北海道牧場餐廳 (已結業)

5月2日假期，在上環區搵下午茶食，去左北海道牧羊餐廳。其實我見餐牌上大半既食物同北海道同牧羊係無關係，早後我同朋友叫左個下午茶餐。朋友既係牛肉意粉，我既係辣肉通粉，兩個既湯上面都有類似溶左既牛油咁，唔知係牛油定旦黃，賣相好難看，唔知係咪未攪拌好咁。所謂辣肉其實只係五香肉丁。意粉同通粉都過熟，太林，最後我地都只係食左個五香肉丁，同埋食哂個多士同火腿，因為呢幾樣都唔需要太多烹調。凍咖啡又係好差，無咖啡味而且超甜。好後悔黎浪費左金錢同時間。…查看更多

之前在中環食過這店的另一分店，質素越來越差，後期已沒有再去了，到上環這邊見到有另一分店，更兼看到他們說推出港式早餐，姑且試試在這間分店吃個早餐，就點個火腿蛋麵跟咖啡，原來所謂港式就是連他們以前的濃雞湯改為出前一丁湯粉湯底，所以湯底就無謂提了，即是連雞湯底都慳埋，太陽蛋算是煎得有靈魂，入口嫩滑，但片火腿就薄如蟬衣，入口味道清淡，肉質有點削，而個麵就似乎未夠火喉，十分硬身兼且份量不像有足一個麵，最後這杯咖啡就不算太差，但也只是一般，有咖啡味，但不夠濃香，口感也不滑，總括來說，這早餐也未算合格。…查看更多

12點前仲有早餐, 同同事一齊嘆番個靚早餐先~新裝修左...坐得更多人...但感覺好迫...以前29蚊ge早餐...變左33蚊多士一樣咁厚..表層烘得夠香脆...包身都夠鬆軟...依然值得食~滑蛋...就感覺好似細舊左...不過勝在炒得夠香滑...呢度d炒蛋真係冇得輸...一切落去會有蛋漿流出黎炒得好香, 好juicy, 但個面明明已經係熟左ge蛋皮黎...食落好有層次...讚!!!但個火腿通粉就差左好多啦...以前明明係好濃ge金寶湯底...而家唔知係轉左第2隻定係溝得太淡....個湯完全冇味-.- 要自己落埋佢支出前一丁麻油先叫好少少...比起以前...加左$4 ,, 雖然服務有好左少少...但通粉同環境令人有d失望...  …查看更多

其實聽過呢既餐廳個名好耐架啦, 但係一直都未試過, 今日晏就決定去try try佢!同同事去到坐低叫左一人一個餐, 食物款式都離不開炒蛋, 多士加通粉!叉燒通粉餐通粉有d硬, 好似未煮夠, 湯太少, 通粉好乾!!!叉燒就正常味道啦, 有3塊, 都夠食既!加左錢轉奶醬多, 好多花生醬同奶, 不過塊多士唔夠脆! 炒蛋係滑既, 不過火腿好乾!!!叫左熱飲, 不過用細細隻紙杯裝, d刀叉又好似洗得唔係太乾淨, 感覺唔太良好!!!總括黎講, 佢係算貴價少少既中式常餐, 食物份量都大既, 不過上環呢間既食物質素就真係一般啦! 唔知其他分店會唔會好少少呢?!…查看更多

難得唔使番工去上堂~ 走左出來食個BRUNCH自中環果間汁左之後, 一直好恨食北海道, 今次有機會LU!~去到11點, 仲係早餐價, $29 +$5 凍飲, 抵呀!凍華田, 有D華田粉係面, 飲落有D粒粒咬下, 好正, 次次來都會叫呢樣通心粉唔夠SALTY...太淡口了今日無得加幾蚊轉WAFFLE太可惜啦,不過佢個炒蛋依然咁正, 夠晒滑, 多蛋汁, MY FAVOURITE 啊~~~~~~~~…查看更多

Hokkaido Dairy Farm Restaurant, 3.6 Hokkaido milk for all FOOD!you may think that milk is only suitable for dessert and ice-cream but after trying out this restaurant, you will fing that Milk is also very good for other dishes!dinner set is very nice, $56 and you have toast, fried egg, ham, BBQ pork macaroni and green tea cheese cake (can't imagine it is so cheap and worth it!)scrambled egg is one of the famous dish, people come to this restaurant just to enjoy breakfast and taste this scrambledegg, can't imagine I will have this for dinner.scrambled egg is very nice, smooth like silk with great balance of egg and milk. 3.6 milk is the key of success, milky and rich in flavor, it upgraded the taste of scramble egg, even without adding a pitch of salt, the egg is already taste very well.BBQ pork in macaroni is one of the common dish in local HK restaurant, but this dairy farm restaurant just change it from ordinary.the soup looks milky and this is because the addition of 3.6 milk, every spond of macaroni, you can taste the milk and t reminds me of my childhood breakfast, so warming and family like. (BBQ pork is normal, as expected, restaurant didn't roast their own pork but I think it is accpetable as it is impossible for small restaurant to raost it b themself.) but still it is okay and nice.Green tea cheese cake is abit disappointed. although it is cheesy and smooth, rich in milk flavor but I think the Green tea taste is slightly too pale. it looks green but not so rich in green tea taste.overall: $56 is very cheap as you can have a bowl of macaroni, scrambled egg and even more, a green tea cheese cake and a cup of drink!!!nice try and I will eat again fro sure. like the 3.6 Hokkaido milk…查看更多

試過一次，覺得五好味，但聼講有新餐牌，所以就去多次。今次我都係點左蛋治... 我實在太喜歡蛋了！可惜....一次比一次差....1. 蛋太熟2. 我點左焊低，點知出上菜時發現距無幫我焊到.....3. 焊返比我，但焊左少少，一d多五脆....等於無焊過...4. 服務態度認真一般5. 個碟太細...總括而言，失望…查看更多

清明節翌日，打算去南丫島之前，到瑞記一躺，怎知道又摸門釘，很多店也休息！經過北海道牧場餐廳，唯有頂住先……和朋友坐在面對路邊既高檯，先看看有乜吃，之前食過厚蛋治和早餐，都可以的。今天就試試飯先, 叫左煎蛋免治牛肉飯和涷牛乳綠茶，友人就叫常餐！個飯冇乜特別，一隻太陽蛋，免治牛肉普通野，好少……只是多左幾塊脆片，不懂欣賞:(而杯涷飲都幾濃綠茶味，不會過甜，有cream on top, 牛乳味亦甚濃。友人既常餐有叉燒通，湯底有濃濃牛乳味，叉燒又不肥，蛋有蛋汁，炒得不老，好滑，而多士微暖鬆脆，有塗上牛油，香噴噴，火腿正常。整體不差既，但是冇下次………查看更多

食團購是現代香港人的文化了，團購平又抵食，做得好日後會幫襯，我參與其中也不少日子^^好的食過不少，但這間卻失望了，第一次食(不是團購)是可以的，但是今次晚餐就差得遠了，晚餐沙律的蔬菜不新鮮，菜邊已經起銹了，青芥茉炒蛋是可以讚一讚的，滑嫰口味清新👍至於主菜，本來想要薄餅餐，但是晚不做(其實薄餅餐是好多時也沒有的 :( 上次也是沒有 )話說回來番茄湯烏冬有點像茄汁烏冬多點，烏冬有咬囗，ok，义燒也過得去，只是和茄汁不太配合，如果可以還是有清湯選擇好一點^^咖哩飯餐，咖哩牛肉味道可以說好而且惹味，牛肉煮得入味👍 ；但飯唔得就變得唔好了，其實白飯也是有要求不可以求其的，一個白飯不夠熱仲有D似冷飯和濕濕地，胃口立時改變，因為無論你的咖哩如何好味，但總不可以剩食咖哩，味道太重是不適合單食咖哩呢 整體而言，不會再來了!…查看更多

34元一個早餐, 滑蛋唔滑, 餐肉凍冰冰, 焗豆同樣凍冰冰, 附送硬到吃唔落口的麵包, 咖啡無奶味無咖啡味, 整體質素非常差和失望, 去茶餐廳總化算, 幸好員工態度好補番, 否則人財兩失, 一早morning luck都無埋, 真是咪旨意以後幫襯!…查看更多

成日聼人講話呢到d 3寸蛋治好正，今日就早d 出門口去到上環買返公司食。$32 ：3寸蛋治，走牛油，無toast (要加2元) + 熱奶茶為左好味d同慳錢, 我就返公司先toast塊麵包。所謂3寸其實係塊包2寸，塊蛋1寸（對於好中意食蛋o既我有d失望）期待以久toast 完就食lu~~~其實就無咩特別；蛋無咩牛乳味…..連蛋味都五重….好就好在炒蛋五係太油包其實就係普通白麵包….整體黎講：無咩特別，而店員服務態度亦五係太好….…查看更多

慶祝新店開張 所以全線分店1830後全單半價 見咁抵就特登去食今次叫左個免治牛肉飯 同蕃茄雞翼蛋烏冬 見半價加多左份窩夫先講免治牛肉飯 肉味唔係太濃 淡淡地咁 不過啲汁都正嘅 配埋粟米片個感覺唔似食緊頹飯咁 不過份量就細啲 大食嘅人就要叫多其他野食蕃茄雞翼蛋烏冬都幾好食 雞翼係全翼上 仲有平時食常餐嘅炒蛋 蛋就幾正 幾滑 真係用左北海道牛乳緊 蕃茄湯底又唔會話太濃或太淡 適中仲有個窩夫 真係幾好食 茶埋花生醬真係幾好食 好香 因為半價所以加6蚊就有 抵過平時小食店另外野飲就叫左最出名嘅凍華田 佢嘅華田唔似茶餐廳個啲沖到咁淡 係飲到重同濃嘅華田 黎到杯野面頭有華田粉 以為自己飲緊華田沙冰 ha整體間野唔錯嘅 係幾好食 不過係半價先抵 平時60幾蚊一個飯就唔係個個接受到 不過得閒食下都唔錯…查看更多

團購價$27.5 有呢個北海道特餐包括北海道3.6牛乳炒蛋、牛油多士、叉燒、火腿、3.6牛乳雞湯通粉。每日12-2只能外賣自取, 唔可以堂食, 一早已經聽過呢個大名架喇... 外賣都唔怕D湯令通粉品質變得差劣... 不過個碗係分隔左湯同通粉。叉燒係半肥瘦 正呀~ 通粉就係普通茶記咁款啦... 而值得一提既係個炒蛋呀... 超正, 好滑呀, 唔係淡味, 有蛋味同牛奶味, 一D都唔hea,但個多士就有d燶, 食落口好硬呀團購真係好值, 忍唔住再買多幾張…查看更多

北海道農場餐廳，在數年前在銅鑼灣開業時已有去過，現時已結業，不過在希慎廣場再開，灣仔也有，而上環這間則是新開了沒有多久。這裏主要的是吃茶餐，他們標榜是用北海道牛乳。凍咖啡，可以入口，未到很好飲的級數，但在上環地鐵站旁有位坐而且地方不算差，已經很有物值。火腿通粉，湯底很香，估計是北海道牛乳的味道。多士香脆，而炒蛋質素也很好。我習慣了將蛋放進多士一起吃，很滋味。這裏另外值得一讚的，是有街景看；如坐在靠窗口的單向位置，可以看到街景：如果一個人來這裏，大可以選擇這個位置，自己沉思一下，又或者看看書，是很舒服的。即使是貴價餐廳，也未必可以有這樣的景色；你坐在這裏，稍為留意一下，你會看到很多人生百態。的確，人生活在世上的意義是甚麼呢？久不久坐著喝杯咖啡，靜靜的思考一下，已經可以很快樂。如以 HKD42.00 可以坐在這裏看街景吃東西，感覺超值。順帶一提，別在午飯時來，因為必定人流很長，等很久也不會有位置；這也是上環的特色。…查看更多

北海道牧場餐廳終於也趕上步伐，在上環開了分舖它的日式風格設計簡約，整體非常整潔光猛但是它的門口很窄，也有樓梯，有點不太體諒到行動不便的人～店內位置有限，午飯時段門外輪候的人更是非常多，惟有買外賣入內付款後，店員會提供收據，我們只需要在外面等叫號碼太陽大天氣悶熱，在外面暴曬了大概十五分鐘，同事忍不住上去查詢原來外賣早已出來，但一直沒有人叫號碼，更不要說拿出來了！怎麼回事，真的忙到忽略外賣顧客麼？那為什麼要人在外面等叫號碼呢？帶著一身的汗水，快花了半個小時才回到公司，實在有點不爽！一切也只為了它的北海道特餐(HK$42)外賣盒設計美觀，有別平常的平實白色，配合餐廳的招牌藍、白色特餐有包括牛乳炒蛋、火腿、牛油多士一直最想嚐試的就是它的招牌牛乳炒蛋，賣相吸引炒蛋有厚度，加入了牛乳令其變得香濃嫩滑那煮得半熟的炒蛋內含蛋漿，夾著烘底的牛油多士一起兩者的融合，口感層次分明，帶著些微的牛油香味，效果甚佳呢～火腿就較為失色欠缺誠意，其實看起來連煎過也沒有只是普通的煮熟吧？完全沒有味道～值得一讚的是外賣叉燒湯通粉會將湯和料分開，免得通粉在湯裡發得過軟上面一層是叉燒和通粉，拿起之後下面是奶白色的牛乳雞湯牛乳雞湯它的湯底非常濃郁，沁出淡淡乳香，配著通粉吃味道不錯～可是湯的份量也蠻小的，這樣看下來一半都沒有哦在吃叉燒的時候，感覺有點失望，因為叉燒非常乾身和帶韌下次我應該不會再考慮點這款喔～北海道鮮磨咖啡跟餐需要加$3，完全沒有咖啡味，以為自己在喝奶茶除了色澤上似是咖啡之外，實際卻是稀得像水，奶味也不算得很重抱歉，不懂欣賞，實在太過普通嚕！它有它的特色之處，炒蛋也算是不錯的食物對我而言，味道質數相對其他餐廳顯得有點參差粗糙，有待改善…查看更多