十和田 (已結業)

今日放工約咗朋友去食飯, 去開新蒲崗呢一頭 就諗住去mikiki搵嘢食. 見呢間日本嘢新開未食過去試下。一睇餐牌 見到啲嘢食價錢同 中上 日本餐廳差不多, 以為 應該有一定嘅水準。 首先入到去一杯茶都冇， 全部員工都似中學part-time， 一啲服務都冇。 唔緊要 最緊啲嘢好食。 我哋點咗三樣嘢 1. 三色丼 2. 廚師特選壽司 3. 吉列生蠔湯烏冬。 全部 魚生都唔新鮮， 海膽有臭味， 吞拿魚有瘀黑色 ，吉列生蠔 咬開會出水， 好明顯啱啱先解凍。 其實 呢間嘢 唔係 食物質素咁差我都費事嘥時間出食評報告。 希望有人睇到唔會再中伏。 希望今晚唔会肚痛。

附近有新開嘅日本餐廳，見尖沙咀總店係openrice有好多好評，於是同朋友黎試下😛 午餐時間都幾多人下，全部滿座，要食就記住早d黎攞位。午餐包左一碗麵豉湯同茶碗蒸。麵豉湯入面嘅材料唔多，如果多d昆布就更好，不過湯係熱辣辣嘅，非常暖胃。而茶碗蒸就口感細滑，有香濃蛋香。火炙牛肉湯烏冬湯底略鹹，但烏冬軟硬適中，牛肉有三大塊，唔會過於韌，幾有咬口，仲有小量蔬菜。午市壽司套餐(廚師發辦)相比起烏冬等熱食，我覺得呢度嘅刺身同壽司性價比更高。呢個壽司套餐有好多唔同種類嘅壽司，例如三文魚，左口魚，蟹籽，吞拿魚，赤海蝦，穴子，海膽等。特別推介左口魚壽司同埋穴子，左口魚食落非常鮮味，非常滑，好似融化左係口入面咁；穴子睇落好似鰻魚，但顏色比鰻魚淺，味道都係十分鮮味同嫩滑，值得嘗試。

黎到mkiki商場，偶爾見到呢間新開既餐廳，當然要試下佢既菜品啦............小編今次叫左呢個套餐，雖然各方面不過不失。炸蠔小編認為麵衣略為厚左d，炸得不會太乾，烏冬湯底略咸，佢個蒸水蛋真係要要讚好滑......好滑......好滑......重要既野係要講三次而且蛋味又夠，正

有朋友M 極力推介下，原本今日lunch 想去總店品嚐。不過奈於呢間分店在人流較少嘅商場。由於午飯時間，舖內坐爆晒人。等了一陣才有位。第一次食，梗係食一個最齊全嘅餐:海鮮丼有湯同蒸蛋。一般般，蛋唔太滑，湯較清淡。主角出埸$198 海鮮丼。四個大字: 物。超。所。值。帶子，海膽，極新鮮，食落去係鮮甜，一啲都唔腥。 好似即開海膽一樣。吞拿魚蓉，超滑，滑得黎完全無根。三文魚子都鮮，最差係煎蛋，無乜特別得黎，又係老。極力推薦，一定要食呢個海鮮丼。。。ps : 10% 服務費。

午市壽司定食份量足，食物質素佳，雖然價錢屬於中高檔，但不妨一試。有附送蒸蛋和麵豉湯，但蒸蛋不夠熱。服務水準高，店員詳細解釋落單步驟，因為是用平板電腦落單，也介紹食物。

屋企下面新開嘅店 第一次嘗試 哎左d野食 如果唔係飲左酒 真係唔會飽都要700幾 味道又唔係超級好味 試問好野一般野都試過啦 呢間口味麻麻地 我個人覺得有d貴 同埋我哎左蟹膏 但係個味道唔夠濃味 所以我覺得有失所望 算啦 唔試都唔知 下次唔會黎嚕 700幾 可以食到好好啦係其他地方