影片
食记 (76)
睇到报章评价什高，所以到华苑食晚餐，去到点左个招牌蚝饼，成为$108，蚝饼入面D粉仲一旧旧，质感好差，但蚝仔都算新鲜。另外叫左个鹅片拼鹅肠$288，鹅片切得好细块，食唔出卤水鹅的味道，而且又干同柴的口感，全碟只得7小块鹅片。卤水蛋完全没味，失败。服务员自己落错单，仲要话我们讲得唔清楚，一定唔会再帮衬!
继续阅读
在iSquare睇完戏食饭，突然好想打冷就黎到华苑试试，由iSquare行过去约1分钟，很方便 ～之前在open rice 见到这里的普宁豆腐已好想试～ 😋 真系好味，新鲜炸起，好有豆香。值得赞既系佢地个卤水鹅肝😵好入味，又唔会觉得好漏。平时食煎鹅肝食一块同size已觉得肥腻，但卤水版本真系食多几旧都觉得好正😂至于蚝饼就多粉左d，蚝又太细粒。另外叫左分双拼河粉，牛丸好弹牙又juicy，鱼蛋冇乜特别，下次可以叫碗净牛丸 🤤
继续阅读
今日同一班同系潮洲人既朋友食晚饭，好耐冇食家乡美食，格外兴奋水瓜烙 ($98)- 烙系潮州食品既特色之一，有D似平时酒楼食到既煎薄罉，木薯粉+蛋浆做饼底，加上潮洲本身属食材丰富既地方，会加入蚝或水瓜等食材做主体，再加上葱、菜甫等香料，有烟韧既粉层、香料既口味衬托，同主食材水瓜本身既淡淡清香，系个好好既餐前薄饼，配搭鱼露，咸咸鲜鲜更惹味牛丸紫菜汤 (忘记价钱)- 友人极力推介必食之选的确系必食中既必食，牛丸一咬之下有爆浆，牛肉味同爆浆既冲击下，定格咗半秒，牛肉味非常特出，而且粒丸好弹牙，系我食过最好食既牛丸！鹅片拼鹅肠 - 鹅片OK，鹅肠肥美，卤水入味，有"口赵"口而唔会太韧，卤水味同鹅油脂既香混合出一种难以形容既人间美味豉油葱花煎普宁豆腐 - 都系第一次食咁简单口味既𩠌，果然豆味系香葱豉油下更突出。柠檬蒸乌头 - 潮洲人喜欢食鱼，甚至可以用鱼代替饭，将鱼蒸熟再摊冻，除咗方便，冻食反而更鲜甜同食到鱼香。虽然今次既乌头鲜甜度一般，但配埋普宁豆酱+辣酱，都别有另一风味酥炸虾枣 - 潮州𩠌中原汁原味既虾丸，用真·虾肉+爽口既马蹄打成丸，外层沾粉炸成金黄色脆皮，即炸即食系最好食糖醋面 - 将幼面煎成饼底形状，食既时候沾上醋同沙糖，喜欢甜酸口味既人一定LIKE成枱夹埋百几岁潮洲人，都系第一次听到有蚝爽哩味𩠌，好奇之下叫嚟试试，上枱后可能大家都食得七七八八，加上调味都系普通既姜葱蒜椒，而镬气唔算好强，并无惊喜，味度有点似一般酒楼食到既姜葱蚝，分别系哩个蚝爽细细粒，容易食。要凑米气既朋友最后都系要叫个最驰名既蚝仔粥，有方鱼有蚝仔，好丰富既饭食。难得大家开大个胃口，一定要食埋经典既潮食甜品福果芋泥 - 用芋头、猪油混和而成既邪恶美味，就连白果都系糖水浸既，钟意食甜既，又唔怕漏既一定唔可以错过姜薯系个潮州特产，口感似淮山既淀粉类食品，而煮熟后令糖水有独特既黏黏口感﹔而清心丸绿豆爽系粒粒绿头同少少啫喱既组合，两碗糖水味道系淡淡既甜味，清清地而口感唔同，可以话系平分秋色。成餐饭好满意，店员热情，朋友反而觉得佢太过热情，下次一定要再返嚟食牛丸同鹅肠。
继续阅读
父亲节在尖沙咀找地方吃饭，本来都想著没订位没位置，老板人很好的安排了一个位置。还介绍了好吃的鸭腌制很入味，椒盐濑尿虾稍微比较多膏，个人是喜欢多肉的，不过味道还是不错。粥的话料也很足。*服务员态度很亲切，好评
继续阅读
尖沙咀隐世潮菜馆，位于国际广场后面，7-11楼上的餐馆，店面面积不大，装修很有80年代的味道。店内有位上了年纪的老侍应，推介了几道菜，卤水拼盘，生腌蟹仔，潮州蚝烙，豆酱半煎煮黄花，芋卷普宁豆腐！先说生腌蟹仔吧，很久前到潮汕旅行吃过一次，之后回到香港找了很久都没有地方可以吃，今次竟然可以吃到「生腌蟹仔」👍🏻，味道和汕头一样依旧1鲜味一试难忘，很有潮汕的味道，配上一碗白粥简直是人间美味😋，极力推荐！另外是「蚝烙」，平时经常都吃到，但这里的蚝仔份外大只，更汤匙一样🤩大很少见，蚝仔分量十足，啖啖蚝，爽！另外值得推介的是华苑这里有很多很多潮州的地道小食，今天因为我们人数不多，只能叫其中2种，芋卷拼普宁豆腐。「普宁豆腐」外层是脆，内里是滑身，配上特制的汁料，芋卷也香口，有芋香和咸肉。香港真的很难有店舖可以吃到这么多种的传统潮州味。难怪有那么多明星光顾，因店舖面积不大，位置有限。原本七点多到，已没有位置要差不多九点才能入座，亲爱的老侍应告诉我，下次一定要先订位
继续阅读