影片
食家推介
坐低咗，成枱都系上手食剩嘅野+成枱骨，礼貌地叫个女侍应清一清枱，一幅西样话等等过咗十分钟，再叫佢清枱，又话转头等到野食都到埋，佢竟然可以喺枱面揾个位放底碟饭就走，再叫佢清，佢竟然仲可以话等等！忍无可忍，问佢唔清枱点食饭，先极不情愿执枱。执枱执到啲纸巾跌哂落地，水又滴哂落地，完全系觉得啲嘢好污糟唔想掂咁样。大佬，你咁身娇肉贵做乜走黎做侍应？呢间店食物质素唔错，但俾呢位马尾女侍应搞一搞，即刻唔想再黎希望老板正视一下问题，唔好俾呢啲人影响口碑。
继续阅读
嚟咗食两次两次啲侍应态度都好好。今次同妈咪嚟食，佢嗌咗必食猪手饭，我就嗌咗黑松露丸麻辣猪肚陈皮鱼蛋车仔面。佢哋嘅车仔面都几多选择，价钱相宜。黑松露丸几香，麻辣猪肚都够麻够辣，陈皮鱼蛋就略为唔弹牙，汤底唔错。妈咪话猪手略为太林同太肥。
继续阅读
这店疫情开业帮衬至今.食物出品越来越差特别车仔面价格越来越贵.有天经过看见下午茶时段两𩠌车仔面35蚊起.点了三个𩠌鱼蛋萝卜猪红河粉可乐$51下午茶时段正价收费.份量比一般下午茶还要少.这样只会令客人不会再去帮衬睇住呢一间小店又有生意自己做到冇生意.
继续阅读
经过土瓜湾，太肚饿随便入左一间餐厅食野，啱啱好仲有下午茶，有几款港式吸引茶餐选择🌭沙嗲牛肉蛋潜艇包个包简直系松软到一个点😍劲新鲜🫶🏻沙嗲牛方面同出面食嘅味道唔太一样，比较少花生味，个底有蛋同菜配搭，增加层次感🫡🥢蟹柳鸡翼炒乌冬蟹柳同鸡翼每样有两件，乌冬炒出黎都好香，份量都足够，不过略嫌佢有少少油🥹如果可以干身啲就一流🤤店员哥哥都好有礼貌同friendly，俾人感觉好体贴，会主动问要唔要碗仔🫶🏻
继续阅读
服务态度麻麻 食物麻麻～6点半左右入去坐低叫野食，当时得两台客叫左两个面加一个小食，张单系漏左个小食吉列炸蚝冇落，不过觉得唔算好肚饿就由佢～两碗面其中一碗系加腩汁，再加3个𩠌-猪腩肉➕素牛丸➕黑松露丸，碗面到果阵，个侍应话转头补返啲丸～（唔明点解唔等埋啲𩠌齐左先上）望一望碗面 唔似有腩汁 问侍应 佢话已经有加左 唔够可以再比～OK！ 咁食清啲都OK嘅饮左一啖汤，系微温果只，完全唔热 啲丸到左， 两粒细到见唔到嘅丸加两粒大啲，想讲一个𩠌都要加14蚊 虽然知道通胀劲，但未至于咁挂🥲试下粒丸 我都分唔清边个系黑松露丸边个系素牛丸…另外，想讲个女侍应服务态度都令人不太舒服，额外另上嘅丸未到果阵，突然行过黎拎起我地张单 跟住同厨房讲 系牛丸呀～一碗面等齐啲送再上系基本挂～仲要唔知张单啲送系咩🙂俾钱果阵发现净系可以比现金，唔够现金💰要去禁钱，同个女侍应讲声，佢系应都唔应…..真系唔知点解咁多好评…
继续阅读