十二味 (如心廣場二期)

营业中

休息中

十二味又開新店，今次開到來如心廣場，遠遠就見到隻大熊貓企門口攬客，盛情難卻。櫃台上仲有好多小熊貓，好有四川特色。餐廳環境都算系晤錯，椅凳都幾好坐。招牌自選香鍋很有特色，可以揀香辣，也可以揀秘制香鍋，我地唔食辣，所以揀左秘制香鍋。葷菜素菜各有十幾款，至少要揀五款以上，我地揀左萵荀，土豆，台灣魚腐，寬粉，蓮藕片。用QR code落單，全程自己搞掂，免去人工錯誤，幾好！勁鐘意香鍋的秘制醬，好似有d似豆瓣醬同沙茶醬的味道，十分香，所以料都很入味，大大鍋，很飽肚。

荃灣開了很多新商場，一直想試的十二味進駐了如心廣場二期。川菜在香港愈來愈受歡迎，十二味分店也愈開愈多。當然必試是川菜權威的酸菜魚啦！辣程度可以自已選擇，由不辣至五程度辣，不太嚐辣的我，選小辣已經夠滿足了。一上檯，嘩！ 好大碟， 很震撼 極足料，泡椒、酸菜、新鮮魚肉，花椒和乾辣椒等佐料滿滿的。魚肉鮮甜，有厚有薄，粉條吃來煙韌，但沒有很入味，較喜歡幼身麵條較入味 .酸菜湯入口酸香鮮美，愈飲愈開胃，最後還追加了一個白飯，變成湯飯。

今日放工就黎左荃灣搵朋友食飯同傾計，我地就係荃灣廣場行左一陣，跟著當然就去食晚飯喇，朋友就話荃灣如心廣場二期2樓，新開左間十二味，係有得食酸菜魚，我都有一段時間冇去食酸菜魚，今次難得黎到，就同朋友一起去食餐廳地方都算大，有好多卡座，客人好多，基本唔係我地早黎，都要係出面等位，餐廳係採用QR Code落單，食物上枱時間都快人見人愛酸菜魚$218我地就加$28配粉條，粉條吸哂湯汁連魚肉，一起食非常好味，魚肉嫩滑，而且完全入味，每啖都有濃濃酸菜味，加上辣椒，食落惹味，一大盆上枱，我見魚肉份量都好多，三至四個人食都夠口水雞$68雞肉質地結實，配上麻辣香，食落滋味紅糖糍粑$48甜品可以選左後上，黎到個時仲係好熱，配上糖漿一起食，超級配，味道可口

經過如心廣場，發現新開左一間十二味，門口有隻大熊貓，傻傻的樣子好可愛，店舖內環境都算不錯，面積頗大。菜單選擇不算多，主要都系食川味的經典菜式，例如辣子雞，水煮牛，酸菜魚之類。我地揀左招牌酸菜魚，勁大一碗，賣相極佳，份量大概夠3-4人食用，所以我地兩人食都好滿足下，揀左小辣，所以紅色辣椒仔不算太多，看起來不太辣，食落辣少少，如果晤食得辣既人最好揀唔辣。魚肉大片鮮嫩，系我鐘意的類型，冇骨又結實，口感很好！萵苣好清甜，突然食到一舊，好解辣。

作為荃灣人梗係要食盡荃灣美食la😍今日我哋嚟到開咗冇幾耐嘅如心廣場以其食十二味川菜🥰其實開頭我都驚我哋入到黎會冇啖好食😅最後我哋係食到好飽好滿足嘅💗佢哋呢度嘅菜式除咗可以選擇大辣少辣仲有部份可以選擇唔辣👍🏻我哋最後叫咗乾煸四季豆、蔥油拌麵、紅糖糍粑、乡妺兒冰粉、百分百純椰青水🤗💗乾煸四季豆炒得夠乾身同夠火喉，加入蔥薑肉末爆炒，非常惹味，愈食愈好味，停唔到口😍💗蔥油拌麵充滿左麻油既香味😍 麵條軟硬度適中，彈牙有咬口!醬汁平均分係每一條麵👍🏻哥哥都話好好食😋💗紅糖糍粑呢個真係絕對推介🌟哥哥食到停唔到口🥰外脆內軟，內裡微微嘅餘溫入口溫和，點上甜絲絲既紅糖😋一啖一個👍🏻我就最鍾意軟糯嘅口感😋💗乡妺兒冰粉涼浸浸嘅冰粉將今餐畫上一個完美嘅句號❣️清香嘅桂花味一啖一口冰粉😍真係透心涼🥰

四川spicy滋味十二味又開咗新店，就係荃灣如心廣場，鋪面四方格局大方得體，菜式色香味俱全同媽媽特地來品賞地道四川美味！川菜保持一貫水準高食材優質麻辣勁過癮🥰美食應有盡有嘅十二味，推介最出名嘅「酸菜魚」，今次媽媽試唔辣，鮮美嫩滑無骨嘅魚片肉加埋酸菜汁佐飯是絕配另一個菜好食「川式口水雞」極為滋味夠麻夠辣夠香，嫩滑嘅雞肉加上佐料豐富，麻辣香口水汁超入味，好吃到流口水，川味小菜好選擇！最後黎一道川式特色小食「紅糖糍粑」同樣出色，甜而不膩川式甜品🍮風味

其實我從沒吃過正宗的川菜，我猜想應該是超辣的吧？老公這次居然帶我去吃川菜，本來一萬個不願意，但他說非常好味，那就姑且一試好了～我們首先點了川式口水雞，原來並沒想像中那麼辣（後來才知老公點了小辣）我很喜歡它的麻辣感！超過癮(⁎˃ᴗ˂⁎)如果要打分，這碟口水雞我會給9/10分！本來以為秘製醬香鍋是火鍋，但原來是這樣的濃味鍋，很驚喜！我們點了午餐肉、美國肥牛、五花腩、萵筍、蓮藕片和娃娃菜。當中我最喜歡的是超肥厚午餐肉、美國肥牛和大大塊的蓮藕片！！所有材料與秘製醬香鍋混和在一起，味道非常濃郁有層次！再加上鍋裡的青瓜、炸黃豆、芫茜這些配菜，真的是一流的滋味！！！！我們再另外點了兩碗白飯，這個醬香鍋配白飯真的不得了～豐富又惹味非常～好好吃呢(•‾⌣‾•)y

早前於尖沙咀分店吃過午餐，覺得很不錯，知道荃灣也有分店，一於下班後跟家人再來吃晚飯。店內裝修走時尚中國風，地方寬敞，坐得舒服。同樣是電子下單，環保又快捷，避免了下錯或下漏單。人見人愛酸菜魚配寬粉酸菜魚是必吃的，家人怕辣的關係，這次就算了不辣，但無損酸菜魚的美味。魚片滑溜溜，無骨，不腥。配料有大量雪菜、鹹酸菜和萵筍，爽口惹味。寬粉煙煙銀銀，吸收了湯汁精華，是絕對不能錯過的。秘製醬香鍋我們選了五款配料，包括嫩牛肉、金錢肚、台灣魚腐、蓮藕和豆皮。香鍋十分惹味，爆炒有鑊氣。牛肉片嫩滑，金錢肚爽口又不韌，台灣魚腐爽滑有鮮味，蓮藕片爽脆，豆皮有豆香而且掛醬汁，鍋上還灑上脆脆的炸黃豆增加口感。香鍋雖然份量大，但不油膩，可以盡情吃，非常滿足。大盤花菜花菜爽口，用豬腩肉片爆炒，炒得很有鑊氣，豬油香豐富，雖然比較肥，但美味十足，吃到停不了口。總括而言，十二味荃灣分店的食物質數不錯，適合一家人或者一班朋友聚餐。我們當日七時左右就全場爆滿，如果不想等位，先訂座比較好。

荃灣新開十二味！喜歡食辣野的人當然要試試。講到食四川菜當然要食麻辣叫左麻辣香鍋底，可以選擇辣度，之後任選其他配料再炒在一起。配料款式多至30款，第一鍋叫左雞軟骨，金錢肚，蓮藕片，萵荀加寛粉。麻辣香鍋很野味，但小辣也很辣！雞軟骨很好味，寛粉很彈口又入味，大推介。另外怕辣人士可以點秘製醬油香鍋，同樣另加餸。醬油香鍋都很不錯，但本人喜歡麻辣多一些，比較香口。講到四川菜不得不試酸菜魚，夠酸，魚亦滑也沒有骨，當然比不上北上的酸菜魚，但可說香港最好食酸菜魚。而且十二味價格相當平民，性價比超高，大推給愛吃川菜人士。

之前吃過尖沙咀的十二味分店，覺得很好吃，今天來到如心廣場，發現這裏有新開張的分店，於是便決定在這裏晚餐。餐廳是摩登中式裝修，時尚簡約得來，不失中國風，座位亦很舒適。點菜時電子下單，簡單快捷。我們四人點了三款菜式，份量非常大，捧腹而歸，最後還要打包，食物質素亦沒有令我們失望。人見人愛酸菜魚配寬粉條果真係人見人愛，眼見每桌都點了一份，我們亦不例外，由於家人喉嚨有少許不適，所以今次我們沒有點辣。很大一窩，滿佈白雪雪，滑溜溜的魚片，下面便是大量酸菜，萵筍，菇菌，再下面便是寬粉條。魚片非常滑溜，沒骨，沒魚鱗，吃起來很方便。萵筍及菇令整個菜式很爽口。酸菜湯喝起來亦十分順口，寬粉條吸入湯汁，特別和味。秘製醬香鍋這個香鍋亦是不辣的，且很有份量。香鍋的配料是自選的，我們點選了蓮藕片，金錢肚，嫩牛肉，豆皮及台灣魚腐。面豉醬汁很惹味，整個香鍋炒得很有鑊氣， 十分香口。牛肉嫩滑，金錢肚爽口有咬口，豆皮及魚腐吸入醬汁很好吃。還有其他配料例如青瓜及脆炸黃豆，令整個菜式更加口感豐富及香口。大盤花菜椰菜花炒得香口，爽脆，配料有蓮藕片外，還有少許豬腩肉片，所以整個菜式很有豬油香氣，不會單調。總括而言，這裏的食物質素佳，

唉 本身諗住見佢新開張而且度度有分店實冇死 點知瀨晒嘢 新開張都咁 D客點回頭..當晚我哋只帶咗三樣餸霸王辣子雞：D雞好明顯一早炸定擺喺度晾都乾晒凍哂硬哂，跟著D客要幾辣就落幾多唔辣既幹辣椒落鑊兜一兜跟住就上碟，D雞一D都唔入味一D都唔辣又乾又硬又聖，0分。人見人愛酸菜魚：D魚同個湯底都唔錯，不過個湯可以再濃多少少，40分。大盤花菜：XXXX 我自己炒都好味過佢lol 我本人就食過好幾間川菜同湘菜，佢哋間間都係用豬油炒亦都炒到嗰陣應該有嘅香味，而呢間D花菜好淡好油見到個底嗰度有好多油同埋都見到啲豬肉片但係冇嗰陣大盤花菜應該有嘅香味，失敗。總括 - 你哋啲廚師需要加把勁，認真小小。

本來想試吓個酸菜魚，但2點鍾就已經冇得賣。所以就試左其他嘢。但係之後不會再食，叫左川式口水雞同田雞麻辣香鍋。口水雞好普通，肉質有D硬。但係田雞完全接受唔到，田雞完全冇肉，零零碎碎，想搵塊肉食下都冇。我係咪叫左蓮藕芽菜煱⋯然後跟餐飲品係酸梅湯，一黎到得半杯，隔離台飲緊個杯都多過我個杯。我同waiter講，佢竟然拎入去幫我加冰⋯咁都得⋯前菜又係神奇，一黎同我講話冇咁多前菜。問佢攞紙巾，又要另外收費。總之以後唔會再黎