卓記 (裝修中)

卓記於堅尼地城係好出名，價錢實惠，不過環境衞生就未必人人接受。粥品水準好正常，尤其喜歡個$8炸兩，只有8件，作為早餐再配碗粥份量剛剛好。昨日食到出爐炒麵，熱辣辣好大碟而且芽菜又多，$8真係宇宙最平，這個早餐我飽肚到四五點…查看更多

今日口啖啖，突然間想食粥，諗起卓記呢間店舖，呢間店舖都係好耐之前朋友介紹我去食。今日就叫左腸粉+牛肉粥，份量多材料新鮮。價錢公道、味道一D都冇變。粥底綿滑、好好味，有d似屋企煲既感覺👍…查看更多

嚟到卓記，我就隨意咁揀咗幾樣心水好嘢。首先，件蘿蔔糕勁抵食，啖啖蘿蔔香，外皮脆卜卜，入口即溶，咸香得嚟又唔膩口。跟住試咗生滾粥，嘩！我話你知，粥底滑溜溜又香濃，每啖都有豐富嘅料，特別係個皮蛋瘦肉粥，啖啖瘦肉，啖啖皮蛋，好滿足。食完咸嘢之後，轉個口味挑戰咸煎餅，外皮香脆，入面又軟綿，食落簡直係甜絲絲、心花怒放！而家講到塊腸粉炸兩，實情話你知，真係滑唔溜手，一啖咬落去腸粉Q彈得嚟，炸兩口感更係酥香四溢，我差啲收唔埋口水！最後，個炒麵做到好層次，夠香夠爽口，想不到平凡嘅早餐都可以做到呢舊水準！坦白講，食喺卓記，就係回味無窮，啖啖都係童年嘅記憶。哇，真真實實，西環隱世滋味，不得不試！👍🍜💖…查看更多

五十多年前的小時候住在港島的石塘咀.媽媽常與我走二十分鐘到西環卓記大排檔食粥和腸粉.後因搬到老遠的新界,這種童年美食只能i活在回憶裏.近來"登陸",兩元車費可到西環. 在網上查,才知道正宗卓記已搬到堅尼地城地鐵站(石山街出口)上面的街市美食區.一早坐地鉄到卓記,已認出當年的老板娘.我吃了生滾及第粥和炸兩.果然是兒時的同一美味.粥底是濃濃的米香,炸兩的油條香脆,是新鮮炸的.最令我難忘的是炸兩的秘制醬油.超好味.我想每個星期我都會過來吃一次.…查看更多

今日來士美菲路街市上面的熟食市場食粥粉麵，這是一間老店，聽說很早就收鋪的，今日早些來到，中午有很多人排隊。我好少機會食到豬潤，今次叫了一個豬潤腸粉，豉油王炒麵和皮蛋瘦肉粥。仲見到有好多唔同嘅糭賣。魚片粥，見到佢響樓下街市賣嘅新鮮魚即劏，好新鮮，原本冇諗住叫魚片粥，見到佢咁新鮮就叫埋，好多魚片。腸粉雖然好多豬潤，但皮太厚了。豉油王炒麵$8皮蛋瘦肉粥$16魚片粥$21…查看更多

細細個喺西環長大， 每個星期日都會去卓記食早餐之後上畫畫班。搬離西環后好耐無食lu , 今日難得放假去左西環， 一定要再嘗嘗兒時味道。 太多野想食。炸兩,炒麵, 蘿蔔糕.....今日最後叫左碗及第粥+牛肉粥。份量又多d料又新鮮。味道一d都無變,好食。仲要價錢超經濟。之後一定會再黎食。 …查看更多

卓記，一間集體回憶的粥店。80年代，在西環北街，大排檔。90年代，搬入土美菲路市政大樓熟食中心，仍然保留當年風味及味道。同行朋友話小時候每次返學必定會食一碗明火白粥加炸兩！我都一齊感受下當年嘅集體回憶。及弟粥：好多餸，由落單到上枱都能望清楚制作，煮嘅係正宗生滾粥，不是預先煲好，無咪精，食完好飽肚。炸両：油炸鬼好脆，不似隔夜貨。整體上價錢相宜，食返當年兒時味道。…查看更多

⠀好耐之前香港朋友介紹俾我呢間茶餐廳今日終於去咗啦😁今次嗌咗B早餐豐富早餐B沙嗲牛肉麵:好多汁﹐味道濃郁對我嚟講少少鹹 不過好好味菠蘿包:本身諗住唔要麵包因為覺得食沙嗲麵已經好飽不過其他客人好似都嗌菠蘿包所以我都試吓菠蘿包啦同之前食過嘅菠蘿包完全唔同好〜ぎっしり（算啦﹐唔識講😂）唔係脆卜卜 好軟嘅菠蘿包幾好味( “´༥`” ) 結果幾乎都食曬啦🫢煎蛋:唔記得轉炒蛋🫣茶走:我飲過最甜嘅茶走落好多煉奶 好鍾意🤤呢間好似真係好出名見到坐我隔離嘅兩位阿叔佢哋同沙嗲麵影張相📸好似好開心咁第一次見到香港人喺茶餐廳自拍唔知點解我都覺得好開心🤭…查看更多

【#熟食中心 】#卓記之前有個所謂大學教授緊急呼籲唔好去堅尼地城一帶做「除低口罩活動」，👄可以唔錫，🚬可以唔食，飯都唔比堂食😠 比佢嚇一嚇真係有一排冇落去。今日想食粥就決定去卓記，係熟食中心裡面果間，唔係街口果間，要搞清楚☺食粥我通常會叫 #及第粥，一來生滾熱辣辣，二來有我最愛既豬潤同豬腰😍老闆係一位老人家，都幾熱情，永不言休，依份敬業精神已值得支持💪 當然，佢既出品都有一定保證，而且賣得比一般粥鋪平好多👍及第粥$30唔算好平，但絕對物有所值，因為粥底煲得好綿，料唔算大件，但每件都好好食，唔係一早烚熟晒流失味道果種。加咗油條，平日只係賣$6😁 老闆已經幫你剪埋，本身係凍既，就咁食當然非常麻麻，但當放落個粥度一齊食，佢又變番好食😄推介指數：7/10@foodiehck2022 #港飲港食 #堅尼地城美食 聽#堅尼地城 #粥店 #人情味 #小店 #平靚正 #抵食…查看更多

難得放假，一支公重遊多年無去嘅堅尼地城，有地鐵可達確實令旅程更方便，但就少咗坐巴士可以沿途望下舊建築物嘅樂趣。卓記係我想試好耐但一直都未有食過嘅舖頭，皆因佢每日營業只到下午3點。為咗避開午餐時嘅人潮，特意提早於正午12點到達。餐牌係用箱頭筆寫喺白板(?)上，亦有過咗膠用顏色A4紙印嘅底面兩頁餐牌。舖願供應十幾款粥、即制有餡腸粉、油器同炒粉麵。我叫咗艇仔粥同炸両，盛惠$23，好抵食。艇仔粥係兒時味道，碎牛份量都算多，而且仲係用炸過嘅米粉包住再放入粥底，豬皮同水魷都有好多，不過碗粥就比較淡。炸両就略嫌條油炸鬼漏晒氣，咬落去好韌，而且啱啱上枱時都只係微暖，一啲都唔熱。事頭婆好殷勤，又問我要唔要胡椒粉或者甜/辣醬點炸襾。當日見倒唔少熟客同事頭婆傾計，呢種感覺係連鎖店永遠都做唔倒嘅。…查看更多

西環小店，可能伙計不多，又要做堂食又要做外賣又要做foodpanda，見佢地踢晒腳，堂食嘅客等到想走，有個客索性自己去櫃枱上攞麵。我好彩，碗麵來得快，但飲品就要三催四請，食晒碗麵都要追兩次至有。我碗牛腩麵啲牛腩靱過阿婆層皮🤦🏻‍♀️，平都要有正常質素架大佬。最好笑係見佢地接咗張foodpanda單要糭，但係佢地冇貨，於是就去附近買隻嚟頂住先，咁樣點得架？好心就取消張單啦，唔好為嗰幾十蚊冒險啦！…查看更多

這天要到K-town辦事，對我來說，彷彿登陸陌生的火星，也不知道要往哪裡食個early lunch，只好找家熟食中心的排檔囫圇吞棗，憑嗅覺我摸到了卓記。這店全自助式，向阿姐姐叫餐，她便會將餐膳放到托盤上，然後收錢，顧客自行捧著食物找位子坐下。我點了碎牛粥和炸兩，共20元，超平。＜碎牛粥＞碎牛很多，但炸米粉較少。粥不稠不稀，火候夠，看到米粒都開花了，我覺得挺不錯。大熱天時吃粥當然熱，幸好冷氣充足，頭頂更有巨型牛角扇，風吹過陣陣涼，很cool很舒服。＜炸兩＞很可惜，腸粉冷了! 才6元的小點，不敢要求，充飢要緊，其實並不差，想像它熱騰騰的樣子…應該發過光攞過彩，人人大愛。發覺枱上只有辣醬、甜醬，卻沒有最重要的芝麻醬，心想是否太貴了，小店負擔不起?卓記是卓記，零服務、大聲氣…要來不來，隨你。…查看更多

炒麵🥸$6炸腸😎$6係香港腸粉關注組見到🤣見到有人分享咗呢個超平粥店🤩結果走咗過去試吓😆由於我去到已經係下午兩點幾🥸店員已經開始清潔中，預備收鋪😅好彩仲有得食😁確實真係好平🤓炒麵OK嘅，但真係比較油🙃炸腸老實講唔好食🙊油炸鬼太厚，而且唔脆又粉😞但$6一份，我又唔expect太多😂純粹為填飽個肚係好抵嘅😆另外衛生環境的確欠佳😅所以去一次就夠🤪卓記 (西環)西環堅尼地城士美非路12K號士美非路市政大廈2樓熟食中心…查看更多

老广州儿時时经常都到广州银记吃艇仔粥。在香港多年，很想寻回儿时的美味回忆。有天朋友介绍我坐地鉄到坚尼地城站，政府街市大楼顶楼美食中心的正宗卓记。我点了艇仔粥和油条。艇仔粥足料，粥底绵，每碗只买十四港元，超高性格比。油条是刚炸好的，又香又脆。由于是市政大楼美食中心，所以保留了卓记六十多年老字号的排档风味，但却有政府免费wifi 上网。听说，天熱時还有空调。真的又平又正。他们的肠粉，炸两也是即蒸的，超好吃。…查看更多

天氣凍食粥就最好，相比路口嘅卓記，更喜歡里間係熟食中心2樓嘅正宗卓記~聽說其實以前係係路口的，係賣舖後先係熟食市餐開🤔設施就相對簡陋，相信係因為傾向做外賣，而非堂食，基本都係自助，咁可以放心嘅係，價錢好公道，$20左右就可以食飽飽😆里度粥品軟綿，仲有生滾粥嘅選項~好似豬膶、魚片嗰種🐟腸粉米味濃郁🤗今次點左皮蛋艇仔粥走牛同腸粉🥰不過腸粉應該唔係每個人都鍾意食嘅style，腸粉偏厚身，好處係基本唔會爛同幾掛豉油、甜醬等😙…查看更多