影片
星期四中午时段，需要等位，店内座位不多，枱与枱之间比较狭窄，一个人等位约5分钟，两个人需要耐少少。星期一至五 11:00-2:30，午市有皇牌套餐$53和捞面套餐$55，比较经济，套餐包括饮品，所以很多人点这两款套餐。因为想食鲮鱼球，所以单点了一碗鲮鱼球捞粗面$45。鲮鱼球有五粒，大大粒，鲮鱼球入面有淡淡的陈皮香味，虾米碎和葱粒，口感偏淋身，不够结实弹牙，但食得出材料新鲜。鲮鱼球配上大地鱼汤，鱼汤底有惊喜，十分鲜甜甘香。店内的海报有介绍汤底的材料：🐟大地鱼、🦐虾籽、罗汉果、🐖🦴猪骨、🦐虾角、果皮和🦐虾干，细火熬制5小时而制成。粗面爽身，少少淡淡碱水味，蚝油唔太咸，味道刚好。见到其他乘客都点了云吞，云吞好似都几好食，下次有机会再试～
继续阅读
从旺角搬来的店，元朗千色𣿬附近地点很方便，试过新店水平，可以。放在桌上的腌萝卜很点睛，美味开胃，唉呀不由得念起湾仔永华了，这年头有这个也买少见少了。说回这店不大，冷气足，比传统云吞略大有尾好吃，吃过2次，面走碱也做到，爽实有质，最正是虾子给得很足，把汤喝到底仍剩不少虾子。上次点过的猪肝面也出色，不见𦍑但爽而粉又不腥。每次必点比乒乓还大的鲮鱼球2个，即炸的，外脆内软热呼呼，满足。下次吃猪手捞面看看。
继续阅读
嚟过两次，第一次嚟试了云吞面同水饺面，云吞同水饺属高质，幼面冇枧水味👍🏻 酸萝卜味道佳，但成餐饭嘅败笔系店员用抹枱布抹完枱之后，枱上遗留下嘅臭味，严重影响用餐体验，唯有快快食完走人。隔咗一个月再次帮衬，因上次听到隔离枱食客盛赞猪润好食，于是叫了猪润面，一坐低又系闻到抹布留下嘅臭味，亦见店员每次都用同样两条抹布抹店内嘅枱而每次抹完都冇见到有清洗，只见两条抹布放埋一堆，今次再食酸萝卜，觉得味道差了，萝卜有苦味，咁啱见到店员为每张枱添加萝卜，职员系戴住手套用手隔住樽口倒去部分樽内嘅醋，再加添萝卜，但佢事前系戴住手套去落单、抹枱、送餐，而并没有洗手再去接触萝卜樽，OMG, 见到之后即刻唔敢再食，另外猪润多筋，并唔系我杯茶，如果下次再食都只会叫外卖，因为佢啲枱布臭味令人作呕🤮
继续阅读
喺太子好出名嘅大地鱼云吞面，终于喺元朗落户啦！以前喺太子总店嘅时候，我最钟意食佢哋嘅及第粥同埋云吞面！因为云吞面除咗云吞好食，面够晒弹牙硬身，冇碱水味，而且汤底非常香浓大地鱼味！加上及第粥嘅猪润，大大块之余仲唔会太熟，生熟到啱啱好！而且一碗成功嘅云吞面，要落韭黄！虽然好多人都钟意食佢哋嘅酸萝卜，我就已经食到厌咗啦！而家元朗分店新章期间叫任何嘢食都会送汽水！不过分店嘅位置比较偏僻，而且附近嘅环境亦都比较多问，喺出面等位嘅时候，就比较难受啦！
继续阅读