十三姨 (白加士街)

营业中

休息中

約左個朋友去行街街路經佐敦唔知食咩好，行行下見到呢間十三姨果時差不多1點，可能仲早啦冇咩人等位，入到去坐低服務員好有禮。Order 左個上等牛肉陽春麵(轉粉絲), 餐飲凍柚子蜜。仲有話係免費嘅蝦片。牛肉同粉絲份量都夠多，加埋有幾條腸粉感覺有D特別。 先試一口湯，湯底略為有點咸，牛肉唔夠嫩滑， 同佢個名上等牛肉麵果個"上等"字眼有少少出入，加上牛肉過熟感覺有少少鞋口。粉絲都係好普通。唯一不錯係佢個辣椒醬夠特別，佢係用一D青辣椒黎做，唔係周圍都食到。另外lunch都要加一......我覺得有D奇怪，可能就係佢個碗免費蝦片掛.......

十三姨一共有兩間分店，一間在佐敦一間在旺角，不過由於疫情關係兩間分店會不定期停業所以大家記得留意社交平台的公佈，不然就像我當天跑了兩間才吃到。店內食物水準性價比都很高，仲有餐前蝦片小食，超級少見！不過店員服務就十分香港style，全程靜音做事，大家抱著只享受美食心態即可👌🏻———————————————老闆娘鵝肝煎蛋飯 $120相信大家都是被滿滿的鵝肝飯吸引，一個飯有三件鵝肝、加上半熟煎蛋🍳炸香蒜、大量香蔥、京蔥，以及自家制辣菜脯，不吃蔥的人就記得提前與店員與講聲。鵝肝煎蛋恰當好處，拌上半熟雞蛋汁辣菜脯，再加上秘制豉油，令到鵝肝的油香更加能帶出來，而且菜脯先鵝肝沒那麼油膩，一啖飯一啖鵝肝，非常下飯！！鵝肝蒜容多士$72當日兩個人食咗5件鵝肝非常滿足！鵝肝蒜蓉多士，意外地與蒜香味非常夾，而且價錢合理，水準高必點！吉列炸蠔（兩件）$18作為套餐小食，吉列炸蠔的炸衣非常香脆，而且沒有出現炸衣分離情況，炸蠔不會太乾，仍保留鮮味，推薦👍🏻————————————————環境：👅👅👅👅食物：👅👅👅👅👅性價：👅👅👅👅👅服務：👅👅

聽人講就聽得多, 十三姨呢間鋪都係我第一次食。行過見到冇咩人等位又咁岩食飯時間, 於是走入去試一試佢先。叫左個大三元, 連飲品$70, 其實食一個普通lunch黎講呢個價錢真心唔算平仲要有加一收費不過一坐低服務員就放低左一碗蝦片,張張枱都有, 蝦片咬落夠脆口, 唔淋飯黎到, 服務員好細心地叫我可以試下佢地嘅特製豉油, 加埋落D飯食會好食D飯面有炸過嘅蒜粒同蔥花, 加上少少特製豉油,及雞絲食落有驚喜,記得係要所有野一齊食, 係最佳配搭但美中不足嘅係.....雞卷, 雞卷味道太淡, 食落冇咩味最後飲左杯凍檸檬柚子蜜作完結, 

十三姨出名好食，琴日終於有機會同同事LUNCH食到！依到嘅牛肋條煮得夠腍，加埋湯底夠香夠濃唔會淡而無味而且唔止得一兩舊咁少，一啲都唔姑寒，抵讚！有大量芽菜，加埋剛剛好嘅溏心蛋係一個非常好嘅LUNCH選擇！加埋熱菊花蜜同加一大概$70，雖然未必有位不過好食嘅餐廳，要等是常識吧！同事話必食佢地嘅辣椒醬，見佢地落極都唔夠咁，唔怕辣嘅朋友記住食多啲喇！

中午時分，途經佐敦，成條街都係食店，當見到“十三姨”呢個名幾特別，真係忍唔住要入去試試。第一次去既食店，睇餐牌就選擇招牌菜或推介，點都唔會差得去邊既，如果真係連招牌菜都唔掂，呢間食店以後都唔使幫襯。枱上面有兩款豉油，一款薄身淡色啲既，用黎食飯，唔太咸，不過無乜驚喜。另一款用嚟食麵的，好甜下，有少少似海南雞飯嗰啲甜豉油。值得一提，十三姨辣椒醬，青綠色既，真係好辣，唔食得辣既就唔好試了。十三飛，大家去到必試，我將麵改為翠玉瓜麵，試下乜野口感，入口爽脆，都幾清新既味道，湯底不錯，唔會死咸，但保持清湯味，牛肉質素都不錯，夠冧身。另一招牌菜就係，老闆娘鵝肝煎蛋飯，呢個真係必食，性價比奇高，竟有三塊鵝肝，外脆內軟入口即溶。見到有相片介紹， 椒鹽白飯魚，但又強調係素食，好奇心態下，叫黎試試，食左幾啖，都係唔知係乜野材料做的，問姐姐是什麼，原來是椰青肉，真係好驚喜，完全諗唔到，但食落既口感同真的白飯魚好相似，果然有諗頭。仲要有多款免費飲料供應，呢個價錢，值！抵！

其實幫襯開堂食，覺得係好好食，所以今日晚黑就去買外賣。叫左一個雞叉燒跟翠玉瓜拼四蔬，一個十三飛。唔知點解十三飛分左湯，但我個翠玉瓜四蔬全部浸_曬係d湯度。個半熟蛋已經浸到全熟，雞叉燒浸到老曬兼且分埋體，舊檸檬成舊浸住變左檸檬湯⋯⋯我可以理解翠玉瓜麵要浸湯，之但係點解你啲餸唔可以分開裝？外賣包裝費都係一樣咁收，另一兜可以分開d粉，點解呢一兜唔可以分開d餸？唔通堂食你會將d餸轟曬落碗湯上比個客食？我真係唔知講乜好，大家下次如果叫外賣轉翠玉瓜麵，記得提佢分湯，如果唔係，你就會收到一兜你自己都唔知叫乜9嘅嘢。

（寫食評 主要因為要反映俾店家知鵝肝真係唔熟。。好像有見食評 說過唔熟 親身經歷咗。）為咗食鵝肝飯 特登由新界搭車出佐敦食～入去叫個$120鵝肝飯加凍奶茶，立即收走咗餐牌，唯有上openrice睇番仲有咩小食。。後加$18炸蠔。上菜好快 座位尚算不錯。上鵝肝飯 好靚 仲有支撈飯特製豉油，三塊煎得好靚鵝肝 有葱有脆脆有啲好似辣菜餔之類既配菜。先試鵝肝 好味，試蛋 好香，撈埋呢啲配菜更好味。炸蠔到，食到中間…都幾唔熟下…炸得 未必係鮮到可以生食卦… 睇相食到第三塊鵝肝 中間紅到….真係唔敢食…鵝助好貴 食少一忽仔其實都蝕咗….但唔敢博 實在好生… 唯有咬咬塊煎香既皮 同比較外圍 中心無食…唔想中咩菌同蟲… 其實真心驚 有啲覺得搵命博…店家請train好廚師有技巧處理不同厚度的鵝肝 內臟不熟 可以好大劑。 真心好味道，個飯有心思 配菜豉油加零一更好味，但未熟透真心驚。奶茶細細樽估唔到。鵝肝飯真心好味 可以再食 但我會額外要求煎熟啲…..

🦆老闆娘鵝肝煎蛋撈飯 ($120)鵝肝份量夠又唔會太多 而且煎得好香😚有埋一隻太陽蛋 XO醬同埋秘制豉油跟飯食真係一流 🤤好味就係咁簡單👍🏻🀄️十三飛 ($74)安格斯牛肩胛同牛肋條超入味超好食 轉作翠玉瓜麵底係昇華😚 首先份量超多 super keto friendly and yummy!! 因為吸收所有油😂 但係好satisfying derroverall 第一次食 真係好有驚喜😍同係IG見到既好評一樣咁正!!! 價錢又划算 食物真係好食係comfort food😋 仲有大把特色飲品 小食未試過啊啊啊啊啊🤤 一定有得翻黎再食過其他招牌菜👍🏻[ 評分 ] 😋味道: 👍🏻👍🏻👍🏻👍🏻👍🏻🤩賣相: 👍🏻👍🏻👍🏻👍🏻👍🏻🌝環境: 👍🏻👍🏻👍🏻💰價錢: 👍🏻👍🏻👍🏻👍🏻🙈服務: 👍🏻👍🏻👍🏻🗣回頭率: 👍🏻👍🏻👍🏻👍🏻👍🏻📍 十三姨 (白加士街) (佐敦)佐敦白加士街42-50號金寶樓地下6號舖~~~~~~~~~~

結論: 多款選擇任君選擇 食物質素一般中午食lunch，一坐低就有餐前小食炸蝦片，脆口得黎一啲油益味都冇而且有少少蝦味，抵讚！主食嘅部份叫左碗十三飛麵底轉左陽春麵，入面嘅餸有牛肩胛、牛筋、半隻溏心蛋、三條類似陳村粉嘅野、芽菜同埋少少炸蒜做toppings。啲肉嘅味道就普通冇乜特別不過肥瘦適中嘅，麵都唔會話太淋，但個湯頭就略嫌油左啲同鹹左啲，食到中間就已經覺得有啲漏同口乾，好彩個set入面包一杯野飲！overall 唔算好抵食，但另一個值得讚嘅位係佢有好多選擇，麵底可以轉米粉拼粉絲、蔬菜底等等，適合生酮飲食或者其他飲食習慣嘅人。

有朋友黎陪食Lunch，近近地去十三姨食～大三元$70(炙燒手絲雞拌雞油飯、炙燒雞叉燒、溏心蛋)手絲雞同大量蔥撈埋一齊食幾香幾爽😂雞油飯都唔算好油～雞叉燒同之前食嘅一樣，燒得好好👍🏼溏心蛋正正常常～老闆娘鵝肝煎蛋撈飯$120呢碗一夜夫妻飯賣相普通😂鵝肝味道係幾好，但食多兩啖就好膩啦！蜂蜜蘋果茶呢個我幾鍾意飲，每次都覺得一杯唔夠喉😅順帶一提，係度食野坐底後會有蝦片提供，好食😋

早排天氣咁凍最岩食熱辣辣嘅湯麵🔥暖笠笠～每次經開旺角分店都見排滿人🥲一直搵唔到機會試直至早排係佐敦發現有分店，即刻狗衝🐶♡ 十三飛 (西安格斯牛肩胛，牛肋條，粉絲拼米粉) $74安格斯係薄切，但牛味好濃～而牛肋條都炆得好軟焾🥰湯底好濃郁，牛肉精華完全溶入湯底🤤粉絲拼米粉岩哂選擇困難症嘅我🤣當中嘅粉麵、椰菜絲、芽菜索哂啲湯，夾埋啲肉一齊食好滿足～入面仲有腸粉又幾滑，溏心蛋煮得剛好，一咬會溜哂啲黃出黎😛♡ 嚦咕嚦咕 (玫瑰雞鎚，雞叉燒，溏心蛋，粉絲拼米粉) $72雞湯底清甜，明顯無十三飛咁濃～而玫瑰雞鎚炸得都幾香脆🤤隱約食到淡淡玫露酒香同孜然粉嘅味道，但就好細舊，得好少肉😢雞叉燒係卷埋雞皮入去，幾特別而且都入味🤩

不嬲對鵝肝既印象都算貴價平時飯西餐嗌既話都吾平 而且好細塊🥺自從知道十三姨有呢個鵝肝飯之後成日都排隊去食依家疫情之下就直情可以直接入去 唔洗等😜一碗多數有3塊鵝肝 煎到微焦剛剛好加埋佢哋秘製既醬汁同配料 撈埋蛋汁 無諗過可以咁好食😝另外個西多雞翼都係我必嗌單邊骨方便食 肉質實淨😍出面蜜糖好惹味推介推介👍🏻👍🏻魷魚鬚嘅份量比較少 我比較鍾意雞翼多啲而且仲有包一杯飲品普通飲品就算凍飲都唔洗加錢除非嗌特飲我就中意飲蜂蜜蘋果茶🐝🍎因為好解渴 同埋唔算好甜

呢一間餐廳嘅湯麵真係非常頂級，我自己今次就叫咗呢一個13飛！非常足料嘅配菜，有安格斯牛肩同埋牛肋條！而且呢度嘅肉質好林，仲要有好香嘅牛肉味道！湯底就非常之濃郁，飲落口嘅時候一啲都唔會覺得好鹹！

繼續分享2021的聖誕餐，之前分享過跟男友吃了一個「佛系聖誕🎄大餐」，玩樂一輪後走到佐敦，來到我倆都想吃一家頗有名氣🔥的港式fusion餐廳吃一頓簡單的聖誕晚餐老闆娘鵝肝煎蛋撈飯  $120 這次來的目的就是為了這個🌟signature food！之前外賣過一次回家🏡吃已經覺得很好吃，這次來到當然要試新鮮熱辣的～ 果然吃一份即製撈飯才是最好吃😋！煎得甘香的鵝肝片和半熟太陽蛋🍳，還有伴隨的香蔥、炸蒜🧄跟自家製XO醬，實而不華的賣相已經相當好吸引👍🏻鵝肝外層煎微脆，內裡軟滑，入口即溶，油脂味十足，雖然只有三大塊不過無論厚度跟size不少，😈 邪惡到極點，建議先撥開餸菜試一口飯，會吃到滲透到🍚白飯粒的鵝油香，不得了！再來就要刺穿流心的太陽蛋🥚，再拌勻所有醬料一起吃，喜歡💕的話可以自行加入店家的秘製豉油，味道會有不同的變法亦因此更被提昇📈，不過因為XO醬偏辣，怕辣🥵的朋友要小心；而男友就會覺得醬料有點畫蛇🐍添足，因為不加醬料單靠鵝肝煎香後被逼出來的鵝肝油拌飯已經夠香夠好吃😌整碗份量挺多的，加上食材比較油容易感到膩口，有需要時兩人一同分享會比較好😆上等牛肉陽春麵 $72點了一款重口味之選，另一款

呢間十三姨，我係新蒲崗mikki見過，門面幾吸引，但個次時間太趕又要排隊，冇機會幫襯。呢次難得約左朋友係佐敦。點都要黎佢佐敦分店幫襯。一入去，就俾坐係門口個位食客杯類似咖啡吸引住。 一坐低第一時間問服務生個杯叫乜名。 原來係400次岩鹽咖啡，第一時間先order. 之後問服務員十三姨最多人叫係邊個餐。佢就介紹左「十三飛」。咁我當然信佢啦。 再加配一個炸生蠔同埋另外一個加配小食。 我朋友就叫左個「黯然雞叉燒飯」。 我個碗十三飛係配米粉，湯底好味，杯咖啡冇得頂。小食就一般啦。服務員態度好好。 價錢都唔平，但環境好台灣feel, 可以再幫襯😄