北京老家

营业中

休息中

有朋友來港，說想試試些特色菜，上網找來這間為於合和中心7樓的”北京老家”，看餐廳的裝潢和菜式都具特色，所以帶朋友試試。來到餐廳原來要上一層，裝潢富中國特色，周圍都不難見到人像的浮雕壁畫，用上了木餐桌坐位，餐廳佔地大，寬闊舒適。我們坐的位置很有特色，很喜歡實木的中式餐桌。《胡同素鵝》多層腐皮卷成的素鵝，層層夠薄，雖然看似厚身但其實十分香脆，蘸上醋汁更提味！《半隻填鴨》用上扇形的碟盛著片皮填鴨，賣相十分加分。麵皮剛蒸熱夠軟身，放涼了亦沒有變硬。鴨同樣片得夠薄，有肉位而脂肪不多，加上配料和醬汁放上麵皮，入口易咬亦惹味。《午門面青》看到這個菜名知道是用上豬面肉，但”午門”是甚麼呢，還以為是用上多款材料，原來卻只用了淮山片，但驚喜的是口感跟平時吃到的很不同，薄身帶點口感，十分入味，而面青爽口嫩滑，好喜歡這道菜式。《老家柚子魚》賣相好有氣勢，魚炸得好”生猛”，柚肉舖滿底，整道菜酸酸甜甜，越食越好味，魚外皮好香脆，魚肉嫩滑，味道配搭口感新鮮。《胡同牛肉刀削麵》雖然不是用人手刀削，但麵煮得剛好沒有太腍。湯底香濃，牛味陣陣而又不油膩。牛肉和洋蔥預先爆香過，肉質爽口入味。《高力豆沙（4件）》好喜歡這個口感

今日想食中菜，就同朋友黎食呢間開張唔係好耐既京菜館-北京老家！餐館門面好有中國特色，紅當當，仲有啲兵馬俑係度，可以影下相，好似去左展館甘。餐具精美首先叫左個胡同素鵝應該即叫即整，熱辣辣，腐皮薄薄一片一片甘疊埋，好脆口，唔會話好多油！點埋唿汁食更正！京燒排骨架望落去好似好多汁甘，驚會好咸，但食落又唔會喎！有啲似甜醬既味，甜甜地，咸咸地，夠濃，好好味！排骨好林，同個醬汁好夾！個汁撈飯都唔錯！正！葫蘆香鴿超脆！超滑！超好味！應該係食過最好食既乳鴿！佢外皮炸到好脆口！一剪開入面熱辣辣，熱氣湧晒出黎！肉質好嫩滑！好食！中意食辣既可點配埋既辣粉，更惹味！！胡同牛肉刀削麵個湯唔算好咸好濃，清清地，牛肉份量多，好嫩滑。刀削麵好爽口，份量多！好滿足既一餐！食物質素好，食到好飽！下次帶中意食中菜既兩老黎食先得！值得推薦！

上海菜就試得多，北京老家的城京風味又是怎麼？內裡裝潢是濃厚的粵劇風格，都幾特別。檯面有小魚池的裝飾，而餐具也是有傳統特色。擔擔麵 $72湯不辣，麵質糊口、沒有花生味，有酸味，跟平日的上海擔擔麵確是不同。京燒排骨架 $108醬汁甜酸，但排骨未算太入味。胡同素鵝 $72素鵝一邊是炸腐皮、一邊是腐竹，好我別，還是頭一次食到。大娘燒肉餅 $108好重孜然粉香味，外脆的夾餅釀了肉碎，都幾重口味。豆沙鍋餅 $78個皮幾厚，豆沙餡不多，一般。

上次夜晚去灣仔是飯，發現灣仔夜晚比較少人，所以呢晚又去灣仔搵食，今次食北京菜呢度裝修好古典，應該落唔少本炸醬麵食北京野我一定食炸醬麵，要食到成個嘴都黑晒記得要撈勻食呀素鵝外面炸到脆脆，裡面係腐皮，外脆內嫩，點醋食京式排骨架望落以為好膩，其實唔膩，甜甜地，適合跟飯食大娘燒肉餅北京版漢堡包？！ 好多肉碎，裡面有芹菜、蔥香味，加香料，辣辣地，幾得意好多餡料，小心一路食，一路跌d肉出黎老佛爺米糕外面脆香的米糕，點桂花糖食

是日星期六，老闆突然話想食北京填鴨🦆🦆，兩個人有點困難，因為大部分餐廳也只是供應全隻，兩日怎可能吃得下，為了食，我努力地上網搜尋，終於搵到一家在灣仔合和中心的北京人家有半隻供應，而且在香港區很方便我們，這𥚃拍車也很優惠，6點後入車只要消費滿$300就可以泊14小時🚘🚘🚘，這家北京老家在8樓，但接待處在7/F ,地方大得很，有著內地洒的氣勢，菜式選擇也很多很多，很適合多人聚餐，但今次我們只得倆人，吃得不多，我們點了4個菜，味道找對了，很有京菜風味，好吃好吃，老闆很喜歡，下次一定一定會再來😋😋🍺二人埋單也只是$520 ,價錢非常合理北京填鴨半隻🦆🦆🦆😋😋😋😋😋蒜容波菜🌱🌱份量多得很😋😋😋😋😋酸辣湯🌶🌶夠酸，我喜歡😋😋😋😋炸銀絲卷🍞🍞外脆內超鬆軟😋😋😋😋😋

北京老家，向來都是我心目中的中式料理熱點之一，而其的分店，無論在旺角、尖沙咀、什至是早年前的銅鑼灣，我都一一品嚐過，除了是欣賞它多羅多款的美食，它的精緻復古的中式裝潢，每次一來，都令人掀起懷舊的風情。前陣子得知北京老家在灣仔開了分店，便急不及待要帶媽媽來品嚐一下。在灣仔的新店，環境的佈置都比其他分店的明顯華麗又細膩得多。一入大門，古代樸素風格的裝潢舖天蓋地，三個人形高的兵馬俑仿如向我地招手、華麗隆重的中式花橋、踏上高一層的樓梯時，旁邊刻畫中國四大美人的壁畫，別具特色。其餘的裝飾包括木系屏風、大紅燈籠、石紋牆壁一覽無遺，令人彷彿踩進古代懷舊客棧的時光。另外，富有中國特色的臉𦡮、器具、刻字木牌、陶瓷壓花式地磚、古琴，都令人不禁多番欣賞中國的古典美。未點菜之前，員工就已經遞上一壺茶具，茶裡當然不是平常去酒樓所點的普洱或水仙之類，就只有麥茶，清幽淡香。員工見我粗身大細，特意溫馨提示這壺麥茶不含咖啡因，叮嚀我多喝都不會影響胎兒，實在貼心。雞絲粉皮 ($78)雞絲粉皮是我和媽媽最喜愛的前菜涼拌之一。雞絲與青瓜絲切得絲絲有序，不過這裡的粉皮明顯粗厚得多，未能彰顯廚師精湛的刀功，還好粉皮充滿QQ的滑彈

嘩！唔洗等位！正！7:00上到去完全冇人！7:30先開始有d人！而家好少唔洗等位嘅餐廳啦！正！2個人食！冇諗過叫咁多都唔飽？叫左素鵝，蘿白絲酥餅嫁！但佢地可能因為冇人？廚房做野太有效率啦！一黎就上個膽膽面😂😂😂肚餓嘅人一定會好開心呀！我比較喜歡先上前菜多d!估唔到咁高級嘅餐廳都唔識上頭盆先？膽膽面$72 係好食！面有d太淋，個湯好好味！唔太咸，唔太辣！肉說較多，有啲麻辣味素鵝$72 脆嘅，賣相正常！味道正常! 冇乜特別，可以唔洗試！$90幾蚊得2粒！仲要咁嘅presentation! 大家明啦！蘿白絲酥餅有d油味！酥脆嘅，但比起其他我食過嘅油！入面嘅蘿白絲都切得算幼細嘅。偏咸最好食係佢！但得個4條，2啖就食完！肉質勁淋，個汁酸酸甜甜好野味！甜咸適中。最正係佢嘅酸甜味係好天然，係水果整出黎嘅天然味甜品！得2粒！不解釋！野食有幾貴，有單有真相佢唔洗等位同個裝修係值得like 嘅

今晚同啲舊同事黎到灣仔呢間京菜餐館食飯聚舊呢度地方好大，裝修佈置富有中方氣派，好有特色一班人食飯既好處就係可以試多幾款菜，所以今晚都食左啲平時小食啲既菜色未食之前就飲啖茶，食下個小碟先個麥茶好香，有個同事仲話呢度既麥茶係不含可卡因，所以我地今晚飲都唔洗驚訓唔著呢個大娘燒肉餅都幾特別，包身不乾不油，富有嚼感，夾住爆炒得惹味既肉碎一齊食，就好似食梗一件東方漢堡咁而呢個京式排骨架就好有驚喜，醬汁唔死甜而肉質軟腍鬆化，味道相當唔錯食京菜就緊係唔少得食烤鴨啦，所以我地都要左半隻過下口癮以人手搓揉既麵皮包住香脆肉嫩既烤鴨、爽脆清新既青瓜絲同京蔥，就係美味可口食食下我地仲見到有即場既拉麵表演，唔少食客都好似我咁要影低師傅精彩既手藝炸酱面係實而不華既代表！最欣賞當中既麵條好有嚼感，一啲都唔糊口濃味既炸酱同清爽既芽菜絲 蘿白絲同青瓜絲正好取得平衡，味道好夾食飽之後都唔少得甜品既環節，大家最終決定要食高力豆沙呢度既高力豆沙富有蛋白香得黎又好有彈性，入面既豆沙餡又唔會過甜，真係食多兩件都仲得呀整体黎講，呢度食物既質素都幾好，而且環境有特色之餘又坐得舒適，絕對值得加以笑臉，支持支持--------------

父親節當晚。我地一行9人。Book 左8點鐘。家人未夠8點已開始等。負責安排位的女人。不停話好快,下張到,又話有枱未得閒執乍。結果等到9點才安排入座。最激氣係明明前面被安排坐位的都是訂8點半已入座。經眼見同聽到呢個女人同某幾枱被安排坐位既客人對話。明顯係熟客或朋友關係吧。安排坐位時,係私下通知佢地入座。跟她理論又話人地先到過我地。如果係先到先得又何必要安排訂座呢?倒不如不設訂座吧！全部一律等位吧！咁巴閉既既店就算味道多好亦因為呢個不懂安排座位既女人。我地都已black list 了！

環境非常有特色，價錢亦合理。食物質素亦算可，當中片皮鴨出色，冷盤亦很美味。以灣仔區，這個價錢尚算抵。而且枱與枱之間有足夠空位，另人坐得舒適。侍應亦非常熱情，推薦很多不同菜色。

去完灣仔工作後，心郁郁想食片皮鴨。上次試過古琴覺得唔錯，今次就試試北京老家。北京老家嘅decoration好有氣勢，門口已經有好多兵馬俑迎接你咁。雖然兩個人去食中菜係食唔到啲咩，但都係叫左幾樣餸。我地點左一客手拍黃瓜🥒又落左我最怕嘅莞茜，夾晒出黎先食得。不過呢個手拍黃瓜好好味，蒜香同醋酸味balance得唔錯，呢個三十幾度嘅天氣下食，真係好涼好開胃。主角片皮鴨來了！第一排嘅鴨都係脂肪加皮，擺左入口即刻覺得好heavy😱不過後排嘅鴨，肉汁都好馥郁，鴨油香滿溢，包埋小黃瓜同醬汁食，好滋味！

極之差嘅北京菜母親節當天去book 8:00, 8:40分先入得。母親節忙，可以理解點左醉雞$98其實真係未食過咁難食嘅醉雞首先賣相已經好差，相信佢用碟疊碟方式冷藏，黎到嘅時候啲雞係有個平面壓扁嘅痕跡。而且只有雞翼與雞胸，食落好「梅」同硬同「鞋」，極度overcook同唔新鮮京燒排骨架$108餸一黎，你會以為佢放錯左，因為好似東坡肉咁多肥膏😱，而且啲汁裝左瀉哂😖花左好多力氣先可以將肥膏除去之後食小小肉食炒刀削麵$88你會有感覺像茶記快餐A咁，而且好油好油，有三四條微型肉絲講完石版農家菜$98用油浸嘅炒椰菜加好淋嘅粉絲黎埋第四碟菜呢間野可以Black list仲一定要在此奉勸大家千祈唔好黎另外祝所有母親節快樂😊

天氣時好時壞 於是選擇就近的灣仔食午餐 而可以泊車的餐廳 又是首選現時餐廳消費滿$300 就可以免費泊車 好方便。第一次來這間餐廳 當然要試一試北京片皮鴨   2個人 要左半隻 不知是不是因為不是全隻 所以師傅無做桌邊服務 即場片皮想當然 鴨皮已經不脆 好彩鴨肉都算軟熟 配上青瓜條同蔥段 味道不差。香辣海蜇用厚身的頭部位 配上大量芽菜 很清爽 極好。酸辣湯麵 麵條的顏色是綠色 好得意 雖然味道同口感 同一般白色北方麵套無分別 酸辣湯裡的材料 切到一絲絲 長度一致 師傅刀功一流 不過個人口味 是覺得不夠酸辣。地方寬敞 樓面服務在中菜餐廳來講 都算積極 有機會會再來試晚飯 

1. 士多啤梨拔絲($98)🍓真係要相機食先，外型超級靚，尤其係有燈打埋去，拔絲閃閃下好吸引😍😍😍重點係有內涵，大大粒微酸嘅士多啤梨加上甜甜嘅拔絲，夾埋一齊食，味道啱啱好🤤而食法就係將士多啤梨拮落糖絲度打圈，卷成一個毛球咁😆彤樂評分：9/102. 麻辣菊芓($98)真係一試愛上，唔係我朋友叫我都唔知咩黎😅一片片好薄嘅菊芓片，非常爽脆，加上麻辣好惹味🤤彤樂評分：9/103. 老娘炒飯($98)🍚並唔係一復炒飯，而係小米代替白米，非常有營養價值👍🏻，不過就偏淡同乾身啦🙈彤樂評分：7/104. 京燒羊肉($108)羊皮炸的好脆口，不過都係有DD羶味啦👉🏻👈🏻點個醬就啱啦，減淡羶味😄彤樂評分：7/10

宴會好去處。第一次來已經覺得很特別。有招呼、裝修又特別。招待客人不二之選。同經理傾過佢地廚師是北京人。想食地道北京口味。真係可以試試。而且價錢合理。小菜幾十元已有交易！