影片
最近天气一早一晚温差大，今晚放工返到元朗感觉凉凉地想吃一点热锅，经过最多食肆选择的又新街，见到「十三少酸菜鱼」的招牌就有feel想食。餐厅楼底甚高，座位宽敞有卡位坐得舒服，同朋友/家人相聚最适合不过，也适合住附近的街坊两口子开饭。看看餐牌，他们有一个二人餐：前菜小吃+酸菜鱼/水煮鱼+一个小炒+两碗白饭都只系$338，+$28 仲有埋甜品tim! //椒麻皮蛋//摆盘靓靓一定要相机食先。皮蛋用上了透明溏心而不是黑色的皮蛋，赞！除了加上少少麻的辣汁之外，整个前菜的重点是在中间的辣蒜，加上辣蒜粒一起吃整个口感唔同晒，少少麻带点辣令食欲大增。//酸菜鱼//「十三少酸菜鱼」鱼每日新鲜屠宰，汤底是纯鱼汤，每天早上熬制 3小时，加上四川来的香料和辣椒，配上老坛酸菜，味道集麻、辣、香、酸于一身。影相之后，先喝一口汤，有鱼的清甜，加上少少麻再带点酸，汤底加了好多酸菜，非常之香又开胃。配菜仲有菇菌都是吸汁嘅食材，而且十分惹味。鱼片每一块都厚肉不散开，肉质鲜嫩而不会食到鱼骨，害怕食到鱼骨的我表示赞赏！//干煸四季豆//送饭一流，炒得够开有镬气，少少辣好惹味，食到停唔到口，正！//红糖糍粑 +$28//外层炸至金黄酥脆，食落口感外脆内软，入面口感好似食紧年糕咁，点上了甜甜的糖桨，中和了食完酸菜鱼后的微辣口感。
继续阅读
第二次黎，上一次黎架个阵系佢啱啱开张个阵，事隔年几两年后再黎，当见到盘野上黎个阵，我以为我睇错份量少到咁，五个𩠌都成三百蚊，对比起嫲嫲辣辣同附近十二少，完全唔抵食，味道同十二味、嫲嫲辣辣差唔多，但系性价比好低，应该冇下次
继续阅读
🌟#元朗分店🌟元朗#数一数二的酸菜鱼店钟意食酸菜鱼嘅我 大概每个月都要食一次酸菜鱼今次去到元朗 就试吓呢间十三少不过真系有啲失望 尤其系最出名嘅酸菜鱼两个人去食 因为唔想食饭 所以存叫二人餐🌼蒜泥青瓜-青瓜爽脆 爆多蒜 正常发挥🌼炸馒头-馒头炸得好松软-点埋炼奶 劲邪恶🌼川式口水鸡-鸡件份量好多 鸡肉冇雪味-川味浓郁 但系原来仲落咗沙姜鸡酱 所以去到最后几件 鸡变得好咸的🌼十三少酸菜鱼- 好大盆 鱼嘅份量好多 又好滑-但系味道令人失望 唔似其他人讲嘅咁好食-酸菜冇酸味 又太长冇剪开过 似雪菜多过酸菜🥲-酸味好似来自醋味-呢盆酸菜鱼嘅酸味同辣味完全唔夹🌼桂花糕-淡淡桂花味几香！❣️呢间应该唔会encore 啦🙃
继续阅读
元朗又新街有间几靓既川菜小店叫十三少，佢楼底好高，装修都摩登，入到去一啲焗促感觉都冇，两个人仲可以坐卡位，坐得好宽敞舒服！店员招呼十分好，成日过黎加水😁我地今晚叫左个二人酸菜鱼餐（$388），都十分之抵食，要推介俾大家！前茶十分有趣，好似啲wasabi豆味道的爆米，几好味。🔸️蒜泥青瓜 （8.8／10）都几大碟，唔算好浓味，清清地既蒜味，但青瓜好脆身，好开胃。🔸️酸菜鱼 （9.5／10）超。级。大。碟！！成两个面盆咁大，超夸张！啲鱼超级滑，一啲骨都冇！啲酸味麻味好balanced! 仲有好多菇同莴笋配料，好正好好味！暂时食过最好味既酸菜鱼！😋🔸️十三少蒜香蟹饭（9／10）用荷叶包住黎蒸😍，有淡淡荷叶清香味+蒜味蟹香味😋饭粒粒分明，好好味！🔸️红糖糍粑 （9.2／10）完美作结既甜品，好少食呢款红糖糍粑。卖相吸引，容易share，每件烟靭既糍粑上面都有黄豆粉，点埋红糖酱有多重口感同层次，好味之余食落都有甜蜜感觉！啱哂情人家人黎食！✏️总括而言，坐得舒服又性价比高既酸菜鱼！我会再encore去食！😁
继续阅读
滋味2人套餐 $338凉菜 (3选1）椒麻皮蛋/凉拌士豆丝/蒜泥青瓜呢间嘅椒麻皮蛋系橙色，满满辣椒油嘅颜色，但食落去辣度适中，同埋个口真系有麻麻哋嘅感觉，送饭一流。主菜（2选1)十三少酸菜鱼/水煮鱼拣咗酸菜鱼，成个洗面盘咁大，个汤酸度同辣度都适中，鱼都嫩滑，莴苣爽脆，菇片入味。小菜（2选1）干煸四季豆/麻婆豆腐拣咗干煸四季豆，好惹味，食到停唔到口。红糖糍粑+$28糍粑系用糯米粉整成，再炸到表皮金黄色，外面香脆，咬落去软糯烟韧。红糖嘅原料系甘蔗，除咗甜度高，甜入心之外，据说仲有滋补嘅作用。配送白饭2碗及脆黄豆。餐厅楼底高座位舒适，墙身嘅装饰都几有特色。
继续阅读