千樂燒味餐室 (已結業)

跳完舞約了屋企人到灣仔食下午茶。知道千樂開業了一排但從未試過，就決定於此食個靚靚下午茶。下午茶餐牌有不少選擇，但最後我沒有點有燒味的餐，反而叫了一個奶醬厚多加熱檸茶。一上餐時我有點呆，因為店員呈上的是西多士而非奶醬厚多。見西多士份量幾足，而且頗新鮮，於是就沒有要求換餐（單據打的是西多士）。很久很久沒有食過西多士啦～ 這間的西多士牛油滿滿，糖漿適量，麵包又炸得金黃香口。麵包的熱力慢慢把牛油融化，切一口西多士加融化的牛油及糖漿往口裏送，真係幾好食，重要是沒有滿口油。只要是鮮製，食物都好難不好食既。要一提的是，我們入餐廳時未夠下午茶時間的，不過店員好好人，可以提早叫下午茶。

其實點解會認識呢間千樂燒味呢?因為之前聽朋友講餐廳會定期派免費飯盒俾長者，會做善舉既餐廳我就最支持！支持餐廳既方法就係幫襯佢地啦有一日收工要出銅鑼灣做Treatment做之前就去左醫肚先...其實餐廳都唔算太難搵，搵到大公報個座大廈就ok餐廳都係一般茶餐廳格局，但整體都算整潔同坐得舒服餐牌有好多款唔同既套餐同配搭可以揀，價錢真係唔算貴乳豬雙拼飯都係$7x，比起其他餐廳或連鎖集團要食乳豬雙拼飯起碼都收費過百...難得撞到有乳豬飯...當然要叫返碟啦!!事關我真係好鐘意食乳豬，平時除左出席飲宴之外都唔會有咩機會食到於是我就叫左個乳豬油雞雙拼飯，我仲要揀左雞脾油雞脾好大隻，師父斬開左五大件，每一件都非常有份量雞皮爽脆不油膩，帶微甜，皮唔會過厚，亦都不帶多餘脂肪雞肉新鮮鬆軟，每一啖都滋味過什麼生炸雞脾配上薑蔥油同食，實在一流！乳豬既份量都唔少，師父真係好大方每一件乳豬外表都保持甘香鬆脆，最難得係仲有暖暖地既溫度而乳豬肉亦都好鮮嫩，好淋～點甜甜地既乳豬醬係最夾！整體黎講食物質素幾滿意，下一次出開銅鑼灣都會再試下其他燒味！

2個人出開銅鑼灣買野，路過見到燒臘舖門面光鮮，入面又幾整潔，就入咗去食飯醫肚啦。點咗嘅雙拼嘅叉燒拼燒鵝，份量都好大碟，夠2個人share嚟食。加了一碟油菜同埋2碗白飯，啱啱好。叉燒口感軟腍，唔會韌又唔會乾，有蜜汁香味，帶出少少焦香味道，有半肥瘦味道，不過就無咁多脂肪，食多幾舊都冇乜罪惡感。燒鵝燒得好香，唔知有無用荔枝柴啦，我就唔係好識分，但係味道就好甘香，見到皮上面嘅燒烤紋就知道個皮係燒得好香脆，一咬即刻滿口油香，鵝肉尚算嫩，咬落唔會好韌。呢度燒味質素真係唔錯，有機會再去銅鑼灣就斬料返屋企加餸。

舊年團年post左個食評，係喺灣仔x興燒味買左9X蚊乳豬，結果大半盒都係肥豬肉！今年老公唔熟性又話想食乳豬，之前係千樂買過好正嘅油雞，於是係呢度買個例牌乳豬⋯⋯見到師傅開隻新豬個陣，有D happy㗎！⋯⋯不過，結果都係失望！係咪我唔應該叫瘦D、定買得太少呢？！大半盒都係豬頭骨，剩返個三幾件正常D嘅乳豬件，可能近豬頭，皮一D都唔脆、肉有D嚡⋯⋯咁就＄138喇⋯⋯好欣賞千樂派長者飯盒，不過今次比唔落正評喇⋯⋯仲發左老公少少脾氣：連續兩年用乳豬團年都中伏，以後唔好再叫我買喇！！！！

I had a meeting with a client over at TST and was rushing back to my office. But I was really hungry and needed to stop for a quick meal. I decided to go to a BBQ restaurant which is on the same direction of my office.I had been to this place a few times for lunch before, and the taste has always been good. The quality of their roasted meats remains quite consistent. The roasted goose and suckling pig are items that I like most. But I had something different for this visit, I ordered the BBQ por

星期六過咗灣仔剪頭髮，等咗一排先到我剪，最尾都搞咗好耐先整完，走嘅時候好肚餓，都係食D嘢先返屋企啦。喺軒尼詩道路過時見到有間燒味餐廳，覺得幾吸引，所以返轉頭再睇多次啱唔啱食。門口見到餐牌個價錢都好相宜，咁就入去食，唔再周圍行啦。入去時已經決定係食個燒鵝叉燒飯套餐，睇圖片已經覺得吸引。除咗有1碟叉燒拼燒鵝之外，仲有碟小食，一碗湯，熱飲。燒鵝醃得夠味，肉質唔會太硬，加上脆皮，好食。叉燒唔太肥，帶蜜味，少少燶邊，好香口。拍青瓜開胃之餘又可以食D蔬菜，唔會淨係食肉咁油膩。地方整潔，價錢合理，出開灣仔會再嚟食~~

手撕雞飯套餐 $78單點 $58因為我早餐食得太飽，所以我就無叫到套餐。其實套餐真係幾抵食，有湯，有蒜香青瓜，都食得幾滿足架。第一次食呢度嘅手撕雞，份量都幾多，而且有多芝麻。食落香口，雞都煮得嫩滑，配上胡蘿蔔絲，口感豐富。侍應仲好親切咁問我要唔要啲酸梅醬，我當然樂意啦。點上酸梅醬食，更惹味。因為返工係呢頭，附近都幾多燒味店，我幾乎都試過，但呢間就會經常幫襯，坐得舒服，燒味質素又保證，服務親切。最重要係呢度選擇多，套餐又有無味精湯飲，良心小店。

燒味一直都是香港人至愛的食物之一，我亦不例外。今晚，在灣仔工作後，便和女朋友在附近找了一間燒味店食晚飯。此燒味店，除了有日常的碟頭飯外，更設一人套餐。每一個套餐，除了有兩款砍料，更有青瓜，湯及一碗白飯。青瓜，的味道十分好，除了口感爽脆，更用了袐制醬汁，微酸微辣，很開胃。兩個套餐，共四款燒味。义燒肥瘦適中，帶點燶邊。豉油雞，又肥又嫩。燒鵝，皮雖不脆，但肉質很肥美。乳豬，皮韌，豬香味亦略欠。每一份套餐，連飲品，只需78元至83元，性價比不錯，推薦大家可以來試一試。千樂燒味餐室 (灣仔)人均消費83元灣仔軒尼詩道352-354號昌業大廈地舖本人以簡單的飲食隨筆為主，有興趣請follow我~緣食魔宮

今日收工過銅鑼灣買野，買完野就順便係銅鑼灣食埋晚飯先返屋企咁啱就經過千樂燒味，諗諗下都好耐無食過燒味飯，就行入去坐低啦見到佢地餐牌寫住話燒鵝係必試既ITEM，一於就叫碟燒鵝叉燒飯啦橫掂都係食就食豪少少，加左$10轉燒鵝脾碟飯份量唔細，燒鵝脾大大隻，即刻急不及待抺完筷子就起筷啦燒鵝脾肉質就一定嫩口架啦~果然如我所料，嫩口之餘仲有豐富肉汁，啖啖肉外皮甘香得黎又脆口，仲熱熱地聽到侍應同食客傾計講開，原來啲燒鵝都係Keep住燒既，唔怪得食落咁新鮮啦點埋酸梅醬食真係好正，好彩有加$10轉脾啫叉燒都有六件左右，件件厚切，肥瘦勻稱肉質鬆軟加上蜜糖既微甜，已經好好味呢度既樓面都幾親切有禮見佢地同食客係有講有笑，對老人家又好細心，無粗聲粗氣例湯都幾清甜，唔似有味精，不錯~下次再黎試埋乳豬先

<好正既燒味飯>燒味飯不嬲都係我最愛之一 , 由於 quota不多 所以食呢 d一定要揀間好味😂 呢間千樂 喺灣仔 有各式燒味餐 質素十分唔錯 尤其係 油雞夠爽彈 🐥 必點 👍🏻🍴乳豬油雞飯餐 83 蚊有靚例湯 麻辣青瓜 白飯🍚餐包老火湯 有雞腳同瘦肉🐽 麻辣青瓜夠新鮮 juicy 🥒 油雞好香滑 雞皮下面帶有骨膠原🐥 乳豬夠香脆 肉質有 d煙靭彈牙 點埋乳豬醬更正🍴燒鵝叉燒飯餐 78 蚊🍚有靚例湯 麻辣青瓜 白飯麻辣青瓜既醬甜酸辣開胃 好啱做燒味飯前菜🥒🌶 例湯既雞腳瘦肉夠火喉 好入味 而叉燒夠厚肉 蜜糖都幾香🍯 燒鵝皮夠爽滑 肥膏適中 肉質嫩滑 點埋燒鵝醬好食😆#燒味 #燒臘 #乳豬 #叉燒 #油雞 #雞腳 #燒鵝Score 平均分 <7.5/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~#千樂燒味餐室灣仔軒尼斯道352 至354 號 昌業大廈地鋪~~~~~~

灣仔搵食攻略 千樂燒味餐室 燒味水準高 自家工場出品 仲會送暖派飯善舉關懷長者小店系列,已經寫到過500編最能代表香港味道之一燒味,燒鵝,乳豬,油雞,叉燒遠至海外,也是最有代表性的一種味道今次走到灣仔,遇上一間新開燒味餐室家庭式經營,一家人落手落腳做燒味更加係有水準,指定日子仲會做善事派暖送飯給長者,作為一個香港人一定會支持到底!有一人套餐,下午茶都有優惠飯餐單點燒味飯也有,看你想食那種燒鵝叉燒飯,乳豬油雞飯 ($78,$83)套餐包括湯,飯,小吃老火湯,天天不同當天係粟米豬骨,夠清甜,附有半件粟米,豬骨不油膩,好喝！ 先講油雞乳豬份量比得好多，烤得夠脆口，皮夠薄 帶點脂肪食起來特別甘香　肉質嫩滑 油雞色澤夠亮，雞肉嫩，肉質細緻有肉汁加點蔥油就有點綴加分之效要做到有呢層像果凍，好考功夫雞既膠原蛋白！ 叉燒 燒得入味,不油膩,也夠鬆化燒鵝各家有唔同做法,我都食過幾家千樂做得幾好食看得到鵝皮夠薄,不會燒得太乾身仍然有一點油香,不會偏肥,恰到好處取得肥瘦中間的平衡點附上一客涼拌這也是主角之一由店家自行研發的秘製醬,拌以青瓜當天胃口不好,吃完就整個味覺喚起來不太辣,但非常提味,拌麵拌飯都係一流

約朋友去sogo買嘢，之後又去行街，行行下就見到呢間燒味店。我地一行6個人，咁啱見到有位我地就入去食。叫咗都頗多嘢食，幾乎樣樣燒味都試勻過。一共有燒鵝脾，叉燒，燒豬，油雞脾，口水雞，手撕雞，好鐘意佢套餐配嘅蒜香青瓜。甜辣嘅醬汁配清新嘅青瓜，真係好夾。我地一人一兩舊好快食完。咁多款呢我就覺得燒豬同燒鵝最好食啦，兩樣都係熱辣辣咁上枱，燒豬皮好似薯片咁脆，肉質香嫩多汁。燒鵝就食落肥美啲。老闆娘幾熱情，都會過嚟同我地介紹返佢地嘅燒味。最後我買咗一樽蒜香青瓜嘅醬汁，唸住可以返去自己整。

灣仔千樂燒味餐室，主打各式各樣的燒味，套餐價錢不出$85，好抵食！燒鵝叉燒飯套餐（$78）、乳豬油雞飯套餐（$83）套餐包括燒味雙拼、白飯、小食、中式湯及餐飲。望見餐廳門口掛住的油雞及燒鵝已經覺得好對味，似乎燒鵝更是主打項目呢！叉燒有玫瑰露酒香，肉質淋而入味；燒鵝皮脆肉嫩，帶骨位更嫩！乳豬皮一樣脆口，油雞偏瘦且不是雞比位，所以兩者之間我較喜歡叉燒燒鵝飯。無味精中式湯每天不同款，當天有花生眉豆雞腳湯，好有益呢！

My colleague took me there for lunch and I like this place very much. It’s a 5-minute walk from the office to the restaurant and it’s a convenient place for lunch. I think we will be back and eventually turning the place into a restaurant that we would frequent. Just sometimes it might be full and we might have to wait for a seat.We each ordered a plate of rice with roasted meat. I had the barbecued pork and roasted pork belly with rice. The barbecued pork was very tender and juicy, it was not c

今日同朋友去銅鑼灣行街，行到攰就開始搵嘢食啦，搵到呢間燒味店，其實都唔近，要行十分鐘先到。準確嚟講係灣仔同銅鑼灣嘅中間，不過都算易搵嘅。我地嚟到就揀嘢食啦，我就一眼相中咗燻蹄，因為我係無食過燻蹄嘅，擺落口先知原來係冷盤。老闆娘都好親切，除咗比咗白醋我，仲問我需唔需要鹵水汁，我發覺點鹵水汁係好味啲嘅。朋友都試咗我嘅燻蹄，話整得幾好，無騷味，豬毛都去得幾乾淨。我食落都覺得幾好味，肉質軟淋，皮同肥肉嘅味好爽彈，完全無肥膩感。我就比較中意浸落啲米粉到食啦。環境都幾舒服架，比普通茶餐廳更加乾淨整齊，服務都幾友善。