十兄弟車仔麵 (已結業)

-餐廳：十兄弟車仔麵位於灣仔既車仔麵，係用QR code落單，好方便！呢間車仔麵有超過50款配料俾你揀，總有一款啱心水！-自選車仔麵 (雞翼牛腩米粉)佢既雞翼係滷水雞翼，好入味，顏色望落去亦都好深色😋😋牛腩整體呢講都好易咬開，而且都有好多舊👍🏻👍🏻-自選車仔麵 (豬紅、鮑魚、爆漿牛丸)啲餸好足料全部都好夠份量！豬紅好入味，爆漿牛丸真係一咬落去勁 juicy會爆汁🥰🥰鮑魚嗰到個鮑魚都唔會太硬好易咬開😋😋-評分CP值 : 8/10好味: 7/10賣相 ：8/10-

十兄弟，位於灣仔既車仔麵，新派重新包裝既車仔麵，店舖光鮮💡電話落單，App既介面好靚，樣樣都有相睇，令人更加想食，好多野都好吸引，所以餐廳準備左皇牌必食推介，包括玻璃魷魚、紅燒鮑魚、勁腍牛孖筋等🤤聽到都想食勁腍#牛孖筋+鮮蝦#韮菜餃+香辣豬紅配鮮製油麵加腩汁小辣多葱🍜上枱一刻驚人，驚人在多葱多到呢🫢葱控(=我)一定心動💗濃味腩汁湯加葱就係正，食咩都加一堆好爽😄即刻試鮮製油麵，幾滑幾粗，有啲拉麵感覺而都有蛋味，加葱食正👍🏻 鮮蝦韮菜餃，大粒，一望就知薄皮，個皮滑到好似雲吞皮，好味，濃韮菜味😚勁腍牛孖筋，超大舊好有份量，好入味好腍，配少少辣椒醬仲正🤩辣椒醬係秘製既，辣得黎幾特別，配唔同既餸食都幾正，不過食到我出晒汗，請量力而為🤣香辣豬血都唔錯，加辣椒醬會加分👏🏻再加左半份香炸墨魚丸，炸得好香，一咬好彈牙，墨魚味濃🦑高質整體來講係幾唔錯既車仔麵，最難忘都係爆炸多葱😝必食推介又唔係無見過既食材，但味道就整得幾有特色🫶🏻秘製辣椒醬亦係驚喜，食到辣既朋友真係要試試🌶所以話細節取勝！推介多到食唔晒，咁方便要食多幾次😗

灣仔春園街人氣車仔麵呢排天氣凍左好多，突然想食車仔麵暖下胃，揀左呢間位於春園街既十兄弟車仔麵，好多車仔餸都好吸引選擇又多，總有一款啱你口味✨自選車仔麵 ($64: 油麵、清甜蘿蔔、咖喱牛柏葉、香辣玻璃魷魚、柱侯牛坑腩)識食一定係揀油麵啦，煮到剛剛好夠哂彈牙，餸我就揀左兩款皇牌必食推介既香辣玻璃魷魚同柱侯牛坑腩，香辣玻璃魷魚爽口彈牙，辣辣地夠惹味，而柱侯牛坑腩夠腍又入味，配埋清甜無渣既蘿蔔簡直係perfect match💯💯💯✨自選車仔麵 ($48: 油麵、咖喱豬皮、香辣豬紅、台式豬腩肉)同事就跟我一齊食油麵，餸就揀左咖喱豬皮、香辣豬紅同台式豬腩肉呢個全豬既組合，咖喱豬皮見到份量都幾多，索哂咖喱汁好滋味，豬紅都好滑溜，佢食得辣所以湯底再額外加秘製香辣汁，大讚好好食😋😋😋

今日啱啱喺灣仔有事情要做，忙完之後都晚上八點幾啦，於是就喺附近搵咗間車仔麵店食呢間麵舖可以用qr code自助點餐，而且唔想食麵嘅人亦都可以轉蔬菜底🥬<自選車仔麵> $64(米線|腩汁|柱侯牛坑腩|鮮蝦韭菜餃|鮮蝦雲吞)米線煮得剛好，唔會好硬身亦都唔會太軟淋，牛坑腩尚算入味；兩款餃子&雲吞各有千秋，不過更喜愛鮮蝦韭菜餃，因為除咗鮮蝦之外仲帶有韭菜嘅香味，腩汁唔會搶咗原本配料的味道， 食到原汁原味，凍豆漿不太甜幾好<呢碗唔野少> $75(烏冬|咖哩汁|香辣玻璃魷魚|鮑汁魚肚|日本珍寶蟹柳|蠔皇紅燒鮑魚(兩隻)|順德魚腐)呢碗麵個名幾特別🤣配料份量真喺唔野少！咖哩汁香濃，烏冬彈牙，成碗麵共有五樣配料，其中最特別嘅梗喺紅燒鮑魚😎我都估唔到車仔麵有鮑魚可以食～鮑魚口感入味得黎有咬口，至於其他配料方面，玻璃魷魚爽口，隱約帶少許辣味；鮑汁魚肚口感偏軟身，吸曬啲湯汁

其實由細到大我都好鍾意食車仔麵今次叫咗個招牌八寶麵 - $55牛坑腩同滷水豬大腸都好入味雖然入味但又唔會話整到好淋香辣陳皮魚蛋都幾彈牙咖喱豬皮好爽口，不過咖喱味就唔算好重豬紅少少韌，但個人好鍾意蘿蔔夠晒大嚿清甜不過我最欣賞係個米粉！唔知有無認錯到係咪新竹米粉嚟真係好好食呀！加咗腩汁同中辣米粉吸晒啲味再好味啲呢碗唔野少 - $75冬菇好大隻，而且都整得好入味玻璃魷魚好似係推介嚟，幾爽口鮑汁魚肚咬開爆晒汁日本珍寶蟹柳夠晒巨型鮑魚都夠厚實秘製香辣汁 - $2朋友再額外加咗香辣汁不過我自己覺得同普通個辣無乜大分別辣菜脯 - $2朋友再加埋辣菜脯香辣爽口都幾好食但佢碗米線好似食極都食唔完咁無糖豆漿 - $6同朋友都鍾意飲無糖豆味一般唔算特別香

糧尾依然要好好享受假日, 訓到自然醒, 同朋友外出食個lunch。與素食朋友同行, 要搵一間又平又有野岩佢食嘅其實唔係咁易。經過見到間車仔麵, 門外望望menu, 竟然有素食車仔麵, 無需再多行, 就入去食個車仔麵醫肚。店內唔算大, 但地方企理。自行scan QR code落單, 多款食材、粉麵自由配搭, 亦有幾款已定好嘅精選車仔麵, 少量小食同埋飲品供應。我就揀咗自選組合嘅車仔麵,揀咗四款配料+油麵+腩汁+小辣+多蔥清湯上加腩汁, 色澤同湯底味道唔會過濃, 辣油放於湯匙上, 比客人自行加入, 辣油好夠辣, 加入湯底幾惹味。油麵軟硬剛好, 蠔皇紅燒鮑魚爽彈唔硬, 食到鮑魚本身嘅鮮香; 鹵水豬大腸好夠林; 香辣玻璃魷魚好爽, 不過浸落湯底後唔覺辣, 口感爽; 香辣豬紅彈滑。素食朋友揀嘅係---靚靚全素麵好少車仔麵有全素麵, 通常都係自己組合, 呢度竟然照顧埋素食朋友, 真要俾個like佢呀。同樣揀咗油麵, 全素麵包含了金菇、豆卜、炸支竹、清甜蘿蔔, 支竹滑溜,  金菇、豆卜吸咗d湯汁, 蘿蔔清甜, 清清地又健康。車仔麵可+$6追加杯裝甜豆漿,豆漿甜甜地又有豆香, 甜度可平衡到食辣嘅味覺。

作為喺灣仔工作嘅奴工，灣仔大街小巷嘅食店幾乎俾我食過晒。要揀間抵食又好食嘅，真係唔易，十兄弟車仔麵係我推薦，又抵食又好食之選。💟自選車仔麵🧡蠔皇紅燒鮑魚（兩隻）(皇牌必食推介）呢個鮑魚係必叫㗎！！！鮑魚肉質肥美，入口口感煙韌爽滑，真係平民豪華之選！🧡勁腍牛仔筋（皇牌必食推介）牛筋夠晒粗壯，原條奉上，好有膠質，又軟淋淋有彈性，充滿牛香！🧡柱侯牛坑腩(皇牌必食推介)牛腩少有咁經過慢煮，非常軟滑，入口即溶，而且柱侯煮得夠入味。🧡五香金錢肚（皇牌必食推介）金錢肚唔會死咸，咬口爽腍，非常惹味。🧡鮮製油麵油麵就係車仔麵嘅始祖。呢個新鮮嘅油麵食得岀蛋香，整體食落好滑，一大啖喺個口裹面就形成大滿足嘅感覺！總結，呢檔車仔麵簡直是車仔麵嘅模範，灣仔奴工必食推介！

嘩，你無睇錯😮星期一嘅下午茶居然28蚊就有一碗牛腩麵而且係老人家嘅話14蚊就食到，如果住依到附近嘅話，記得叫佢屋企嘅長者試下🤣不過我嘅時間夾唔到，惟有食下正價嘅麵🥺🥺我叫左個牛四寶麵🤤依間同一般車仔麵一樣，有得叫唔同嘅麵底同湯底，有辣有唔辣，有蔥無蔥，選擇多就算我叫碟菜，都有得簡唔同汁而味道都唔錯👍只係比正價就貴左少少🥹只係可惜佢間店空間太細，所以會坐得好逼，亦都無水吧，淨係得支裝同罐裝飲品。🥺

✨呢碗唔野少✨ $75 🏆蠔油冬菇香辣玻璃魷魚鮑汁魚肚日本珍寶蟹柳蠔皇紅燒鮑魚另加辣菜脯（+$2)另加秘制香辣汁 (+$2)大大隻鮑魚好入味好腍唔會擦子膠咁🤣魚肚都唔腥索哂上湯味👍🏻本身叫左小辣🌶(匙羹仔嗰pat)辣度都好夠😳辣得尼有麻😍後勁相當凌厲反而額外叫嘅秘製香辣汁就無甘辣有香蒜味🧄✨招牌八寶麵✨ $55 🐙柱侯牛坑腩滷水豬大腸香辣陳皮魚蛋咖哩豬皮香辣豬紅清甜蘿蔔雲耳粟米每款餸都發揮得幾好推介牛坑腩🐂炆得好腍😋蘿蔔清甜無渣🤭索哂腩汁湯好正

平時就好鍾意食牛肉車仔麵，今日經過十兄弟車仔麵見到佢哋有個柱侯牛四寶，睇佢哋嘅圖非常豐富，所以就決定試一試！車仔麵黎到嘅時候同圖片份量都差唔多，非常豐富🤤牛四寶就有五香金錢肚，牛骨濃汁牛丸，柱侯牛坑腩，勁腍牛孖筯。平時食車仔麵都好鍾意叫牛坑腩和牛孖筋，佢今次啲四款餸都非常入味，而且令到個車仔麵湯底好香濃！見到有好多人介紹香辣玻璃魷魚，我又好想食啲辣野，所以就叫咗個香辣小食！嚟到嘅時候當食咗第一條就會不停口咁係咁食🥰自己一個食一個小食都唔過分😋

二人出去食野，如果朋友係食素好多時都要就佢，而呢間車仔麵都係一個唔錯選擇🤩我係大胃王而朋友食素，呢度就有素麵選擇✔️所以我就叫左最豪十兄弟，朋友就叫靚靚全素麵。📍最豪十兄弟都真係好鬼豪，有成十樣餸，未食先飽。特別炸豬頸肉同炸雲吞想介紹下，豬頸肉炸得邊少少脆口不太油，炸雲吞都唔係全穌炸好漏個種。另外佢有個墨魚腐皮卷都幾特別，出面通常係原味，呢度就夾住墨魚鮮香。😋📍靚靚全素麵望都幾清，唔似出面嗰啲湯好濃好油, 而且份量方面充足。我朋友都覺得蘿蔔夠清甜，炸支竹又唔會太油，仲有面條都軟硬度適中。😌總括嚟講都幾好食，二人都食得好飽，百幾蚊埋單，確係幾抵食😚

說到香港的經典地道美食，車仔麵一定榜上有名。閒時懶於思考要吃什麼時，來一碗車仔麵總不會讓人失望，愛其價錢豐儉由人，麵底配料醬汁都可自由搭配，難怪多年都是港人鍾情的本土味道。這家位於灣仔的車仔麵店雖開業只有一年，但捧場客倒是不少，店外長期擠滿客人，繁忙時間要等近大半小時才能用餐，可見其人氣之高。➤ 食神嗱喳麵 ($59)發現這裡竟然有供應這碗經典的麵食，更用上了升級版配料，包括醬爆瀨尿牛丸、香辣豬紅、蘿葡、鮑汁魚肚和香辣玻璃就魚。蘿蔔清甜多汁，完全不會有渣；醬爆瀨尿牛丸咬開爆汁；豬紅滑嫩入味；魷魚辣得惹味，爽口彈牙，絕對是一碗一點也不失敗的「嗱喳麵」！➤ 柱候牛四寶 ($65)牛魔王必點！一碗麵有齊柱候牛坑腩、牛筋、牛骨濃汁牛丸及金錢肚，四款皆為餐廳的皇牌推介。其中最喜歡柱候牛坑腩，以低溫慢煮過，再用上柱候汁炆燉，肉質鬆化柔軟之餘又能保留牛香；充滿膠質的牛筋同樣令人回味，整碗都充斥了牛香味。

今日一個人食飯，想平平哋食下車仔麵，就嚟咗呢間十兄弟。一入去我留意到嘅係，佢呢度有各式各樣嘅罐裝飲品提供，喺個櫃度一目了然👁️今次我就試咗個食神嗱喳麵。首先佢有小小橙橙哋色嘅配料係另上嘅。碗麵分量方面其實都幾足夠，全部都好大嚿。😋特別想一讚嘅係白蘿蔔，本身係清清甜甜, 入口清新又冇揸。而個湯汁唔算好咸，所以白蘿蔔都唔會話索曬汁變到好咸。🌿另外想讚下醬爆瀨尿牛丸，牛肉味夠，一口咬落爽口彈牙之中爆汁，不過又唔會太油，成個感覺剛剛好。🐂仲有魷魚出面通常都係有渣或者好韌，而呢度嘅魷魚真係爽口嘅。🦑以五十幾蚊嚟講質素算係相當高👍

今日同男朋友食飯諗唔到食咩好，就決定食番我哋嘅至愛車仔麵，十兄弟車仔麵係我哋成日食，又好食又多選擇！食神嗱喳麵 $59: 今次我哋叫左個食神嗱喳麵，總共有五個餸，分別有醬爆瀨尿牛丸，香辣豬紅，清甜蘿蔔，鮑汁魚肚，香辣玻璃魷魚。因為份量好多，我哋都會share食，再叫多兩罐野飯就岩岩好！味道係好到不得了，超入味，食神食到都會讚好！我哋每次必叫的蘿蔔同香辣玻璃魷魚，今次都保持到水準，好好食又夠惹味！下次都會繼續食😃☺️

友人喺OpenRice到搵食咩，見呢間評價唔差，又近我哋去嘅地方，所以就決定嚟試下！呢度地方淺窄，好似一般車仔麵鋪咁💁🏻‍♀️衛生同環境一般，呢度唔係填紙叫嘢，而係掃QR code落單，有好多好特別嘅餸，e.g. 鮑魚、牛孖筋、醉雞卷、台灣腸、炸燒賣…有選擇困難嘅朋友都可以揀佢預設嘅組合🤓=====================🍜自選車仔麵 $58▸ 通菜、清甜蘿蔔、勁腍豬軟骨▸ 烏冬、腩汁 好少見車仔麵有烏冬揀（定我見識少😂蘿蔔幾清甜，同埋好大舊，通菜同豬軟骨就不過不失啦，但係豬軟骨得兩舊就有啲少🥲🍜自選車仔麵 $68▸ 勁腍牛孖筋、五香金錢肚、 麻辣蓮藕▸ 鮮製油麵、秘製香辣汁呢個秘製香辣汁幾好食，唔會太嗆喉，又夠濃！配埋爽口彈牙嘅油麵真係好夾，五香金錢肚好入味，好好食😋麻辣蓮藕就偏爽口，但辣辣地又幾過癮～不過牛孖筋未煮得夠腍，唔推薦🙅🏻‍♀️=====================總體嚟講，個人覺得呢間車仔麵幾正，有好多選擇，總有一款啱你心水🤩特別推薦金錢肚，真係滷得好入味！個人覺得秘製香辣汁都好特別，食辣嘅朋友一定要試‌‌～