千両 (圍方)

又一個黑雨關係，所以又放半日，咁就係屋企附近食lunch。我地叫左3個set，上菜速度都快，分量適中，最緊要係個味噌湯係熱辣辣，其實平時好多餐廳都煲定咁，黎到時都係叫暖暖地，但由於個人喜好真係鐘意熱辣辣既感覺，所以呢個位係加分的🤭，另外炒牛肉個汁都做得好，好入味，而炸物也是吃得岀即叫即炸，皮薄脆香，雖然千兩本身吾係話野食係個d驚為天人既食品，但就係保持住d細節位都到始終如一！提外話，😆😆如果set有野少少dessert更加分！…查看更多

千兩的炙燒和牛卷肉質鮮嫩，牛油果軟蟹卷的口感豐富。香脆醬油炒枝豆帶來了爽脆的咀嚼感，十分開胃。蕃薯天婦羅外脆內軟，甜味適中。炙燒左口魚裙邊壽司鮮味十足，搭配醋飯平衡得宜。整體菜式新穎，口味多樣，適合喜愛日式料理的人士。…查看更多

午市一人食堂之選位於大圍圍方的千両，午市套餐抵食！！牛肉烏冬定食，五件火炙壽司，兩件炸物，一份沙律，仲有一碗湯，性價比非常高！壽司食材新鮮，重點係食物豐富食到好飽！…查看更多

千兩大圍車公廟路18號圍方3樓305號舖炙燒壽司 牛肉烏冬定食($158)假日冇平日既lunch set咁抵食 但係呢個combo都係吸引既炙燒壽司有5件 分別係鰻魚 帶子 蝦 左口魚同三文魚 每件都非常新鮮炸物有芝心薯片 一咬係有流心既效果!…查看更多

估到呢個新商場嘅食肆分店係會質素比較好 有啲千両分店好差的海膽軍艦 要講清楚嗌軍艦，如果唔係佢就會俾咗一塊葉嗰隻我 我覺得呢隻比較好味同埋抵 $58.1隻唔係咁抵 上次食好似冇咁細件？我個朋友直程問我佢係咪一粒分組兩粒🤣🥲🫨跟餐+$38兩隻炸蠔 好脆口好新鮮 望落好大隻，因為炸粉多 但係食落冇問題，唔會覺得佢偷工減料海鮮鍋，今日賣相麻麻哋質素好似麻麻 唔夠新要求之下走牛油 跟餐加$42 幾滿足不過其實唔算話好多㗎朋友呢個餐幾抵食！又有刺身又有大大條銀鱈魚西京燒 我都搣咗兩啖嚟食 好重油脂以前係牛肉變咗豬肉肉都試吓 甜甜地幾好味，但係都係鍾意牛油味…查看更多

千兩lunch set其實都幾抵食，百零蚊一個set咩都有，不過質素就中規中矩啦，唔算好出色，但正常發揮嘅日式料理。今次叫咗一個刺身壽司set, 全部都肥美飽滿同新鮮嘅。另外點咗個吉列豬扒滑蛋飯，豬扒香脆，有啲鞋口。滑蛋好足料，厚厚的，不過又係唔算好滑，同埋有啲濃味，應該醬油同味醂都幾重手。特別嘅係今次叫咗set清酒飲，$88一set有三款，有介紹埋釀造同pairing比你參考，唔算市面上普遍嘅選擇比你小酌，係唔錯嘅加配，亦算幾抵飲。…查看更多

一直都未有機會去大圍新商場，今晚去睇戲就順便食埋飯。商場連接港鐵站，好方便。 圍方入面嘅千両壽司同其他分店一樣，整體感覺都可以維持水準。另外，而家港人消費習慣改變，等位不再。 佢哋嘅串燒四點盛非常精緻，每一款串燒都燒得恰到好處，肉質鮮嫩多汁，美中不足係牛舌嘅厚度有少少尷尬，薄切唔係，厚切又唔係咁。 海膽吞拿魚腩手卷同炙燒和牛手卷都好精緻。海膽同吞拿魚腩互相搭配，相得益彰。炙燒和牛油香四溢，肉味香濃。 去千両梗係要叫壽司，今次叫左十點壽司，每一件壽司都各有特色。個人口味偏好蝦同白身魚。 真鯛刺身鮮甜爽口。 日本生蠔比較啖口，不過都清新爽甜。…查看更多

香港一般食刺身一盤多款都要$300up 突然間想食刺身，走咗入去千兩Amazing 千兩啲刺身好新鮮特選刺身拼盤 (2人份量)不過自己一個人食藁燒鰹魚（靜岡產）藁燒喺香港唔係度度都有得食，這個技巧以日本正統稻草燒手法大火炙燒鰹魚表面，去除魚的腥味同時鎖住肉質的肥美口感，所以鰹魚經過稻草炙燒後帶有微微的香氣兩隻蝦頭超多膏同埋好甜其餘嘅有白魚同紅魚，全部都好新鮮👍🏻…查看更多

夜晚大約9點入去呢間野度食,點餐果時已經好失望,因為有幾樣想食嘅都話賣晒,重點係佢哋冇貼「售罄」字眼,都唔緊要嘅,我明白可能因為打風所以翻唔切貨,咁我叫另外幾款食物,開頭果幾款食物送餐時間都叫快,但味道只能叫不過不失,主因係味道偏淡,尤其是個玉子同個牛油果辣魚,同冇味冇分別跟住杯啤酒又出事,一杯啤酒斟成15分鐘都未斟到出嚟,等佢解渴就死啦跟住就係重點喇,主角七點刺身拼盤出場,首先個餐牌話有鮑魚嘅,但上到枱冇,員工話賣晒所以轉左兩舊海膽,ok冇問題,跟住一食舊帶子...腥嘅咁都仲未算,下一舊魚,係有骨嘅刺身呀！好大條果隻呀！我以為睇黃子華d棟篤笑先有嘅野呀,好在我扮矜持細細啖咁食,如果我大啖食實哽死啦！為左健康着想,呢間野,唔好去食…查看更多

今日叫咗好多嘢食，特別甜品，限定版，呢個提子巴西我覺得好好味，有好多新鮮嘅青提子，再加上裏面嘅啫喱同雪糕同埋奶油，個配搭我好鍾意好有日本風味。今日叫咗三文魚刺身，仲有一個新款嘅和牛魚子手卷，海膽吞拿魚碎手卷，呢兩個手卷做得非常之特別同出色，因為喺紫菜裏面再包上一個鱈魚乾，令到佢唔會咁容易淋，同埋好有口感好脆。所有壽司我都覺得好新鮮，值得推薦交通方便，喺九龍站上蓋，非常之方便。如果揸車嚟更方便，因為商場裏面有好多個車位，而且經常都有泊車嘅優惠。服務非常之好，好有禮貌，仲好細心…查看更多

好食好食，同我老公食得好開心，食材用得好新鮮，特別刺身真係性價比好高，環境OK，服務都OK，會繼續去食，同老公嘅小食堂招牌千兩真係口感豐富！有魚子醬+海膽+魚泥。推薦推薦！！…查看更多

大圍 📌【 千兩 】大圍車公廟路18號圍方3樓305號舖同豬隊友最經常食就係食日本嘢，特別鍾情就係 【 千兩 】雖然，好多人都覺得【 千兩 】略為貴少少 😅 但我依然一個月至少嚟一次圍方 • 【 千兩 】。 呢間分店嘅出品都唔錯，水準穩定喔，略嫌【 千兩 】可以比客人選擇嘅種類比較少，例如唔可以叫一個淨天婦羅嘅菜品，如果想食天婦羅就一定叫嗌烏冬 😅 而呢幾款都係我必食嘅系列之一： ◕ 雜錦天婦羅 • 烏冬 $62◕ 牛油果軟殼蟹卷 $98◕ 鰈西京燒 $72◕ 免治雞肉棒 $30@◕ 海膽軍艦 (2件) $78◕ 八爪魚壽司 (2件) $26◕ 炙燒鰻魚壽司 (2件) $40尋日呢餐大概 $500蚊有找，呢個份量事實係會有d 唔飽嘅感覺 （哈哈 ..... 當減肥😅）。其實，我經常幻想千両可以做一啲優惠比會員😗 另外，我想講一講服務，呢間分店有時服務係一點參差，有時覺得佢哋嘅女店員好似成日趕收工咁，不過今日埋枱傳菜嘅哥哥我又覺得有禮貌，幾貼心，哈哈 ~ 希望次次都有你服務 😃📍大圍 【 千兩 】…查看更多

除咗天婦羅烏冬外，其他食物算是有水準的，加上侍應服務態度良好，確實可以再次幫襯。當天我在12:14㩒票攞位，由於票上清楚寫明（如下）會用電話訊息通知，我便在附近店舖閒逛，請留在電話接收良好的地方。當尚有10輪候號 碼即到閣下取得之票號時,系統(3103-5314) 會發提示致你所輸入的電話號碼。如叫號逾時 超過10分鐘,請重新登記。等候座位的顧客, 人數需過半數方可入座。不便之處,敬請原 諒。 請保持您的手機處於良好狀態。您將通過您註冊的手機號碼收到來自 3103-5314由於我在13:00仍未接到訊息通知，我便再到千両向店員查詢，但回覆我是已早在12:30通知我了，但為何我沒有收到訊息呢？前檯職員說系統可能出現問題，她很努力為我安排，最後我可以如願品嘗到美味食物。…查看更多

難得拖女兒回港放暑假，帶她見見老朋友，相約了在圍方千両食午餐，老友叫了壽司定食，亞女叫刺身定食（竟然有隻大生蠔，超正），而我則叫了百両定食。另叫了三杯飲品，定食有配水果茶，要飲凍咖啡，加8蚊而已。食物、環境、服務、價錢（百多元一位，好抵食），都很不錯，以後在港時，又多一個開餐好去處了。…查看更多

見大圍新開左一個大型商場諗住去見下,我已經唔係商場一開業就走去 都已經相隔三個星期人流都好多 特別係啲餐廳 差唔多間間餐廳未開始營業就已經有人排隊今次試左圍方間千両 圍方千両竟然有lunch set 價錢合理性價比高人均百幾蚊已經食到好飽 另外我哋都有叫啲小食其實日本嘢好難唔好食除非啲刺身魚生唔新鮮 圍方千両刺身魚生新鮮 性價比又高人數9位成人總消費$1400左右千両刺身壽司便當 $168好味指數认🌟 (5星為滿分）🌟🌟🌟🌟🌟炙燒壽司•牛肉烏冬定食 $148好味指數认🌟 (5星為滿分）🌟🌟🌟🌟🌟百両定食 $108好味指數认🌟 (5星為滿分）🌟🌟🌟🌟🌟串燒厚切牛舌 $45好味指數认🌟 (5星為滿分）🌟🌟🌟串燒豚肉 $30好味指數认🌟 (5星為滿分）🌟🌟🌟🌟串燒雞腿肉伴柚子胡椒 $30好味指數认🌟 (5星為滿分）🌟🌟🌟🌟…查看更多