千千島 (已結業)

好少出街食撈麵，因為自己煮包indomee先係$2一包，同樣嗰五包醬同粉，平咁多點解唔自煮。雖然近年身為荃灣友，但只認識荃豐撈麵(但認為太貴未食過)，直至喺荃灣友fb page睇到區友話識食一定食千千島，先知有呢間神店。喺四度空間二樓，堅係正常人都唔多會行上去。雖然叫士多，但全店只賣膠樽飲品同撈麵，而撈麵只有三款餸--魚旦、燒賣同薯仔蛋。店外放咗張細木枱可以坐兩個人。今時今日咁嘅街坊小店仲生存到，已經係一個神蹟。大撈$14+薯仔蛋$7，自備了玻璃盒去外賣自取，老闆還笑笑口讚我的盒很密實，好久違了街坊街里的歡樂時光。面帶微笑的老闆慢慢地把薯仔旦放入微波爐內翻熱，再慢條斯理地煮麵、剪開醬料包，神態自若。少少自家沙爹醬畫龍點睛、別樹一幟。薯蛋翻叮後表面仍有脆度，餡料是被調味成深啡色嘅薯蓉再混入些紅蘿蔔粒，好有印尼特色。

今日又嚟幫襯，第一次食撈面加魚蛋，撈面面頭加上自制沙爹醬，以為會好辣，所以我要求少辣，沙爹醬是印尼味道，所以不辣，下次都係要正常份量。撈面即叫即整，面煮的剛好，不會過林，魚蛋來貨，不過好彈牙，反而魚蛋的汁就有些微辣。

數次都在下午四點後幫襯，飯類已售罄，只好買蟹拑、炸通粉或甜點回家品嚐。今天可以提早下班，當然要一嚐他們出品的黃薑飯，份量大碟，有一塊我至愛的巴東牛肉、疏菜、少少乾的雞，數塊虾片，另加薯仔蛋。除了雞扣少少分，味道很對勁。沒有了觀塘巴士站的印尼食店後，很久沒有如此滿意的印尼午餐了。亞叔服務態度很好。今個星期已幫襯了三次，值得支持的小店。

今日可能落雨 所以冇人 堂食得一張枱仔係出邊 但係麻雀雖小五臟俱全 店舖內就係廚房 見到晒所有配菜 有蟹鉗，麥樂雞，薯仔蛋等等 伯伯嘅沙嗲醬撈麵好香口，叫咗小辣但係唔辣嘅，如果食得辣嘅朋友可以叫辣啲

中學幫襯到而家嘅小店呢度食嘅係人情味同手工隨住叔叔同阿姨年紀開始老邁 我幫襯嘅次數都頻密左 擔心隨時都會唔做每次黎到都會叫3樣野 黃薑飯 薯仔蛋 豬肉卷再視乎餓唔餓加多個細撈好多幫襯嘅人其實唔知有黃薑飯食 喺度就推薦下喇

Boyfriend and I found ourselves in Tsuen Wan after a super hot photo walk day. Boyfriend said he wanted to find this place as it was recommended from his coworker who said the potato croquettes were amazing.It was the most bizarre shop. Outside looked like it sold stationary, but inside there was a microwave oven, a lone stove and a pot. An elderly couple were inside. There was no menu of what they served, no sign saying they had food but there were a couple of foldable tables and chairs were ou

其實... 真係.. . 店面細, 一眼望晒, 不過去D 家小食店, 就不是食裝修和服務, 是食人情味和懷舊小店是由一對老夫婦經營, 食物種類不多, 有印尼撈麵, 薯仔旦, 咖哩魚蛋, 通心粉糕 (不知道其真正的名字), 鼓油雞翼, 印尼蛋糕等.要推介的食品係(炸)薯仔旦 ($5左右), 好好味, 加埋沙爹醬更佳. 係外邊食唔到, 薯仔蓉包住牛肉碎同甘旬粒, 再加埋秘製醬汁, 味道一流.通心粉糕就係一個正方形的糕(炸左) ($5 左右) , 入面有通心粉, 肉碎, 幾冶味, 咸咸地幾得意.至於撈麵, 比外面不同是你可以加沙爹醬落去, 別有一番風味...在此小店, 可以重拾學生情懷, 值得一試!

這是朋友一直推薦的小食店今天終於有幸一試店內主要提供撈麵，再配以不同的自家小食作賣點 (還看到有自家製Cheeze Cake 呢)雞絲粢飯，通粉，腸仔 (上至下)薯仔蛋，雞翼等等朋友說這家店的配料都是老闆娘親自製作，甚具得色的試過後覺得外面真的吃不到這種自家製的味道，特別是薯仔蛋及通粉好有特色我今次沒有吃他們的撈麵下次再來一定會試其他小食