十和田 (已結業)

今日係新蒲崗打波，所以就食埋個晏先去~ 見到十和田，尖沙咀食過午餐，性價比都高，決定再食😆 午餐除咗麵豉湯之外仲有蒸蛋! 好鐘意食日式蒸蛋，夠哂滑。叫咗午市壽司套餐 ($98) 壽司款式一樣係咁多！呢個套餐係十分之抵食!! 有成9款壽司😍 分別有海膽，左口魚邊，帶子，甜蝦，蟹子，三文魚，鰻魚，呑拿魚，葱呑拿魚腩小卷。新鮮又夠抵食😎火炙左口魚邊丼 ($138) 對火炙左口魚邊係完全冇抗體😍 一見到有呢個丼就即刻叫黎試。左口魚份量都幾多，燒到啲油份岀哂黎，係好香既油質味，有入口半溶既感覺，而沾咗魚油既壽司飯都係特別香🤤 食完有少少漏，但好滿足!

今日同朋友食晏,佢係黄大仙,新蒲崗附近做野,又要趕食晏時間,就近近地係mikiki食啦,朋友話想食日本野,見到呢間十和田,好似好有格調,所以入去試試,入到去好寬敞,我地坐入卡位,入面無餐牌,只有點餐機,朋友揀左由 廚師决定既壽司套餐,所以全部都係新鮮同最好味既壽司,我無諗過咁平都有,呢種服務,吞拿魚飯,好新鮮但亦因太新鮮,所以未必大家可以接受,我相信可以ㄧ試,但不會再次點這個飯,但可享用到新鮮食材,確實不ㄧ錯☺

夜晚同男朋友食飯。佢帶左我去mikiki食晚餐，我地行行下見到有間日式餐廳新開業，原來是十和田新分店。我唔肚餓，所以我地叫左兩個主菜，一個小食，一齊share都已經好夠飽啦。我叫左牛肉烏冬。牛肉片份量好多，牛肉入口唔算好滑溜，但是唔會好乾好鞋口，牛肉夾有脂肪，味道尚叫濃香。烏冬我比較欣賞，入口有咬口好彈牙，掛上清甜湯底夠哂滿足。男朋友叫左魚生飯，好豐富魚生，有海膽、帶子、油甘魚、牡丹蝦、三文魚籽等等，食材新鮮，我比較喜歡三文魚籽，咸香甜美！我地仲叫左明太子雞翼！

今日同女朋友入左九龍城探個朋友，夜晚就去左附近商場食個晚餐。Mikiki開左一間新日式餐廳，原來是十和田。尖沙咀總店人客非常多，今晚來到排左一陣就入得。女朋友唔肚餓，我地一人叫左一個主菜，再叫多個小食share就好夠飽。女朋友叫左牛肉烏冬，牛肉份量好多，肉質唔算好嫩滑，但係都唔會好鞋口！牛肉中間有小小肥脂，入口好香！烏冬彈牙夠哂有口感，湯底好清甜！我叫左魚生飯，有海膽、油甘魚、牡丹蝦、帶子等等，食材好高質素！飯粒微微醋香，我最愛食牡丹蝦啦！明太子雞翼，即叫即燒，中間明太子咸香豐富！

響尖沙咀食過一次，經過原來新蒲崗開始分店，水準都保持到喎！三色丼再食多次都係咁好味！每個飯上面既topping都好足料，多到食完啲飯仲有得剩！吞拿魚腩碎好出色，蟹膏個味濃郁又邪惡！火灸左口魚邊好香既魚油味，啲油滲左落舊飯到，超級香！海膽每一件都鋪左兩三層海膽響面，絕非sip牙喇！三文魚Menu上寫三文魚，食落似三文魚腩！肥肥地好滋味。玉子唔好睇少玉子，唔係間都好食架。呢度既玉子甜甜地，口感少少彈牙，正！唐陽炸雞湯烏冬烏冬好煙韌，個湯出奇地可以當湯咁飲，好清，分量亦已經好夠大！

和同事去新蒲崗見完客，諗住行去Mikiki食飯，發現了十和田開左分店，喜歡吃日本菜的我立即入內用餐。平板電腦點餐真方便，圖文並茂吾會錯。見到火炙魚生飯是秋季限定，當然要試下，食材有間八、三文魚、吞拿魚、帆立貝、左口魚邊、穴子、尤魚、特大甜蝦、三文魚子，十分豐富，每種食材都火炙過，除了本身的鮮味，更多添火烤的香味，令味道提升，更香更鮮味！三文魚三味壽司，一次過品嚐三種三文魚味道，一款是加上少許薑，另一款加少許wasabi，二款味道差不多，最後是火炙味，三文魚油特別香，不錯啊！蒸蛋香滑，有日本魚旦和冬菇等增加口感。喜歡食香口嘢的同事要了唐揚炸雞湯烏冬，炸雞即炸的，外脆肉嫩，滑滑烏冬配鮮味的湯底，同事說好好味！

心思思，口痕痕想食日本野.之前向尖沙嘴食過十和田出品都幾出色.原來新蒲崗都有間分店.一於去試試.環境都好新淨宿舒適.之前向元X有過搭台經歷，極之不愉快.位好闊落，而且店面夠曬大.有ipad點餐.好方便.而為上菜好快手.10分鐘唔使.上次嗌過三色丼飯今次要再試.吞拿魚夠肥新鮮又唔腥.海膽夠濃，好似食緊鹹蛋王咁.蟹肉鮮味好足，有海水味.三碗飯都好出色.再黎散嗌左壽司.三文魚壽司都係近腩位夠味夠油脂新鮮魚肉甜味好足.燒三文魚壽司表面熟裡面仲係嫩滑，肉口即溶燒左口魚焦香味十足，入口爆油，就係鍾意左口魚尼種口感.玉子壽司都幾出色，新鮮得黎，有重昆布味，同築地市場排曬隊食果檔差唔多.海膽軍艦海膽都係咁濃味，同食鹹蛋王差唔多.creamy濃.炸雞烏東估唔到咁大份炸雞係即叫即炸，脆到爆.烏東湯底好出色，清得黎海鮮味好突出.麵身夠煙韌.夠新鮮唔錯，下次再幫襯.

女兒說尖沙咀的十和田在新蒲崗Mikiki開左分店，一向喜歡十和田的我當然第一時間去幫襯！店內同樣也有綠茶供應，亦是用平板電腦落單，方便快捷。蒸蛋：內有冬菇、鳴門卷、蟹柳，蒸蛋又香又嫩滑。三文魚親子丼：三文魚份量不少，已蓋滿整碗壽司飯，三文魚新鮮肥美，油脂甘香，切成正方形好有口感，還有三文魚籽加入壽司飯內，味道鹹鮮剛剛好。加州卷：材料有青瓜、蟹柳、玉子、壽司飯以紫菜捲製而成，再在外層加上蟹籽，多重口感，十分美味！三文魚三味壽司：經過了火炙的三文魚，迫出魚的油脂，三文魚入口即化，和三文魚原味各有特色，一樣好味！

久違了的味道冇得去旅行的補償這是對爸爸說的因為媽媽只係食得加州卷爸爸返工好辛苦陪媽媽戒口 戎左6個月了全部都係空運即開既高質素比美家鄉既味道全都超 爽 超 甜鮑魚更加鮮嫩冇比中拖羅入口鮮嫩 而且比睇落fatty爸爸一路食一路話好滿足一路話唔好意思 因為媽媽冇得食媽媽知道干淨 質問上盛就食得不過都係忍下啦...爸爸好想叫多個鮑魚不過可惜宜家下午時間爸爸自己食完最後一隻了應該要晚市先再有哈哈下次再同甲殻朋友來食先得

不嬲都有支持開十和田, 發現MIKIKI開左都算方便我～所以今日就黎左呢度食.同埋發現有新MENU~終於可以試下新野唔駛次次食三色丼~不過好爭扎咁, 唔知要火炙左口魚丼定要海貝丼好呢?!前菜蒸蛋~我朋友未試過三色丼$168, 所以極力推薦佢食~細細兜咁旦真係好FULL~朋友食完都讚口不絕! 而我最後就叫左海貝丼$168~正呀喂~有鮑魚, 帶子, 蚌,~我覺得都算抵食~同埋我真係好中意食貝類~ 呢個丼岩哂~呢度真係KEEP 住水準~正~

和新來的同事去吃welcome lunch，選了十和田，因為他們的廚師發板壽司套餐感覺很吸引，而且$98也不算太貴。十和田採用自助點餐系統，每檯都有一部平版電腦讓客人自行點餐，但平版電腦要插著電源，又鑲實在支撐架上，不能拿得太遠，坐得離平版電腦遠的同事看menu看得很辛苦呢。每份餐點都配有麵豉湯和茶碗蒸，麵豉湯無特別，但我好喜歡他們的茶碗蒸，裡面有蟹棒肉、菇和蓮子，蛋味很香而且很滑溜！廚師發板壽司套餐每天的配搭都不同，其實希望吃到menu圖中的長鰻魚，可惜當天沒有。那天的拼盤有三文魚、三文魚籽、左口魚、海膽、吞拿魚蓉小卷等等… 我個人比較欣賞左口魚，入口即溶的口感，灸燒後充滿魚油香味；至於其他壽司，質素屬普通水平，可以一試。

新蒲崗是晚飯地點之一Mikiki內的餐廳也沒幾家很想吃或試的最近發現十和田 每次途經人也不多人少的壽司店很罕有至少樣子跟Menu不太shabby試試新店新開業的壽司店都電子下單十和田如是其實也很方便省時省力最開心的應該是小朋友可以慢慢挑選算是很多選擇壽司，燒物，料理及飽肚的飯也有我們點了以下間八刺身 白身魚是新鮮的甜蝦也不錯很大件的穴子雞翼很難吃 必須要提醒大家勉強吃了一件的程度這個 三色丼是比較期待的也很豐富滿滿的堆在飯面是必點的一道菜滿瀉感最後來一個海膽燉蛋是正常的 價錢也合理的 元氣外的一個好選擇

Mikiki一間叫十和田的壽司店，其實已經食過四次了。令我一次又一次再去的原因是佢的壽司的新鮮度( ・∇・)當中次次都必叫的就是三文魚同海膽了，三文魚腩無論切的厚度，海膽新鮮沒有奇怪的腥味，加上珍珠米的米香、質地還是分量，都配合得好適中，真的值得一試（╹◡╹）而當日另叫左一件的長腿蟹壽司，蟹味不足，不太推介Σ(-᷅_-᷄๑)而壽司另一個好重要的配角是醬油、Wasabi 同 日本茶。佢的醬油、茶粉同熱水都是自由添加。醬油都算香，但茶粉較失色我會建議用玄米茶包取代。而wasabi是跟壽司上的，所以要添加只可同店員講了，但wasabi食好多都不會立即衝上鼻，都幾滿意。當天是中午，所以都買左一份鰻魚定食。鰻魚的大小同厚度適中，鰻魚汁都不少，魚骨軟的，但較多，要仔細咬喔！午餐定食另包括豆腐海帶味噌湯同茶碗蒸，在冬天飲一口暖暖的湯同蒸蛋都幾滿足(*´꒳`*)而餐廳環境方面，坐位都幾多，有一人位，四人台同卡位，不算擁擠。而價錢是中位偏上的價格，以午餐套餐為例另加一，一個最少一百元。

其實唔係同事介紹 黑洞真係未聽過呢間🙈新蒲江新分店開張 有特價午市套餐決定拉大隊lunchtime一戰😗目測有10幾款set 包括廚師發板同丼飯不過最抵一定係廚師發板 $98你想點🤷🏻‍♀️跟餐仲有湯同蒸蛋 兩樣都吾算特別驚艷講番重點壽司🍣係高質既❗️唯一扣分位係海膽同魚子個圍邊紫菜淋左🤣不過都吾太大問題😬私心Best 3係海膽 吞拿魚蓉 同蝦🥰師傅無手軟 堆海膽堆到就跌🤤吞拿魚蓉小卷由頭到尾都塞滿晒包保每啖都食到✋🏻隻蝦勁大又夠鮮甜仲有壽司飯吾會太細件（好重要🤓）逐件享受慢慢品嚐 食晒成板都夠飽既

佢呢度係新蒲崗mikiki商場唔到係邊商場都有啲咁高質素嘅壽司餐廳入到去見到價錢比較貴都有D懷疑點知叫咗出嚟佢嘅質素真係唔錯喎都值得比依個價錢嘅略嫌有啲唔好就係見到佢個刺身櫃不斷滴水令人有少少擔心