影片
营业时间
今日营业
06:30 - 00:00
星期一至日
06:30 - 00:00
以上资料只供参考，请与餐厅确认详情
同朋友路经，见有位就入去食，大只女职员落单叫咗两个扒餐，坐咗25分钟未有得食，冻饮都未有，一问之下原来无落单，个女仲话"系我落单咩😵💫''，人格解离。一个男职员(被称经理)话帮我哋落单同催厨房快D，(态度..)))再等15分钟仍无影，再追，回覆因为好多单(外卖)，话仲要等，乜唔系追咗单咩，40分钟做唔到2个餐，唔知再要等到几时，我话无时间再等，跟住， 差下多全部职员一齐向住厨房讲勾起张单。哈哈，原来佢哋做嘢都可以好齐心同好快。间餐厅真系要多得呢班员工，一错再错，
继续阅读
从来唔写食评，街坊，但真系太离谱，星期日一家人叫外卖，首先，外卖要等一个钟有多，如果系好食都算，一黎到真系火都黎咸蛋肉饼饭送漏左个白饭，系想人空口食左块肉饼？XO酱杂菜炒乌冬无送黎，变左豆腐火腩饭，厦门炒米，完全无落油无𩠌咁，难食，豉椒鲜鱿炒河，叫炒河但完全无炒，下面系白雪雪嘅河粉，一pat野，上面淋左小小汁，完全唔够捞晒河粉食，鱿鱼系梅嘅，叫咕噜鸡球无，转咕噜肉质素都麻麻成餐饭成家人都唔enjoy，净系觉得难食，以前都有食开半岛，以前真系好食，而家真系唔会再试，基本野都可以整得咁难食，麻烦真系检讨下，炒河完全无炒，真系离谱到接受唔到
继续阅读
夜晚去买外卖，叫咗个$84蜜汁薯仔牛柳粒，一个$64清炒时令蔬菜（菜心），等咗25分钟先至有，返到屋企一打开个菜心，份量极少，蜜汁薯仔牛柳粒水汪汪咁，同佢幅图差超远，牛柳粒得五粒😂，真系笑死我，味道方面，完全食得出落重味精。一共$148，完全唔值呢一个价，食完肚气！👎🏻👎🏻👎🏻🤮🤮🤮绝对唔会再帮衬👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻，食佢隔篱𠮶间牛腩仲好，又平又快手。
继续阅读
今次试咗"半岛冰厅"嘅咖喱牛腩煎蛋饭，同下午茶焗鲜茄猪扒饭，整体经验一般。先讲咖喱牛腩煎蛋饭，牛腩虽然焗得几腍，但咖喱汁偏淡，冇乜香浓嘅咖喱味，煎蛋嘅熟度亦有啲过头。整体嚟讲，味道算系平平无奇，唔算特别出色。至于焗鲜茄猪扒饭，猪扒比较干硬，冇咗应有嘅嫩滑口感。鲜茄酱汁嘅味道亦都只系一般，冇咩惊喜。下午茶嘅套餐选择都算多，但整体味道未能超出预期。虽然食物质素唔算顶尖，但价钱尚算合理，对于追求性价比嘅朋友嚟讲都算系一个接受嘅选择。不过，个人就未必会再特地选择呢度嘅外卖。总括嚟讲，"半岛冰厅"嘅外卖体验属于中规中矩，价钱合理，但味道方面仲有进步空间。如果你对食物质素有较高要求，可能要再考虑下其他选择。
继续阅读
呢间野，沙角半岛冰厅，令我第一次忍唔住要写feedback🤬😡😡😡😡😡😡😡😡😡😡呢碟野大家点都唔会谂到系东南亚名菜，海！南！鸡！饭！😡😡😡😡😡😡😡呢间野系越来越多唔同款式既菜式，最近仲多埋四川/重庆烤鱼同鸡煲添，但系咪又系伏就唔知啦，因为唔敢试！叫左佢呢碟所谓”海南鸡饭”，望落都唔知边忽似海南鸡，d鸡肉酸到似普通白切鸡，但难食过白切鸡，街市既双拼$28切鸡饭仲好食过佢！而d饭呢？硬到可以咬崩你d牙😡😡😡😡 难食到呕🤮🤮🤮🤮🤮🤮🤑🤑🤑好心啦，$68一碟咁既垃圾？将心比己啦，佢整果个自问自己食唔食得落呢碟垃圾？有时真系唔想踩低本地饮食业，但大家有眼睇啦？呢d乜野质素啊？如果系大陆唔止好食又服务好之余，如果你对店家不满，人地仲会免你呢个餐钱添！但你唔会望香港d无职业道德既餐饮业免你钱系难过登天，你只希望得到唔系差劣既食物质素咁简单啫！都系咁难！绝对唔会再帮衬呢d垃圾！ 执哂都唔抵可怜🤬😡
继续阅读