影片
今日清手机相簿时见到呢间以前成日食果间小店💚开心果格仔饼嘅相，于是心血来潮上黎OpenRice想睇下佢有冇重出江湖🙈 其实我平时冇打卡习惯，但第一次食到一半觉得太好味了，所以先影相低佢毒下d fds，唔知佢地有冇比我毒到，但我就中哂毒成日食，咁就过左3年，而我仲未遇到一间整开心果格仔饼整得好味过四眼妹嘅小店⋯其实佢嘅烧卖都好好食，个酱汁油左啲但真系好惹味，咁有heart嘅小店冇左真心好可惜，但庆幸佢曾经存在过🫶🏻
继续阅读
格仔饼- 饼底、馅料有多味选择- 饼底蛋浆香甜，非坊间水沟面粉可比- 馅料由外国入口，风味独特，份量超大，保证酱爆🍲足料特辣咖喱面筋- 嗜辣者必试，怕辣者慎入- 秘制咖喱，有红青辣椒碎，辣得过瘾又有咬口- 每碗8大件，质素稳定- 图6老板娘Winnie 入镜 XD 🍢🍡 招牌咖喱鱼蛋- 上述咖喱汁配弹牙鱼蛋，多料潮式辣椒酱小店于2019年开业，本身热爱街头小食的店主Winnie由打工一族半途出家，毅然开店；出品件件足料大件抵食。可惜最近半年先由朋友介绍之下帮衬，相逢恨晚（泪）
继续阅读
开心果格仔饼🥳呢间铺头会有啲难揾，位置非常隐蔽，在内街，大家要同一个识揾路的朋友先好去😂😂抹茶格仔饼+开心果酱本人系nuts控，见到大家推呢间嘅开心果格仔饼，所以决定去试下。非常足料，见到有非常多嘅开心果酱，但系成件事都几甜下，你要预咗系甜，要拎定支水😂抹茶饼皮冇咩味，被开心果酱的味掩盖咗，食唔到抹茶味。原味格仔饼+朱古力馅如果唔想帮衬妈咪鸡蛋仔，可以试下呢间。每粒都有朱古力酱，食落好幸福。不过又系甜😂😂最最最重要系，不论格仔饼定鸡蛋仔，都系脆架🤤而且系即叫即整。
继续阅读
呢间小食店位置好隐蔽，系炮台山一个唔系好起眼嘅内街，但系见之前烧卖关注组话个烧卖唔错，佢嘅招牌开心果酱格仔饼又有好多人推介，呢日都嚟试下买返屋企食。呢度仲有好多味道嘅鸡蛋仔、捞面、肠粉等小食，仲有酸辣粉，选择好多，去到嘅时候真系几眼花缭乱。原味格仔饼+开心果酱开心果酱要另外加钱，但系一定系必叫，虽然拎返屋企已经唔系新鲜热辣脆卜卜，不过格仔饼够晒厚，咬落好有口感，开心果酱有好多，多到漏出嚟，质感杰身，味道好香，仲有少许开心果粒系入面，果然系招牌。烧卖烧卖一定要叫辣，呢度嘅辣酱唔系平时普通嘅豉油辣油，而系麻辣汁，咸度刚好嘅豉油加埋夹杂好多辣椒同香料碎嘅麻辣汁，麻香十足，辣度啱啱好唔会太辣太呛，好惹味，烧卖都几弹牙，系可以encore嘅烧卖。人均消费：$40推介指数（10分为满分）：8.5分
继续阅读
有边个同我一样都咁钟意食格仔饼🧇🙋🏻♀️话说嚟开北角，朋友就想试下呢间小食店，因为喺网上面见到好多人都大赞佢嘅开心果酱格仔饼($29)。除咗格仔饼之外，佢都仲有好多其他小食，好似鱼蛋烧卖呀肠粉面食等，连猪手都有。所有order即叫即制，我地等咗大概10分钟左右。格仔饼都几厚身，食落外脆内软，仲有淡淡蛋香。开心果酱唔算好浓味，我地就觉得有啲太甜。个人嚟讲我就觉得还好，如果去开北角可以试下嘅～
继续阅读