影片
是日黎到华记新舖食晚饭，不用等位！华记有个特价小菜推介，碟碟$52.都好多选择。 由于太肚饿2人决定叫3碟小菜，xo 酱翠肉瓜炒猪颈肉$52，一上桌好大碟，味道就一般，还可以。京都焗肉排$52，呢个就诚意推介 特别之处系佢系用排骨，唔系用梳打粉搞到无晒质感ge 猪扒，而且平时食京都肉排，一定洋葱多过肉。呢个味道浓味甜甜地唔过咸，真材实料，粒粒排骨，$52真系抵到烂椒盐茄子拼鲜鱿$88。茄子炸得通透唔过干，但鲜鱿就唔合格粉厚兼无味！3个小菜加1白饭，埋单200头左右…
继续阅读
店名：华记小厨地址：香港仔湖南街好味指数：7.8／10价钱：$53三杯鸡饭+例汤+白饭（转肉燥饭+$5）呢间铺开左一个月倒，次次行过都见无咩人食，以为一定唔好食。今日鼓起好大勇气入去试佢其中一个招牌菜色-三杯鸡。先说例汤，可以说是真才实料，不似普通茶餐厅例汤般，这里的比较浓郁，汤料也挺好吃，喝后也不感口渴。肉燥饭也不错的，𩠌料和汁够多。三杯鸡的份量非常大，两人吃也非常够，而且配料如蒜头，薄荷叶等也做得相当好吃。诚意推荐！大家要多多支持呢间小店啦！ 查看更多
继续阅读
其实最一开始都唔知呢间店啦，因为有朋友介绍，所以我地全家人就去咗呢度食野，咁呢度的开店时间由下午4点开到凌晨2点，因为佢开呢段时间啦，所以我地先拣呢间店，因为我地可以慢慢食，而且我地屋企人返学的返学，返工的返工，好难约到时间，但呢间店开到咁夜，岩晒我地的聚餐时间，唔会好似赶绵羊咁，食完就走咁辛苦。佢地的野食有好多，睇餐牌时睇到眼都花埋。见到咁多野食，咁我地一家人就一人拣咗一个菜先，我地有十个人，包括亲戚，所以我地就拣咁十个菜先，我个朋友强力推荐咗个鸡煲，所以我地就第一个菜就拣咗鸡煲。华府记鸡煲$138因为我地系9点钟之后先去，所以我地有半价，所以真系好底，而且呢个仲系个度我招牌菜，个度的员工都有同我地介绍呢个鸡煲～^_^个鸡煲又几足料下，同我地系出面食个d鸡煲都几似下，但系个d汁都几好食。之后我地又选咗水煮佳花鱼，佢要$178，比鸡煲仲要贵，但系我真系好钟意食水煮鱼，所以我最后都有拣到，虽然比鸡煲贵，但系都系正常价钱。好好食啊！！烧冲茨仔牛柳粒$98，其实我地食呢个𩠌系为咗个啤酒，佢送咗一枝啤酒，咁我系唔饮酒，佢地钟意饮就叫吧，反正我都只系食个d牛柳粒，额，其实同牛肉差唔多.....豉椒炒蚬$52其实真系平，平时系茶餐厅食都冇咁平，d汁真系好好食，但我唔系几钟意食蚬，我觉得食得好麻烦，但系佢地想食，咁就叫咗呢个𩠌。仲有其他野食，冰镇鲜鲍$28，超平啰，28蚊!！！本来睇到咁平就谂住试食下，但平都会有好野食，唔系贵先系好食。仲有台式鸭舌$48、蒜香冻花螺$68、盐酥鸡$58咁上面个d都系特别好食个d，仲有其他我唔系几记得啦。但整体黎讲都系唔错的，因为d野食都唔算太贵，而且d小菜都好好食，好采有朋友介绍唔系都唔知有间咁的店。Ps:其实间店揾路系几方便下，因为佢系巴士站旁边，咁落咗车就好快见到间店，但系因为我地多人，而个段时间又几多人系个度食，所以我地要去后巷上2楼（间店有2层，几大下），上楼梯个条路又斜，唔好行啰。所以系呢方面我真系要强调下，如果想去食就要早小小去，唔系就要去后巷上2楼。
继续阅读
6家人约到一齐食饭真系好难得！不过地点真系好难念，尤其当中嘅七小福！而家同学仔爸爸推介呢间小厨！话食物一流，仲可以比到阁楼雅座！包到两张大枱！咁大家当然无问题！去到时原来阁楼要在后巷进入，而且要行上一条好斜嘅铁梯！上到去无窗！比较焗，有一枱客人顶唔住转返楼下坐！环境系三张大枱加啲细枱！比较窄！上面有厕所（只限开小）加个水吧！去到熟手嘅已经叫定食物！（因为唔系我叫，食物名称我自己念嘅）香煎猪润：呢个卖相黑妈妈，味道无得顶，一向我对猪润一般，唔钟意沙沙嘅感觉，呢个唔会不特止，弹牙加个惹味酱汁（好杰身，好似叉烧酱）我哋直头食晒encore之外，再留返啲汁去点其他食物！我比咗一件肥髀，佢照食都无话有怪味！蛋黄小卷：卖相可爱，好似切片嘅烚蛋，但蛋黄有捞啲咸蛋同火腿？真系唔知点煮！味道咸香，好特别！炸珍珠蚝：细细只，好香口，蚝无沙无怪味！送酒一流！金蒜娃娃菜：平时唔喜欢娃娃菜嘅我，居然觉得好味，娃娃菜煮得透，索晒汁但又保持到咬口！上汤唔会过咸，清甜好味！水煮龙疐（小辣）：个卖相舖满辣椒好恐怖，但食落只有小麻，唔会无晒知觉！鱼肉好滑，最令人回味嘅系垫底嘅阔扁薯粉，好弹牙又索汁！夹杂嘅青瓜可以解辣！正！口水鸡（小辣）一样小辣！唔会比汁液抢走鸡嘅味道！鸡肉好滑！食得出食物原味！招牌炒饭：好香好香嘅豉油王炒饭，饭粒沾满豉油，粒粒分明，饭粒干身弹牙，其他配料完全失色，蔬菜粒只系增加口感！正正正！沙拉骨：念住呢啲𩠌无惊喜，点知都令人回味，沙拉酱酸酸地开胃，特别在排骨炸到外脆内软，仲有肉汁！好味呀～～～梅菜扣肉：呢个梅菜偏甜！而且唔爽口，扣肉唔会有肥腻嘅口感，肥油已经迫晒出来，所以肥膏变得弹口！系个汁太甜失色啲！椒盐双拼（豆腐及鲜鱿）：香口惹味，豆腐外脆内滑，仲要细细粒！鲜鱿弹牙唔韧！好味！蚝饼：蚝仔用足，新鲜好味！但唔够脆面，蛋液又无薯粉弹牙嘅感觉，只有蛋好削！可能呢度唔做潮州式，所以唔同！炸鲮鱼球：唔知点解无比蚬介酱，不过我哋觉得够味都无攞！鲮鱼球弹牙，鲮鱼味浓！好味！菠萝咕噜肉：酸酸甜甜，配炸得香脆嘅肉排，加爽口蔬菜！100分！炸猪手：自己对猪手一般，呢度南乳腌得入味，但我食𠮶件骨太大！无肉，所以唔觉好味！食物无得顶，避风塘风味！所有香口食物好味道！店员勤快，攞汽水落单上菜一脚踢！对小朋友好包容，小朋友唔小心打倒汽水，攞毛巾同拖地！辛苦了！
继续阅读
此店开业以来，共光顾了堂食四五次，这是外卖自取的第三次，亦是比较失望的一次。从个人观察所得，楼面员工的经验和效率都进步不少，但厨房出品仍然飘忽参差。此店是唐楼地舖，面积有限，区内亦较少主打中式小炒的地舖，所以常常结构性地爆场。点了两款特价小菜，因为外卖胶盒影响了卖相，为公平起见，没有拍照。「蒜蓉蒸娃娃菜」($48)不吝啬蒜蓉，所以充满蒜香。但蒜味亦霸道地完全掩盖了娃娃菜的原味，真难平衡！更糟的是，蒸煮后留下非常大量油腻的水份，把全部的娃娃菜淹没，说是「油浸娃娃菜」更贴切。「红枣云耳蒸鸡」($48)有红枣，但未能散发枣香；有云耳，又欠缺原味；有鸡，但寥寥可数的鸡件多半是头头尾尾，相信是下栏。整体味道只是来自调味料而非来自食物本身。同上，蒸煮后都变成「油浸鸡」。特价小菜，理解的！总结：也许是特价款式，食物份量偏少。味道更是近乎不合格。跟之前几次比较有天渊之别。这次两道菜式都不能达到我的标准。考虑到是特价菜，亦考虑到当时客满给厨房的压力、外卖打包形成额外水份、节日晚市爆场等因素，性价比还是不合格。
继续阅读