影片
以上资料只供参考，请与餐厅确认详情
食家推介
前日（4-5-2025 Sun）晏昼同老公落荃湾食晏，去边喥食？佢话蹄花汤，话𠲖o家有饭食。啊，咁好啦。我哋嚟到都full full地，我哋喺出面等同睇menu，见到选择少咗好多，我就锁定要$38.00嘅猪颈肉盖饭，老公要$38.00嘅红烧猪肠盖饭，我哋再要一个$35.00嘅净蹄花汤。店员自动端上两杯冻绿茶，呢个味道淡甘嘅。冇耐，所有食物都到齐，每碗盖饭都有一只卤水蛋同支竹，睇见我𠮶碗猪颈肉唔似平时食到嘅爽弹猪颈肉，食落，似猪腩多啲，佢好够腍又唔系柴皮，而且入味，唔错。卤水蛋味道同口感都正常，支竹味道亦够浓。老公嘅红烧猪肠呢，加咗辣椒，猪肠干净冇异味，唔错。净蹄花汤嘅猪手都好腍，味道清淡舒服，蘸佢嘅汁好香唔辣，好味。今次冇上次咁多选择，庆幸我哋旧年有食过（上次食评系2024年1月11日刊登嘅呢篇：https://www.openrice.com/zh/hongkong/review/%E5%A5%BD%E5%91%B3-e5233350）。
继续阅读
叫佢走青完全系冇走过啲青，仲要系劲多葱成件事系错晒。搞到完全系冇晒胃口去食成个饭同啲枝竹搞到一啲都唔想掂。最惨系买到返到屋企先至发现系冇走到啲葱。谂住食饭啦点知比啲葱搞到冇晒引呢间咁嘅餐厅仲留喺度仲有乜意义呢！
继续阅读
今日谂住食凉皮就一枝箭咁冲入铺头点知坐落睇餐牌 无左凉皮 得返凉面同埋多左好多盖饭款色本身都无问题 但发现凉面唔知点配啲𩠌 因为啲𩠌变哂$15半份起跳 所以凉面加𩠌整体价格会上升都无问题 咁食返蹄花米线食紧之制 咁啱个位坐喺望到厨房嘅见住老细将一袋袋煮好左嘅牛腩？？（似红烧牛肉啲色水）倒出嚟 即系…？真心本身好钟意嚟食凉皮 啲𩠌啲汁好都正同埋难得一间有得堂食嘅凉皮 唔似葵广𠮶啲外卖但唔知点解咩原因变成咁？ 成平上升？？我眼见入嚟买外卖嘅仲叫紧凉皮同口水鸡如果钟意蹄花同肥肠都仲可以嚟食
继续阅读
食过几次青瓜丝葱油拌面+口水鸡组合必食 枱枱都叫 见之前 OpenRice D网友食评都系呢个推介 惹味同好大份 青瓜量好多好健康但见到最新餐牌已停左卖呢几样野😹😹即刻就无办法再入了
继续阅读
都几好食，猪手好淋～价钱唔贵，份量多，够饱肚，有免费绿茶即弃餐具感觉卫生凉面好食，唔系葵广果种好厚身CP值高又有位坐好似新开无耐已经好多人八点左右坐到满哂要搭枱
继续阅读