影片
以上资料只供参考，请与餐厅确认详情
去开北角，想食个又平又好食既Lunch，谂起熟食中心既协成粥品，上到去，见到地方比之前企理同干净咗，虽然有一排冇上去，但靓姐依然记得我同个女钟意食鲜茄猪扒饭，仲有饮绿豆沙，咁有人情味既食店宜家好少见，这里一个饭只系$36蚊，包野饮，鲜茄猪扒饭来到系热到出烟，好有镬气，猪扒入味又够多；之后叫咗肠粉都系即叫即包，萝卜糕即叫即煎，价钱平得黎野食有质素系熟食中心既特点。平时见得红荼果Ｄ黑口黑面既阿姐多，来到见到协成粥品有礼貌既招呼，直系好大对比，食完心情都靓Ｄ，希望这间好食既小店可继续加油。
继续阅读
话说今日依旧都要去北角做嘢，记得之前有朋友讲过渣华道熟食上边有一档粥系唔错嘅，今朝早就胆粗粗上去试吓，👅先，因为今朝唔想吸收太多淀粉，所以冇食到粥，坐低叫咗个炒面炸两，跟住店家话啱啱煲系热豆浆要唔要？热㖞要呀，豆浆正常，之后等咗一阵，炒面上台，系热辣辣“标”烟嘅银牙炒面! 热辣辣嘅炒面加爽口芽菜，坚系好食😋，之后炸两到，即叫即制，油炸鬼仲有脆脆地👍🏻 三样加埋 成惠 $40 物超所值戴返头盔先，我觉得好唔好食≠你觉得好唔好食，好唔好食因人而异。
继续阅读
自从来过北角渣华道熟食中心几次后，时常都挂念著协成粥品的出品，由于店内的出品全都是即叫即造，所以产品全部都是热辣辣的递到你面前👍同时店内每位靓女友善的服务招呼很好，现在不是处处可以见到，真值得一提👌👍今日系14-09-2024星期六上午，专程过来协成粥品食个早餐。坐低见到餐牌上有柴鱼花生粥，因为已经很多年未有试过柴鱼花生粥，也不是处处可以见到，于是便叫了一碗试试，稍等一会滚热辣辣的柴鱼花生粥便送到你面前，虽然价钱比较平，但调味十分好，不用下任何调味料也十分好味，而柴鱼花生的材料也不少，柴鱼口感好，花生稍为焾一些，滚热辣辣粥底浓淡适中😋👏👍🥰食了两啖靓粥，怎能唔少了点返一碟即叫即拉的葱花虾米肠粉，价钱平质素高热辣辣，而且份量不少，肠粉软滑够香，虽然只是虾皮，但仍有虾味，配上特制自家煮的肠粉鼓油，真是香甜咸齐来，真是美味无穷，食完一碟真想再食一碟，可惜这只是今日的早餐😋😋👏👍🥰今次叫了两款食品，全程没有加添任何调味料，亦一点胡椒粉或酱料也不需要，但是无论味道质素份量已十分满足👏👏👏👏👍另外值得一提就芽菜炒幼面，也是即叫即炒的，芽菜和幼面份量不少，热辣辣到出烟，咸淡适中，配埋酱料混和，令人难忘👌各位可以一试，这是极力推介不过今次发现，原来餐牌上没有的出品，竟然会有的🤔👍例如蚝仔粥、煎蚝饼及鼓椒炒蚬等等，不过要随缘，不是时常有的。虽然今次没有食到，不过下次一定再来试一试👏👏👏今次讲到为此，最后结算这个早餐只是$27，真系平靓正质素高的美食1
继续阅读
5月15日佛诞假期，揾食肥华和靓妈，在去维园凑热闹之前，先到呢间位于，北角街市2楼熟食中心，嘅粥舖食早餐。一入此档位，就有位靓姐，为肥华及靓妈，递上两杯清茶，呢个举动，令肥华有无限好感，因今餐肥华，唔使另叫饮品唻，伴主食而今餐嘅主食，两碗$18蚊嘅艇仔粥，味道唔算出色，但材料份量就十足，再加上各$15蚊，一碟嘅 ，鸳鸯肠粉及银芽炒面，和$11蚊嘅 斋肠粉，呢个食到肥华及靓妈，饱到连中午饭，都唔使食嘅早餐，埋单都唔使$8O蚊，咁嘅价钱，Ok嘅食物，良好嘅招呼，此店一定要翻啅埋，佢其他食品
继续阅读
今日喺土瓜湾坐船去北角，经过渣华道熟食中心记得之前呢度有一间都颇为出名嘅海鲜菜馆不过已经结业🤣作为一个马鞍山人难得出到嚟北角梗系想食下呢度嘅地道大排档小炒啦💗36蚊一个嘅即炒猪杂河其实从来都唔会对佢有啲咩大期望仲要送埋绿豆沙糖水㖞不过出到嚟嘅时候真系令我大吃一惊！！竟然份量大大，镬气足够猪粉肠猪润同埋猪肚都系经过炒🥹煎💗简直觉得我冇去错地方呀！希望睇到呢个文章嘅朋友你哋都多啲支持一下香港嘅本地美食💗多啲支持一下香港嘅舖头啦💪 #foodie #FoodieLife
继续阅读