影片
呢日, 有朋友从澳洲回港, 然后一齐约左2个中学同学食晚饭~𠮶2个同学, 我成10年冇见喇~ 我地要揾个静静地, 可以坐好耐既地方,好好地慢慢食野倾计~然后, 我拣左半岛咖啡屋。呢间餐厅系多年前我有个Auntie介绍我去食的~楼上舖来, 系冇咩装修可言嫁喇~但胜在佢d牛扒真系一试难忘! 好好食!佢本身喺街尾的~ 后来搬左先喺波鞋街街头~我地一行4人, 因为佢地冇食过, 听到我系咁话牛扒好食, 所以我地有3个人都叫左牛扒~有1个人就叫左羊扒来试~Dinner Set系一个主菜包一杯野饮的~但menu上有好多野饮都系要再加$~大家可以因应自己喜好去叫~我就叫左杯菠萝沙冰(跟餐+$8)~菠萝沙冰(跟餐+$8)冰打得够碎~ 唔会一旧旧~饮落去真系透心凉~菠萝味都唔错, 好fresh!纽西兰肉眼扒(黑椒汁) ($138)呢份系我既, 我叫左配薯菜~另外可以拣配天使面/饭~牛扒系肉眼扒来, 有2块~我个人中意食肉眼扒多d~肉质林d, juicy d!我叫左5成熟~ 牛扒系粉红色的~仲有少少血水流出来, 一啖咬落去, d肉汁爆晒出来~ 真系超好味!左上: 澳洲羊架(黑椒汁) ($138)呢个系朋友食的~我冇试呀~有4旧羊架~ 听朋友讲都好食好juicy!呢间野, 价钱唔贵, 扒类高质好食!又可以坐好耐都得~ 朋友聚会就最好不过了
继续阅读
呢间初初系朋友介绍去系一个好好嘅倾计地方嗌咗个3成牛扒加炒底超级超级正！！！❤️后来改埋1成牛扒炒底！牛扒好软好好食 炒底好香做咗熟客咁制日日都上去基本我介绍俾一个朋友朋友又介绍俾另一个朋友！
继续阅读
帮衬左呢度以经接近5年了，永远同朋友想系旺角揾地方倾计同食饭就一定拣呢度。家庭式经营，每次嚟亲都有家嘅感觉😍重点系，老板呢5年都无加过价👍👍👍🐆🐆🐆🐆🐆🐆🐆🐆🐆🐆🐆🐆🐆🐆🐆每次必点！扒可自行选熟度，通常5成熟就岩岩好！老板系即点即煎~🐆🐆🐆🐆🐆🐆🐆🐆🐆🐆🐆🐆🐆🐆🐆甜甜的蜜糖配埋小小辣既黑椒~~bbq风味，好正🐆🐆🐆🐆🐆🐆🐆🐆🐆🐆🐆🐆🐆🐆🐆可选辣定唔辣，解议少辣就OK la.. 老板放指天椒都几重手架😂好有thai风味架呢个菜！嚟左几年，餐牌上嘅食物都差唔多食过哂，真心真系无一道系唔好食！加埋任坐呢点，好难唔成为老地方bor 😆
继续阅读
约左朋友一齐倾旅游 Roadtrip 既事, 就想揾间可以坐得耐, 又有 Wifi, 环境宽敞既 Cafe 慢慢倾！其中一个朋友两年前黎过呢间 Cafe , 觉得唔错, 就决定试一试！！ Dinner Set 餐牌, 性价比较高既, 似乎都系 "纽西兰肉眼扒" 或者 "澳洲羊架"最后大家都叫左 纽西兰肉眼扒 , 共 4 份！扒餐可以配薯菜、饭或意粉, 我就当然食我至爱既薯条肉眼扒一D都唔靭, 肉质唔错, 但系唔太够香Dinner Set 并没有送餐汤或餐饮, 叫饮品需另外加钱我就叫左我最爱既冻朱古力, 面头有加 Cream & 朱古力威化棒, 卖相OK, 但朱古力味唔够浓朋友就叫左呢杯 曲奇炒趣奶昔 , 卖相几唔错啊！！ 睇著好想试下！！但朋友评价普通！整体食物质素OK, 但环境些微昏暗 好处系人唔多, 地方宽敞, 职员好NICE, 仲会同你讲下笑, 唔怕会比人赶走, 想坐几耐都得！！而且每张台都好阔落, 好方便带notebook, ipad 等慢慢倾野仲要每张台都有个拖板+两个USB充电位, 认真周到
继续阅读
都系朋友带过我嚟先识呢间半岛咖啡屋，以为呢度无咩宣传，加上位置隐蔽，识嚟嘅人应该唔多，不过到埗后都有五、六成满。佢哋好似冇晌附近街上整易拉架，上嚟啲指示又有啲一楼一感觉，加上店名又好似有少少流流哋，如果我系平常路过嘅话，应该唔会刻意上来。事后听闻呢度老板兼主厨曾任职半岛酒店，唔怪得店名叫半岛。无咩装修而偏向旧式，主要系卡位形式嘅高身梳化椅，唔算非常特别，不过每台都有一定嘅私人空间，算系坐得舒服。上次坐窗边卡位，呢次再同朋友嚟就坐另一边较入嘅位置，虽然都系带啲昏暗，但对比起佢哋其他位嚟讲，呢边光线会比较充足，同埋啲台櫈亦好似比较整洁。只系饮过嘢，今次就食晚餐，定价动辄百几蚊，不过扒类食品一般来货都较昂贵，咁都可以理解。开初以为个餐会包餐汤之类，原来只系有主菜，饮品要另外加钱。士多啤梨蓝莓刨冰，佢哋声称系用鲜蓝莓同鲜士多啤梨打成，唔系香精货色，碎冰打得幼细，入面混有打碎咗嘅蓝莓皮同士多啤梨核，闻落莓味出，饮落无添加太多甜味，唔错。薄荷朱古力，难以想像朋友会拣呢款，下层系冻朱古力，上层就系忌廉同薄荷糖浆，另以一支朱古力威化棒点缀，甜度颇重，朋友话普普通通。澳洲羊架配黑椒汁，羊架系用盐等等略为调味，煎到表面焦脆，食落肉腍松化，无被松肉粉腌过头嘅感觉，亦无太重膻味（我系𠮶种食羊但怕太膻嘅人，都几矛盾）。黑椒汁就偏甜带少许辛辣，另伴有杂菜沙律同薯条，当日薯条唔脆，仲有啲过咸添！纽西兰肉眼扒配黑椒汁，朋友叫咗五成熟，肉厚但煎得唔干身，嚼来筋位少，唔会咬极唔烂。
继续阅读