我覺得幾好飲，沒有味精感，味道也足，料甚多，是我少數會成碗飲晒的小店例湯。
揀了豉油雞，湯瀨粉，包飲品 (通常我習慣不喝餐飲)
堂食外貌算幾靚仔，豉油雞仍是如外賣般油潤，皮爽肉不靭：
雞也不會太肥：
作為街坊顧客，感覺是唔使又食西餐，可以有碗熱中湯落吓肚，這就是不能解釋的魅力。
估唔到無加錢佢都俾雞髀位我：
一樣皮爽，髀肉就更滑，肉是剛剛熟，點蔥油吃很愜意：
瀨粉就正常，是不想吃白飯的選擇：
當然不得不提送的老火湯，阿姐又係話派晒就無，唔會加水扮有。「粟米煲豬踭南北杏」
試過星期六中午和家人來吃飯，「燒味套餐」才 $48
分量少啲，味道一樣，不錯：
中午同樣都有送的老火湯呢：
重點想講它晚上的小炒和餸菜，算多花款，都係嗰句，唔想成日食西餐又唔想行就嚟呢度。
餸菜叫了「小炒王」$82
估唔到出品有驚喜，有啲料到：
韭菜花、蝦乾、魷魚、蝦仁、銀魚仔、菜脯、腰果等共冶一爐，鑊氣夠且乾身惹味，不會油淋淋：
乾海味經炒後華麗轉身，成為下飯的主角 ：
新鮮魷魚及蝦仁，爽彈，韭菜花吸晒調味料及海味的味道，也相當對胃口：
第二晚 encore 再來，出街食飯會叫一些在屋企少做的，試了「菠蘿咕嚕肉」$82
新鮮出爐熱辣辣，很有鑊氣感及大排檔 feel。它做法刻意減少了醋的份量，主要用菠蘿汁及茄汁去帶動酸味，吃得出腩肉上粉即叫即炸，做到表層微微掛汁：
用的是新鮮菠蘿，甚有誠意：
料頭洋蔥及青、紅燈籠椒都很下飯，可說是「高手在民間」，比起外面中菜廳做出來的都沒差，價錢也對得起：
當然還有送的老火湯：
(以上價錢都是包飲品)
影片
