千豐日本餐廰 (已結業)

个晚同屋企人去食饭…见到个日本野喔…咁咪去试下啰…一去到，个侍应就俾个房我地坐，仲有电视睇…跟住问个侍应有D咩特别D既野食？佢同我讲有空运日本货，叫（粒贝）。见佢俾埋相我地睇，又话个收银又食过…见个收银同个侍应讲得咁特别咪试下啰…虽然份量唔多，但真系好鲜甜…跟住试埋D寿司同拉面..味道好好…到埋单个阵个都系几百蚊，好低食…仲要无加一！！D服务好..系屋黎讲，真系值得一赞……查看更多

其实我都系从佢开店时的时候就试的从第一次食的时候为左试下 所以叫左个秋都鱼午餐set 条两来到的时候好香 连我呢d 唔系好食鱼的都觉得好干身而且一d都唔醒的 可能佢地新开张比较湿乱所以个面鼓汤迟迟都唔来 但系新张期间，我觉得可以接受。 但系无饮品拣 需要改善 第二次去就系两日后的晚饭时间，原因系同事想试下㖞....咁去到的时候 系要揾下位，因为始终都系新开张的 梗系多人试啦 一开始就叫左个蟹子沙律同烧秋刀鱼 因可以睇下师傅的手艺 条条都差唔多 睇得出师傅系有用心切的 卖相系可以 不过我觉得份量少左d 出面的多数有得拣大或细的 秋刀鱼就唔洗讲啦 (正) 之后叫左d寿司 食落口d 鱼生好新鲜好甜 但芥辡就唔够辡 最后叫左个海鲜炒饭同铁板牛肉都好正 炒饭够干身，来到的时候劲香而且牛肉熟度岩岩好(强烈推荐) 最后发现千丰卷 问下侍应系咩来 佢话日日唔同 要睇师傅当日俾咩你 所以叫左一客 各位到时可以试下 最后发觉佢地加左少少饮品 要赞一下:)之后都去左几次最后再去都系晚上 今次叫的同上次差唔多 唯一唔同的就系冇叫炒饭 叫左个乌冬 好弹牙正! 但今次发现佢地的餐牌种类比较少 如果去得几次已经无野可以试 呢样野系需要改善的 :(本人整体觉得食 刺身及沙律 系最抵食的 熟食方面略嫌贵左少许 …查看更多

今日2小时LUNCH TIME, 同同学一行9人去千丰食吓去到立即有位, 有间房仔, 有电视, 只系迫左少少我叫左$38 ge 严选寿司定食前菜, 水果+沙律个沙律冇咩问题, 一般般汤: 面鼓汤差...... 好像热水而已主菜: 寿司 + 乌冬 我上一次都系食LEE 个, 寿司味道OK, 鲜味可接受, 而个乌冬, 上一次食个汤不错, 但今次个汤好咸.... 而乌冬都几弹牙 由于新开张, 所以冇 奶茶, 柠茶, 得罐装饮品总如&而言, 个人评分如下:食物种类: 7/10食物质素: 7.5/10食物味道: 5.5/10食物份量: 7.5/10食物点缀: 7/10性价比: 6/10稳定度: 4/10服务: 7.5/10环境: 7/10卫生: 7.5/10----------------TOTAL: 66.5/100…查看更多

今日lunch同阿妈去试下,我地12:20入去,完全唔驶等位,因为一枱客都未有!睇睇餐牌,午餐有8款,但唔包餐饮,要餐饮加$5,咁我地谂住要热咖啡啦,点知,侍应话未有檬茶、柠水及咖啡,只得汽水等冻饮............无咖啡都算啦,竟然连柠水都无?? 对面就系惠康,去买两个柠檬都唔怕死啦...........!!!我地叫左一客碎鱼生饭($38)同一客寿司set 8件($32),先o黎两碗面豉汤,一饮,两母女一齐皱眉,碗汤无面豉味唔鲜唔好味,好似一碗淡盐水咁..........劲难饮!!!!!!!!! 过左一阵,饭到喇,阿妈试一啖再睇睇d饭,发觉唔多似珍珠米㖞,再睇清楚d,原来系大部份普通米沟少少珍珠米 鱼生都算新鲜,但鲜味就.........我碗鱼生饭要不断落豉油先够味啰! 呢间野o既食物质数中等,系唯一装饰得几好,但好睇唔好食啰! 真系唔明点解,新张期间都唔做好少少吸引下人流?! 阿妈都话应该无下次!…查看更多

我同朋友玩完就同朋友到佢屋企揾餐厅食饭见到呢间餐厅好似新开张于是入去试试一入去,好少人所以唔洗等位:)我地坐系收银隔离餐厅布置唔错原本觉得几好之后留意地下好油淋淋-.-打开餐牌哇~D价钱贵到...心想:附近D街坊,学生点去呢间餐厅成日帮衬开张冇耐,个餐牌用人手改左唔少,好核突我叫左$38既照烧鸡扒乌冬我朋友叫左$43既薄切牛肉拉面然后一齐叫$10既三文鱼寿司2件,$8既玉子寿司2件同$15既带子寿司2件我朋友既薄切牛肉拉面最快到所以佢开始食佢话D荀有D冻,D汤好重味精,拉面好差佢食到一半,D寿司就到虽然系手握寿司但D饭好松-0-食得出D饭少醋少糖,同普通珍珠米冇分别D wasabi可能系超级市场买因为食落好"鞋"D寿司豉油唔系豉油,系老抽第一次见到玉子寿司冇紫菜= ="期间侍应留意到我碗面未到解释鸡扒要时间烧呢D值得一赞食完寿司之后,我朋友食完佢碗面之后2分钟我碗面先到(等左好耐= =")鸣门卷好冻,荀都有D冻,鸡扒明显系煎唔系烧D汤除左重味精外,仲重胡椒粉味乌冬一般我食到一半,叫左个$22野菜天妇罗落单时,个老板指住我地,示意比员工知道有客人要落单心想:其实唔可以用手指指住人,好冇礼貌,何况我地系客人天妇罗到左,材料薄,炸粉少最后埋单~总数$136侍应:新张期内9折哇!!原来本身要加一= ="离开餐厅我先留意到门口放左罐装花奶,汽水,GAS炉(咁招客= =?)离开餐厅之后,我朋友先发觉找少$20我地比$200,佢找$43(记得总数系$136)原因:我留意到个侍应一路埋单一路倾计,搞到找少$20虽然自己有责任,所以我地当每样野+$5变成总数$156(仲贵过加一)但呢间餐厅真系好差我同朋友以后唔再去…查看更多