影片
营业时间
今日营业
11:30 - 22:00
星期一至日
11:30 - 22:00
以上资料只供参考，请与餐厅确认详情
相关文章
讲起车仔面，16座绝对系我近期嘅心水！佢哋嘅汤底真系灵魂所在——浓郁到不得了，唔系得个咸字咁简单，饮得出系真材实料熬出嚟，带住啲肉香同微微嘅甜，饮一啖成个人暖笠笠，捞面一流！主角油面好有咬口，唔会淋pat pat，挂汤能力满分，每啖都索晒啲精华汤汁，正！我嘅至爱配搭系佢哋嘅招牌猪肠同卤水鸡翼尖：猪肠处理得超干净，炆得软糯入味，入口即化，一啲异味都冇；鸡翼尖就吮骨都香，卤水味好够，送啤酒一流！仲有必试嘅萝卜，清甜冇渣，吸晒汤汁超好味。整体嚟讲，16座嘅车仔面唔系得个快字，而系真系食得出用心。汤底浓、面质爽、𩠌料入味，每样都交足功课。味道够晒地道，系𠮶种食完会挂住，想快啲再encore嘅街坊好滋味。**平、靓、正，绝对系车仔面界嘅实力派！
继续阅读
临近过年，花园街很热闹，由于太多人，所以就冇行入花园街，路过十六座车仔面，其实唔多肚饿，但由于对车仔面情有独钟，所以不自觉地进去。大约三点，食客未算多⋯⋯明显地装修七十年代格局，怀旧一番⋯⋯最令笔者注意的就是墙上面的一个算盘，多么有趣，相信年青的一代真的未知怎样打这如意算盘。首次到访，QR CODE 落单，还可以直接电子支付，奈何笔者首次到来，笨手笨脚，未能直接付款，最后QR Code落单后到柜枱付款，都算灵活弹性处理。首次到来决定嚟个招牌项目:九品鲍鱼面~在QR CODE落单时，加$2有菜底，于是笔者决定走面加菜底 ，结果策略上错误，冇面食，明显比较冷清，加$2菜底，只得一点点，帮不了忙，经过今次，相信下次会更明智。
继续阅读
过年同嚟太子办年货，买定水仙，为屋企增添过年气氛！买完花之后，喺太子都有唔少餐厅选择，我就嚟到十六座车仔面，呢度以公屋为装修格局，细心啲睇，连电掣都系行怀旧路线，而且车仔面系亲民价钱，够抵食款式又多！讲起最抵食嘅选择，当然就系怀旧四品面餐，配料有鸡翼、鱼蛋、猪红同通菜（本身系唐生菜，但今日货未返，所以改为通菜）。鸡翼卤得好入味，大大只；鱼蛋系陈皮鱼蛋，好有口感！至于面底就拣咗米粉，加上辣汁，好惹味。拣咗呢度嘅名物，包括限量金沙青、五香蝴蝶腩、咖喱面筋同猪皮。金沙青比较肥，所以佢就唔系太钟意喇，不过，我又觉得唔错，肉质嫩滑，肉味香浓；蝴蝶腩好有口感，腩肉鲜嫩；而咖喱面筋同猪皮都索晒辣汁，味道浓郁。四品面餐同四𩠌车仔面都会赠送一罐咸柠檬梳打，食完辣汁，饮番罐梳打就够晒爽。
继续阅读
今日去何文田做嘢，之后谂住落金鱼街睇吓金鱼。撞啱食饭时间人头涌涌，个个办年货。快快脆拣咗呢间16座车仔面。全院满座。OL加学生哥。最低消费三𩠌，我叫咗个米粉底，三𩠌拣咗鱼蛋猪皮同猪红；清汤底。冇叫嘢饮埋单40几蚊，全部QR code落单。味道一般般，冇惊喜，唔会特登过嚟帮衬。
继续阅读
太耐冇食过车仔面，经过见到就入去食，装修几特别有特色香港风味而且一般车仔面嘅食品都有，我叫咗一个捞面，佢哋嘅酱汁几特别，叫咗猪红大肠最爱嘅嘢食，味道唔错，佢哋嘅粗面系蛋面，最钟意系个面质系有口感嘅感觉唔错，会再帮衬，都好适合速食嘅人，而且当时系夜晚去唔使排队，即叫即食，个柠檬茶几好饮，都系由香港风味夜晚个姐姐服务态度几好，又同佢倾偈好有亲切感
继续阅读
您可能会有兴趣的...