影片
前日(3-9-2021 Fri)攞疫苗假,朝早就出去同要返工嘅老公食早餐,谂唔到去边间食,就嚟呢间啦.去到有位,因为过咗早餐繁忙时间嘛,我哋要咗:1. $40.00嘅M2餐,要热柠水呢个餐有猪柳汉堡拼3.6牛乳炒蛋及鸡肉肠配迷你牛角酥嚟到,睇见3.6牛乳炒蛋已经冇乜mood.猪柳汉堡味道口感正常冇问题;淡黄色嘅3.6牛乳炒蛋全熟冇蛋汁,要蘸茄酱食;鸡肉肠味道怪怪地,唔系厨师牌鸡肉肠,唯一就系唔会好咸; 97满心期待嘅迷你牛角酥.一咬落去,竟然系韧,有冇搅错?从未食过咁差嘅牛角酥,佢嘅牛油味系好浓,但呢个口感真系接受唔到.味道: 1.13 分柠水嘅柠檬涩.味道: 2 分2. $38.00嘅A6餐老公要厚切午餐肉(半片),鸡肉肠出前一丁,加$4.00要特浓番茄(肉碎)汤,再加$3.00要冻柠水走甜.我只系佢半件厚切午餐肉(半片),味道好似冇乜.我只想讲,睇见佢加$4.00嘅特浓番茄(肉碎)汤,只系番茄汤加pat茄蓉,见唔到(肉碎),而睇见张单,好鬼马地只写特浓番茄汤,走肉碎?呢篇食评味道分唔计老公嘅.好奇点解呢间咁差嘅餐厅重可以喺喥,上嚟睇吓,原来已执剩两间,重要储咗好多劣评.上次食评系2019年12月29日刊登嘅呢篇: https://www.openrice.com/zh/hongkong/review/%E5%8F%AA%E6%AF%94%E8%8C%B6%E9%A4%90%E5%BB%B3%E5%A5%BD%E5%B0%91%E5%B0%91-e3628024.上次都叩叫做好过茶餐厅少少,今次就更差.
继续阅读
今日午市时间黎到,好彩唔算太晏仲有位,可以即时入座职员服务殷勤 有礼,姨姨主动带位要出去落单,快餐店形式,之后拎牌仔返位等上菜速度唔算太耐,可以接受送餐妹妹有笑容,有礼惹味叉烧流心太阳蛋捞丁叉烧多汁，太阳蛋煎得岩岩好，芝士汁加麻油捞丁超惹味薯条价钱、份量、味道、口感不过不失热柠水、冻利宾纳柠水柠檬份量正常，利宾纳浓度一般，再浓啲会仲好味整体唔错,美中不足系餐厅无玻璃,外面ge噪音会传晒入黎,咁岩我黎个时有一班小朋友同家长系外面,所以要系个比较噪吵ge地方食野
继续阅读
咪以为佢系黄就食食都要食啲有质素呢啲连锁又做到咁贱吾会再有下次黎食太过份啦 收人42蚊 俾啲咁既人食？全份早食有纸鸡扒冻既牛角包 同埋一份炒蛋餐具要人自己拎架 服务超绝！
继续阅读
无上Openrice check，赶时间直接入咗呢间！当你以为应该唔错既时候，原来你错晒喇！加$8由牛角酥转花生酱多士，已经唔系平，食过早餐都成$44～味道尚可既话，呢个价钱都接受到。但～唔！系！啰！估唔到肠仔都咁难食，有阵形容唔到既怪味，滑蛋原来可以实过座阿尔卑斯山；若然大家想试下中伏既话就入去试试。如果要比返相等价钱，咁我去返大X乐大X快都好过佢。极少留评价，但呢间真系又贵又难食。真系无下次～～
继续阅读
系荃湾地铁站附近寻觅午餐，系绿杨揾到呢间装潢简单，又具有北海道之名嘅餐厅一试。但系整体就好平平无奇，用黎速食价钱都唔算话好抵～《日式咖哩汉堡扒3.6牛乳炒蛋饭》💰$68一上枱个卖相已经同餐单吸引度唔太相乎啦😂，味道方面，咖哩唔甜唔辣，汉堡扒厚身，炒蛋都尚算滑的，饭就不过不失，并唔系日式珍珠米嘅口感。谂住午餐对自己好少少，加购埋块热香饼做下甜品啦。热香饼有配牛油同花生酱，不过块热香饼又冻又干🤨。就算唔系即叫即制，系咪都应该整返温少少比客人呢? 👀当作速食午餐黎讲的话，价钱同食物质素都已经不乎合。食物嘅卖相同温度都好睇得出餐厅嘅「用心程度」啦👋🏻环境：⭐⭐⭐味道：⭐⭐打卡：⭐服务：⭐⭐⭐回头率：⭐
继续阅读