十和田壽司 (香港科學園)

营业中

休息中

前幾日喺屋苑group見到啲鄰居熱烈討論呢間科學園新開嘅日本餐廳，先知原來尖沙咀間十和田開到嚟科學園😲見大家評價都OK，今個weekend急不及待要行過嚟試吓😌之前喺尖沙咀放學嘅時間已經食過總店幾次，今晚食完科學園分店，我甚至覺得呢間新分店嘅食物➕員工服務態度俾總店仲好🙈餐廳入面採用咗簡約嘅日式風格🌱座位寬闊👍🏻整體環境寬躺舒適☺️職員們都好有禮貌😃一舉手即刻有人行過嚟，甚至識主動提供細碟俾我哋share食物👍🏻主動嘅員工往往就係加分位👏🏻呢間分店同總店一樣都係用QR code 喺電話直接落單嘅❗️（所以影唔到餐牌俾大家睇喇🤗）🥢今晚我哋嗌咗➡️火炙魚生飯 $138呢款魚生飯係秋季限定丼飯嚟嘅～同尖沙咀店一樣，呢度都係用帶微酸香嘅赤醋飯做飯底😌魚生方面包括有➡️三文魚、吞拿魚、油甘魚、魷魚、左口魚、帶子、鰻魚、牡丹蝦，仲有埋三文魚籽😳所以足足有九款嘢咁多😲款款鮮魚刺身都新鮮肥美😋切得厚薄適中，口感實在💕最值得一讚嘅係魷魚，其實我平時唔鍾意食嗰種滑潺潺又似鼻涕嘅黏口感🙈但今日食呢片魷魚竟然完全冇呢種感覺，口感清爽得來唔黏口🥰味噌牛肉飯 $78同平時餐廳食嘅和風牛肉飯差唔多😌但牛肉份量非常多🤭好抵

再一次幫襯 #十和田上一次食過抵食 但時間太趕無影到相，今次去坐到靚位，即刻介紹返壽司拼叉燒湯烏冬（配湯及蛋）食個炸雞烏冬加2件三文魚壽司都$88蚊，呢個set性價比十分高，加多$20多4件壽司，湯及日式蒸蛋😋湯熱辣辣，👍蒸蛋有蟹柳、鳴門卷、冬菇同白果六件壽司更加吸引，有原粒帶子，大大件😦重要厚切叉燒無筋 大大片 亦都有相當的厚度#下次再會幫襯刺身拼鰻魚飯（配湯及蛋）加再$20 之選 非我本人食用 因為我本身不食鰻魚 但刺身都十分吸引

本來好開心十和田係科學園開。之前去過尖沙咀本店同新浦崗分店一直覺得野食新鮮好味，對得住個價錢但近日係科學園試過堂食加外賣後，都令人十分失望。外買試左C和F。預左外賣可能冇甘新鮮。但話係即叫即整喎。買到返公司D三文魚勁腥臭。是變了？油甘魚好乾，睇顏色都吾覺新鮮，感覺似擺左幾日。。。D寿司飯好死實。整份寿司只感到'吾新鮮，好難食，垃圾'。同本店和之前分店的質素比差好遠。吾緊要，我比多次機會佢，去堂食再試一次。點知食物一如外賣的差。寿司師傅給人感覺也不衛生。坐bar台離師傅有一段距離都聞到有臭煙味。見住個高高大大師傅冇帶帽.口罩又帶吾好，行左出黍。係我身後經過已經聞到一身燶烈煙味。。。難怪外賣寿司味都怪怪，外賣部那邊又隱約有一陣煙味。估計員工係果到食煙？整體令人好失望。食完之後當晚仲肚疴。食物明顯吾新鮮。吾會再幫襯!食物差，間野又一陣二手煙味。師傅給人感覺吾衛生不整潔。同本店同新蒲崗的差十萬九千里。令我覺得真係同一間十和田？唯一可取係服務員服務態度ok有禮。但可惜!食物如此垃圾再好嘅服務都冇用!

價格高，但食物質素差, 刺身飯份量雖然多但不新鮮，第二天吃完肚屙1) 鰻魚飯-鰻魚飯上的醬汁太鹹，非常一般2） 最基本跟餐的麵豉湯是凍的因為是新開，環境不錯，但食物質素較差，最主要是魚生刺身不新鮮，性價比低。湯是凍的。