影片
首先，全部侍应态度都非常之差！特别系个四眼扎辫嘅阿姐，叫佢追下条蒸鱼，即刻话：唔知㖞！全部都系咁耐架㖞！个个都要等起码四五个字㗎啦！但系我哋已经等超过半个钟以上！之后仲听到佢闹一个埋左单岩岩走嘅客，话：好心佢食碟头饭就算啦！仲要连续讲几次！全程喵嘴喵舌，另外个高大嘅男仔侍应永远好似未训醒咁，乜都唔想理，又落错单！以后咪搞！茶餐厅嚟讲，呢间绝对系极品！其实已经系第二次帮衬，可惜连续两次都系会落错单，落错仲问返我转头，仲问我究竟叫咗啲乜，落单已经指住个餐牌同埋讲埋个号码，重复一次都系会错！我真心奉劝唔好再去帮衬啦！因为我相信个老细都唔在乎！如果唔系都唔会有得啲侍应态度咁差！全间餐厅嘅侍应都咁差，真心少见！永远唔会再去！
继续阅读
今晚是第二次帮衬，昨日食完晚餐，虽然环境一般乌蝇四围飞，味道一般份量正常，谂住俾多次机会佢，今晚收工宵夜时段去买了一盒星洲炒米外卖，点知中伏，因为只有一个厨师，所以凑埋几个order一齐炒，见到堂食𠮶个客比我迟来，但系同我个外卖同一时间出，然后外卖拎到手已经心感不妙 ，非常轻飘，打开外卖袋睇只有半盒，即时同服务员反映，但系得到嘅回覆是正常份量，我可以讲比一般正常茶餐厅嘅茶餐还要少，味道就不用讲了！绝对不能再帮衬！
继续阅读
今次系第二次食呢一间嘢，之前𠮶次系食早餐觉得一般，所以就试吓食晚餐，谂住俾第二次机会点知都系伏。一开始坐咗一阵就发现个环境有啲恶劣，首先系有只乌蝇系咁飞来飞去，咁我觉得可能外面嘅餐厅系难避免完全无虫飞来飞去，所以我觉得系情有可原，但系点知佢窗边𠮶啲罅位一堆死虫，死乌蝇仲有其他拍死咗嘅飞虫，唔系几明白点解可以冇人清理。食物嘅质素都唔系几掂，所有菜都感觉好预制菜feel，系冇镬气，啲菜唔似啱啱煮出嚟，比较似整好咗好耐之后帮你整返暖，个茄子煲劲似微波炉嘢食，只色好唔吸引，个小炒王又完全唔香，剩系得个咸字。唯独比较正常啲嘅系个炸鸡髀同个西多士，佢唔系超级好食，但系佢系一个普通餐厅有嘅质素，我会话系抵食过晚餐，但系都有可能系我哋唔识叫，叫中晒啲唔好食嘅～咁佢开咗一两个月，都算系一间新餐厅？过多几个月食佢可能会有改善会好啲？但我会觉得佢之前𠮶间越来越爱定越难越爱，都好似好食过佢🙈如果真系想食茶餐厅嘅，可能富园茶餐厅更加好，希望佢真系有所改善
继续阅读
生意虽然好，服务质数超级差，有位男士员工态度极差，你叫他听到，但唔会理你，起初我以为他冇听到，叫多次，依然唔会理你，向收银同事投诉，好随便甘敷衍我，话会话态度不好的同事，难道华乐咖啡室就冇人管理吗？
继续阅读
见到新开贪新鲜，门口大大个餐牌有铁板餐食，啲小菜又多选择，冒险试一试，点知大跌眼镜。老婆想吃鳗鱼，就叫左鳗鱼拼鸡扒铁板餐，嚟到打左个突，铁板餐竟然系用白色碟上，咁你个餐牌唔应该写铁板餐，张相片都唔应该用铁板，误导人。得罪讲句，呢碟野应该叫黑椒汁鳗鱼鸡扒碟头饭，送半块多士，虽然你餐牌有写住图片只供参考，但我感到非常失望和愤怒，去隔离大家乐食杂扒好过，起码有铁板俾我淋汁。味道就一般，就系大家午餐去茶餐厅食既黑椒鸡扒饭一样，加多块鳗鱼系上面。
继续阅读