁肉饭，虽然同我们去台湾食既有点不一样，我想佢应该系做有自己特色自己味道既鲁肉饭，都几好食，满满既骨胶原。小食方面我们基本上试了一大半，椒盐杏鲍菇好食，炸的脆口又带点咸咸的椒盐味，盐酥鸡都炸的很香口好味，睇黎系真系落左order先一次过炸，黎既时候都仲香脆可口，还带著刚出炉既脆口。卤水鸡翅好食，入味，我们都食左好几只，大肠还不错，拼盘卤蛋有半只，都系一样入味。总结黎讲系好食既，可惜佢既放题优惠做到3月31日就无了，之后都未必有得食了，我同朋友今次食到饱的要行了一段路之后先无甘饱，的确系好抵食既价钱，也都可能系我们食d饱肚既面饭比较多。比我既话，下次都会再黎过的，不过要注意叫完一轮，上左一d野食之后要尽快叫第二轮，因为的确要等好一阵。
继续阅读
🍙等待时间：公众假期红日晚上八点，市区冷青青，冇咩人，唔洗等🍔室内环境：有一定自己既风格，但唔算靓🍰服务质素：系门口睇左餐牌一阵，店员有专等出来招呼我入去，不错🔺用餐简评：由于系第一次来呢间，就决定叫佢既招牌牛肉面，有齐三款料。食面当然先试汤，可能系个人喜好问题，个汤我觉得真心唔掂，好唔岩我口味，差评。而三款肉方面，只有牛𦟌我系推介同满意，但牛腩同牛根都好一般。🔹总括来讲：一碗平平无奇，不好食的牛肉
继续阅读