十三少 (已結業)

唔係太明點解有有咁多好評話佢嘅酸菜魚好食，見到有其他評論話酸菜魚唔好食，都有猶豫到底去唔去，但係好耐冇食過川菜，所以都諗住試一試，點知果然係中伏今日去食午餐，叫咗小辣嘅酸菜魚，講下個酸菜魚，小辣即係一啲都唔辣，完全冇辣味，香味係有嘅，佢亦都唔算太油，但係魚片嚟講我相信鯰魚，呢個價錢當然唔會係貴桂花魚啦，但其實我個人係好唔鍾意食鯰魚因為肉質好似豆腐咁，魚片亦都唔入味，有啲甚至係一嚿嚿，唔係片嚟嘅，酸菜亦都係好老好老，係冇可能食到嘅質地，可能咁先係正宗掛另外我真係好想講下個白飯，完全係冷飯咁樣，唔似係新鮮煮起，另外就係冇一粒米係完整一粒，好似全部都係米碎咁，總之個飯好難食好難食不可一不可再

Lunch 時間，特登行過嚟一試佢嘅酸菜魚午餐🤓。一個人叫咗個酸菜魚白飯，配菊花蜜，承惠$70免加一。酸菜魚個碗就好大，但食咗兩啖已經冇乜魚，個味都唔係好夠，唔酸唔辣咁，另外啲酸菜係好老有渣嗰啲，如果唯一優點應該係夠熱😅😅。以午餐來講，呢個價錢偏貴，食完都唔覺得好飽。不過環境來講，都叫坐得幾舒服，如果同同事嚟嘅話，都可以間唔時黎食吓嘅。另外，呢間餐廳已經用咗電子落單，所以服務上都冇乜特別可言。🤣

3個人叫咗個2人套餐再加個甜品，又平又好食ar雖然已經叫咗小辣，唔知係咪我太廢ge關係飲多幾啖湯都覺得個口麻曬好辣加配咗薯粉，好厚身好掛湯最鍾意食佢ge紅糖糍粑，炸完之後好好食我可以一個人食十舊

野食幾好味但服務有待改善叫左個二人套餐食得好飽紅糖糍粑冇咩驚喜但就真係熱辣辣如果唔洗排隊會再去試但要排隊就唔會啦附近冇咩泊車嘅地方所以食完就快快腳走辣度可以再高少少

今日因為要睇演唱會，所以同朋友黎左呢間餐廳。回訪過數次了，但今次啲魚食左有點腥，一大碟食左一半都無就停晒手，短期內應該吾會再黎食了🙃 不過個豆炒得好惹味好好食😋

天氣凍 特別想食有湯同辣既野暖下身3人走去食酸菜魚黃埔站一出對住就已經見到等左一陣位就入得去當然要order酸菜魚 非常美味 有勁多魚肉 好滑又厚身 叫左少辣 最緊要係唔會好油膩 送飯一流仲叫左幾個餸 都好好食🤤一定會再去食

一係唔食辣, 一係就係咁食辣! 今日辣癮起, 兩個人出去左搵食, 行過見到依間有水煮魚或酸菜魚二人餐都幾抵食, 就入左去拎位, 可能平日關係, 一入去就有位，有脆米小食過口癮先直接就叫左個二人餐 有涼菜, 主菜, 小菜同白飯。涼菜叫左涼拌土豆絲, 土豆絲切得一絲絲好分明, 每條都掛有辣油香, 食落好爽口, 清脆得黎又惹味, 愈食愈上癮主菜就揀左十三少酸菜魚, 叫左小辣, 估唔到咁大盤, 魚片夠哂嫩滑, 完全無骨, 魚片同酸菜份量都幾多, 個湯底夠哂濃味, 辣度剛好, 湯面撒左芝麻, 令整體味道更加分同更香店員話除左餐牌上既兩款小菜, 仲有川式口水雞可以選擇, 所以叫左口水雞, 賣相好加分, 未食已經聞到好香既辣味, 雞肉口感嫩滑,口水雞每件都沾滿辣香油, 超多汁, 好好味, 送飯一流最後我地加左甜品紅糖糍粑, 係我至愛既甜品之一, 糍粑面頭撒左黃豆粉每條都炸得外脆內軟, 糍粑口感好煙韌, 沾一下紅糖漿, 超正啊, 好食到停唔到整體坐得幾舒服, 二人餐份量夠三個人食, 上菜都幾快, 紅糖糍粑值得另加單食, 真心好正!

🌟涼拌土豆絲🌟十三少酸菜魚(小辣)🌟口水雞🌟紅糖糍粑平時都好鐘意食麻辣野，朋友介紹話十三少好食過其他酸菜魚今日收工係樓下試下😁 大概平日7點到 好彩唔洗排隊叫左土豆絲做前菜一黎到聞到好濃嘅蒜味土豆絲係偏生既 口感好好 有啲似淮山 份量都幾多😁口水雞份量大，我地2個女仔食唔晒皮薄 有果凍 無脂肪 多肉👍 口水汁正宗 偏咸味而唔係好辣酸菜魚主角，勁大盤😦我諗下次要三個人黎食先得唔係得個盤大 啲魚肉都好多👍 啱啱嚟到熱辣辣又滑既魚肉好正( 我哋叫咗小辣 小辣真係偏小 就番香港人口味 如果想食好辣嘅可能要叫中辣/大辣😛紅糖糍粑💕💕💕💖好~好~味~~啱啱炸起仲係熱嘅煙煙靭靭點好香既紅糖漿🤤🤤🤤就算好飽都一定要叫！😂 佢哋嘅筷子架係用花生， 真係食得

週末與朋友在海旁酒店staycation， 無敵大海景的酒店房真的好正， 不過天氣凍咗少少 就冇緣喺靚靚泳池游水。 開心嘅時間過得特別快，又係時候check out。 酒店食咗幾餐西餐，突然真係好掛住中菜😆😆😆， 黃埔 周圍覓食， 原來呢邊都有“十三少”，之前都食過其他分店， 酸菜魚個魚湯底真的不錯。 大約六點鐘嚟到就冇乜人，七點鐘已經坐滿場。麻辣滷水豬手見到隔離枱嗌咗個豬手好似都幾好， 所以我哋都試下。 豬手做到軟嫩不爛， 豬皮彈牙 不會肥膩， 鹹辣度十足。椒麻 皮蛋每次來都會叫這個小吃， 黃金皮蛋真的很吸引， 其他地方比較少見， 蛋白 煙煙靭靭啫喱狀，蛋黃是溏心的。十三少酸菜魚每次嚟酸菜魚都是超大盤， 魚湯帶著清香微辣， 順喉易入口， 魚肉保持質素都是 嫩滑的， 和其他分店不同，就是酸菜比較大棵。 這間的配料超多 萵筍 ，真的勁鍾意， 吸咗收湯底的 萵筍真的很好吃。紅糖糍粑每次來都會留肚吃紅糖糍粑， 外脆內軟的感覺真的很滋味， 配上黃豆粉香濃郁的黑糖漿， 就算幾飽都會想吃。

今次係第三次黎十三少食了因為唔見咗電話，所以得字咋🙇🏻‍♀️大家都支持下🥲🥲因為一直對佢哋嘅酸菜魚念念不忘又好想食佢哋嘅乾鍋😍黃埔地鐵站一出就到 非常方便當日都要等左一陣先有位入到去見到有好多PRC 都證明呢度嘅口味都好味同似係佢哋嘅家鄉味🤣佢哋一如既往有得單點同套餐諗咗一陣真係又想食乾鍋又想食酸菜魚 唔知點好最後都係揀左酸菜魚🤤🤤口水雞同埋皮蛋口水雞唔係好多乾辣椒令到你送唔到飯嗰隻，辣椒片都有…但係主要佢個汁冇充斥住辣椒 令你送飯食落都舒服啲🫶🏻雞件肥美嫩滑 配埋麻辣汁真係perfect😳😳椒麻皮蛋所用嘅皮蛋係黃金皮蛋🥚醬汁味道似三哥嘅尖椒皮蛋加咗滕椒油😋但略嫌佢嘅黃金皮蛋唔係好溏心只有部分有溏心餡😂整體味道同感覺都唔錯😬酸菜魚上枱之後 店員都再三介紹 可以先飲湯再食魚我哋食開當然先裝一碗湯慢慢飲啦🤤🤤魚片份量真係2個人都食唔晒 又滑又甜又冇骨 點樣做到💕💕💕最後前前後後飲左2大碗湯呀🤣

本來試隔離另一間酸菜魚，但睇完食評有d驚，所以轉黎十三少。餐廳環境唔錯，職員態度都okay,自助落單，上菜同事冇睇清楚，點左走肉乾偏四季豆上左隔離枱，好彩即刻換返，菊花蜜非常淡，9pm就要埋單，上埋甜品。研究左好耐，原來係真花生辣子雞軟骨分量十足，炸得夠乾身香脆，夾起見到肉面有味精乾偏四季豆(走肉)分量適中夠乾身，香蒜增加風味，每啖都食到面頭有d咸咸既小顆粒，可能都係味精酸菜魚(小)分量算大，應該是用鱸魚，魚片夠滑同入味，萵筍片都好多，唯酸菜有渣同太酸冇香味紅糖糍粑幾飽都食得落，呢度既黃豆粉會粗身少少，分量少d，食落外脆內煙韌，紅糖好香，非常唔錯

呢間酸菜魚成日經過都見到好多人食同買外賣，今次搵埋朋友一齊去食😋😋蒜泥青瓜🥒🥒 清新既青瓜好香蒜味仲完全唔辣，又夠爽脆，中間食得太辣仲可以用佢黎清下添，食到停唔到口十三少酸菜魚🐟🐟 黎食十三少一定要揀酸菜魚呀😍😍，佢個魚湯係每日新鮮熬製可以飲左先,叫咗小辣唔太辣，但食得出酸菜既香味同埋勁大陣麻既味道😚😚，魚片仲要勁多，仲有d 萵筍配料添乾煸四季豆🥗🥗又係叫左少辣，加左少少肉碎炒夠香夠入味😜🤪紅糖糍粑🍬🍬煙煙韌軔既紅糖糍粑我勁鐘意🥰🥰，佢地份量都唔少，食完好滿足📍 十三少 (紅磡)紅磡黃埔新村民泰街40號安華樓地下1F號舖

哩間出名食酸菜魚既餐廳好方便，地鐵出口一出就見到，晚晚經過都見幾多人食，所以搵左個星期五晚試試，果然好正！叫了椒麻皮蛋，賣相吸引，醬汁酸辣惹味，麻辣味滲透落皮蛋，香麻酸爽。主食叫了最馳名的十三少酸菜魚，果然名不虛傳，酸麻帶勁，辣同酸平衡得好好，魚肉鮮嫩爽滑，而且份量很多！湯底濃郁，不會過油，送飯一流！花雕醉雞，一上桌已經聞到陣陣酒香，食落雞件酒味香濃，啖啖肉，十分嫩滑，浸得很入味！最後叫了紅糖糍粑，糍粑十分煙韌，有嚼勁，配上紅糖甜甜的，超好食！

吃過那麼多間麻辣香鍋超級推薦十三少1.料多2.不會太油3.味道很好十三少的麻辣香鍋真的是我的好朋友每兩個星期都會點一次外賣香鍋裡的“肥腸”堪稱一絕口感乾爽.味道調的很好雖然還是有些辣油但是跟其他的香鍋比起來真的好多了而且他的味道很有層次我很怕吃到那種死辣的香鍋(會直接想全部倒掉)十三少的香鍋就不一樣了入口時你會感受到一推香料在嘴巴裡散開的感覺然後伴隨著微微的辣味和鹹味最後和食物的味倒在嘴巴裡散開真的............人間美味

黃埔分店十三少交通非常方便，就係地鐵站隔離。店內裝修整潔，店員有禮親切。川味口水雞：例牌份量都唔少，佈滿紅油芝麻，雞肉嫩滑，雞皮爽口，入口麻麻辣辣好滋味。椒麻皮蛋：擺碟和色澤好靚，蛋黃好似流心咁，食落唔太辣，香口又好食。十三少酸菜魚：我哋叫咗少辣，上枱時店員介紹先飲啖湯再食魚，有禮又細心。魚湯酸辣適中，酸酸辣辣打開胃口，魚肉大大件又冇骨，份量同鮮味十足。值得推介！紅糖糍粑：上甜品之前店員為我哋換新碟，讚！糍粑即叫即炸，上枱時熱辣辣。外脆內軟，點着香濃又唔太甜嘅黑糖漿超好食。十三少唔只餸菜好食，連甜品都唔錯。