北京老家

营业中

休息中

This location is very unorganised. I made a booking through open rice and received confirmation that the booking has been confirmed. Luckily I called and the front desk advised they do not use open rice to confirm booking and that they don’t receive the bookings till two days later. Not sure how they expect people that are booking for the same or next day then? Anyways they told me they would get back to me in an hour (the dinner party was in three hours). They never called me back. I called bac

今日同成班朋友去聚會有朋友話想食中菜 所以就提議去食片皮鴨佢話食過一間好唔錯 係灣仔坐得又舒服地方又闊落所以我哋就去咗嗰間度食首先我哋一坐低就即刻嗱嗱臨叫嘢食首先叫咗個胡同素鵝 個素鵝好鬆化 又唔會太油膩之後就嚟咗北京填鴨半隻啲皮好薄 而且啲鴨片得好好 每件肉同皮都有所以真係超好食之後就嚟咗個鐵板羊肉 一嚟到就勁香而且份量又多 真係送飯一流之後就到老家烤魚 呢個我哋勁鍾意食因為啲魚燒得好鮮嫩 之後就到胡同刀削麵 刀削麵有口感 都唔錯最後來咗個高力豆沙作結

我家太后想去高質素中菜好耐🤔🧐畀我搵到呢間北京老家🤩令佢老人家非常滿意🤤一入到去就知間野有用心裝潢 🧐完全京城風貌未到7點已經非常熱鬧座位非常寬敞大氣，仲有圓枱可以團團圓圓✔️有心思故同素鵝😻外脆內軟，入面豆味香濃，滋味及得上食鵝👍🏻👍🏻停不了口娘娘蘿蔔酥🤤外皮香脆、內餡鮮甜👍🏻👍🏻非尋常百姓家茶樓點心可以比擬蕃茄雞蛋手擀麵🍜貌似平凡但盡顯功架👍🏻👍🏻蕃茄湯極香濃，手擀麵條彈牙可口食到湯都一滴不剩午門面青🐖見菜名咁有趣試一試好考功夫的一道好菜👍🏻👍🏻豬肉香口爽脆、炸面薄薄地好似薯片咁可口調味醬油令人一口接一口停不到老佛爺米糕沾上桂花糖漿，花香、米香口中四溢好有宮廷氣息的甜點為整個晚餐畫上完美句號🤪好欣賞呢間野除左菜做得出色、裝潢好體面大氣，仲有得打邊爐，過時過節一定會訂枱黎團圓🧐

入到門口見到3位門將，每人手拿著牌分別寫『歡迎光臨』、『北京老家』、『謝謝』可以埋去影相打卡，再上一層木樓梯，真係好有番老家既感覺上到黎地方好大，裝修好花心思古代中國風格到處都係木門、木抬，木櫈……櫈上仲刻住乾隆印章既字樣😆地板都好似個銅錢既樣茶壺、杯碟都印有戲曲人樣就連廁所都佈置成中國風，一看便知花了很多心思在每一細節上老家心靈美紅色一條條係生蘿蔔醃製而成既前菜，對於我非常愛吃酸的好喜愛，空口吃了半碟，有朋友吃不慣說有苦味大娘燒肉餅肉餡多到滿瀉，個餅煎到脆卜卜，微微辣辣地北京口味偏重香港人偏淡食耐可能有點咸午門面青淮山薄薄一片有陣脆口，再加左芝麻炒豬頸肉非常香口，估唔到炒淮山都幾好食，平時係煲湯先食到，豬頸肉好爽口唔會覺油膩，擔擔麵成碗紅色但食又唔覺得辣，肉醬好香，麵條做到掛湯效果，食緊時候仲見到廚師突然係我地後面抬表演拉麵，簡單幾下已經拉成麵條，仲要係無斷咖👏🏻高力豆沙熱辣辣好煙韌，豆沙餡唔會超甜好食

約左外國朋友食晚飯，佢本身酷愛中國美食，所以我就決定帶佢去北京老家試下傳統既北京菜。食店裝修，店員服飾同食具都富有濃厚既中國風。我地睇完左個menu，就叫左老家心靈美 (HKD 78)，大娘燒肉餅 (2個，HKD 108)京燒排骨架(4個，HKD 108)，擔擔麵 (HKD 72)。而甜品就要左老佛爺米糕 (2個，HKD 30)。係等美食既時候，店員為我地沖左茶味甘甜既大麥茶。 先黎既係老家心靈美，名字非常特別，原來係東北獨有既蘿蔔，但係就係紅色，非常鮮豔。 聽店員解釋本身個蘿蔔係綠色，批左皮之後就係紅色。我覺得呢隻蘿蔔比平時食開既白蘿蔔黎得更爽口，味道略甜。跟住既就係燒肉餅，賣相唔錯，而且用料十足，有豬肉同芹菜。佢味道會帶點辣味，好刺激我地既味蕾。接著黎就係排骨架，肉質好稔同好鮮甜。我覺得佢個肉汁好好味，用黎送個擔擔麵真係一絕。個擔擔麵分量唔細，味道夠哂濃同辣，正呀。個糯米糕有4件，幾精緻，可以點汁(有杞子桂花香)，咬落去外脆內軟，味道唔算甜。 唔錯唔錯

最近喜歡特色中菜，像是上海、京川滬菜等等，上次樂天皇朝用餐經驗令我印度難忘；但最近尋覓多時也未有合心意的，幸運地在這個生日月，得朋友邀請，我來到北京老家合和店，找到我想要的。門面超有京城風格，擺放的裝飾亦別具特色；地方大，適合大班親戚朋友聚會；價錢親民，食身高質，是理想的聚會地方。.老家心靈美 $78未知係咩嘅時候會覺得名字有趣，當菜色上桌就會覺得名字優雅。這其實是醃生蘿蔔絲；粉紅色的蘿蔔切得幼，考刀功；本生爽甜中帶有醋酸，特別開胃。.大娘燒肉餅 $108像電視劇上常看到的白色餅皮，包住滿滿的豬肉碎；孜然味整重，豬肉不羶；皮比較黏牙，但口感煙韌.京醬排骨架濃綢的醬汁令排骨絕對惹味！似咕嚕肉的酸甜；肉質軟腍，容易離骨，而且份量足，讚！.炸醬麵 $72不是廣東粉麵那種炸醬的酸甜，而是肉味較重，咸的味道。麵很厚實彈牙，超飽足，而且容量沾上炸醬，更濕潤。.老佛爺米糕 $98完全意想不到，味道似八寶飯，是久違的味道。糯米煮熟後再炸，口感極煙韌，配上桂花蜜糖，是清香也是甜。.特意一提，連桌子都經精心設計，這間餐廳確實驚！

北京風味💓北京老家係我經常到訪嘅食店之一必定叫返幾道傳統北京菜一嚐☺️今次去灣仔分店 有好多枱都係外國客可見呢到嘅知名度有幾高👍🏻麻辣土豆絲 $72好味嘅涼菜 少少麻辣土豆絲爽口 無負擔嘅一道前菜仲幫忙開胃 迎接之後嘅菜式👍🏻鐵板羊肉 $98好香嘅一道鐵板菜呀 上枱嘅時候已經聞到好香羊肉加埋葱 洋蔥 青椒等等炒 勁爆香口又好味☺️北京填鴨 $210點可以唔叫返隻北京填鴨食呢填鴨皮薄又香脆 肥瘦適中👍🏻麵皮好薄 可見師傅功力果然係招牌填鴨呀大娘燒肉餅呢款餡餅有點順肉末夾裏面充滿肉碎 調味跟鐵板羊肉有點相似食嘅時候記得要小心呀肉碎太多 一咬就會掉下來🙈🙈炸醬麵麻麻地喜愛炸醬麵 不過店員推介 也試試吧🙊麵條粗身 頗彈口😉高力豆沙每次都要叫嘅甜品🙈大大粒高力豆沙 仲熱騰騰🤤諗起又想食嚕當中仲有師傅表演拉拉麵好多客都圍住睇 好有功架呀👍🏻🍽 北京老家🔎 灣仔皇后大道東183號合和中心7樓704及8樓802號舖

有朋友收工約食飯，剛好大家都係港島收工，聽聞合和中心既呢間北京老家都幾正宗，就約齊飯腳試下。一入到去就有大紅花轎，充滿古色古香既感覺。牆邊仲有啲古裝陶俑，好有古典味。行上一層先係食飯既大廳，平日都幾多人。就連餐檯佈置都幾精美。老家心靈美睇菜單既時候好特別，但原來係涼拌蘿蔔絲，粉紅色既蘿蔔絲酸酸甜甜，非常清新，女仔會比較鐘意，不過有少少清澀既草青味，點多少少醬汁食會比較好。北京填鴨(半隻)鴨皮夠曬香口，而且切得好薄，加上鴨肉好香，夾埋青瓜同京蔥絲，可以減少鴨油既油膩感，不過份量比較小巧，女仔食就比較合適，男仔食就可能要嗌多少少。午門面青又係一個好特別既菜名，原來係醬爆淮山豬肉，豬肉絲同淮山絲切得好幼細，口味比較重，好啱撈飯。老家烤魚用既係桂花魚，醬汁香濃，帶有黃豆醬香，魚肉偏腍身，建議撈多少少汁食。配菜方面有唔少莞茜同大蒜，有助減少魚肉既泥腥味，令菜式比較惹味。北京炸醬麵係傳統既炸醬做法，有唔少豆醬同肉碎，撈埋青瓜蘿蔔絲等，清新而不失傳統味。高力豆沙炸到脹卜卜既高力豆沙，唔會太甜，紅豆份量比較小巧，最啱鐘意食甜品既女仔。埋單九百幾蚊，四個人既份量而言，不過不失，不過係灣仔食飯嚟講，呢個價

早聽說灣仔開了一間很有風格的京菜館 ，一行四人決定去印證一下， 入到菜館，實在有點目定口呆，因為一般中菜館的裝修，很少這麽落本，這麼有風格，經侍應姐姐介紹，我們點了：松子黃魚，老家炆子，心靈美，茶燻雞，雞絲麵魚，拔絲香蕉。松子黃魚 - 甜酸適中，外脆內嫩老家炆子 - 侍應姐姐推介，說是先用地瓜粉造成啫喱， 切粒，半煎炸後，再用麻醬炒，香，滑，脆，口感豐富心靈美 - 又是推介食品，用超大白蘿蔔切絲，再加另一種紫色的汁（忘了食物名稱）酸酸甜甜， 是不可多得的開胃前菜茶燻雞 - 充滿茶葉香味，雞嫩滑沒肥膏雞絲麵魚 - 又是侍應姐姐推介，以蕎麥麵粉做出魚形狀的麵，非常彈牙，可算是”有營“食材最後上的是拔絲香蕉，一個個炸得香脆的香蕉，混在糖絲中，既賞心悅目，又可口香甜因為是賢伉儷請客，不如多少錢，但都說值得多來幾次

家中有兩人生日只差一周，當然一次慶祝。 傾傾下就選呢間，好耐之前响旺角店食過，印象是“嘩” 咁北方古老房屋擺設。 枱的玻璃下有缸金魚。 今次來都好期待，但坐的枱無魚缸三个套餐選來選去，服務員好親切，幫我們選，仲告知可以換我地喜歡的松子魚。後來發現只有這服務員最好，令我地食這餐飯好舒服。先上冷盆， 个雞粉皮雞超幼，碟麻辣肚絲少麻少辣，好合適全家口味。因喜歡片皮鴨，所以選全隻，讚的是用來包鴨的餅皮，好軟好食，食到最後一片都仲係熱及軟身我喜歡的松子魚，肉滑，个汁好美味宮保蝦球全家都喜歡草梱牛⻣ 最受歡迎，食唔晒拎走時，連汁都打包因牛⻣太正，把原本唔錯的京燒排骨架比下去可惜，時菜用了翡翠苗，雖然煮熟亦不全去除草醒味。老彿爺丸子湯 好清，去除之前肉的濃味口感。手工水餃 薄皮有汁炸芝麻湯丸， 團團圓圓。 好開心一餐

平時同朋友好少食北京上海野，不過今次朋友話想食片皮鴨，所以就黎咗北京老家！餐廳都真係幾有老家感覺！一入門口已經好有feel！又有面譜，又有聖旨！行入啲仲有兵馬俑同大紅花穚！大量影相打卡位！第一件事叫咗北京填鴨！份量睇落唔算太多，因為只係叫咗半隻，佢分咗淨皮同皮連肉，我就最愛淨皮！好香！餡餅好多時只係得牛肉！而到特別啲，有大蔥羊肉餡餅！餡餅外層脆脆地，咬開有啲肉汁喺裏面！羊肉好嫩冇乜蘇味！而個非常好食！京燒排骨𣕧！啲肉抆到好林，細細力咬就會鬆開！而且煮得好入味，啲肉仲夠晒多添！依度嘅甜品好特別，不是都有幾種生果揀，拔絲士多啤梨最吸引！士多啤梨外面有層脆糖！咬落好脆，士多啤梨就軟身。士多啤梨有小小酸，配返糖面就啱啱好！第二款甜品係老佛爺米糕，聽講真係以前老佛爺好鍾意食嘅一份甜品！米糕經炸過，外面香口，而入面好軟林林。會配埋桂花糖漿一齊食，甜甜地有啲桂花清香，好好食！

呢到環境又大又靚， 充滿古色古香的味道， 又有書法， 大戲角色的畫像，係呢到食飯真係更上一層❤️未夠8時已坐滿店員都好有耐性地解釋餸材料， 有些像老家心靈美， 原全估唔到係咩🤣原來係蘿蔔材料麻辣土豆絲（$72）一遞上時就嗅到好香麻辣味， 但我個人覺得辣味剛好，麻的香味比較重大娘燒肉餅（$108）好足料， 好多牛肉，洋蔥， 西芹午門面青（$118）仲以為咩面青青Tim 原來係炒豬頸肉， 仲加埋芝麻， 更香👍🏻炸醬麵（$72）有芽菜，北京蘿蔔絲，青瓜絲麵質像烏冬，但好有口感老佛爺米榚好有口質， 有糯米及紅豆， 再點桂花糖醬， 甜甜地又有桂花香😋呢到上菜好快， 就算人多都唔怕食得耐✌🏻

跳完舞成身散了，今晩一於偷懶煮少餐，走去灣仔等囝仔放工一齊去食好嘢。亜囝在灣仔返工，當然知道邊到搵好嘢食啦。帶我去了合和中心一間北京菜館。環境氣氛古色古香，有feel。間場還有製拉麵表演，吸引遊客。北京填鴨算是北京菜代表作之一。皮脆肉嫰，皮與肉之間沒有太多多餘脂肪，入口不油不膩，我鐘意呀！囝仔無肉不歡，鐡板牛肉最啱佢。吱吱喳喳，熱辣辣。蔥蒜的配搭好惹味，牛肉質感軟腍，差不多成碟囝仔吃光了。擔擔麵也不錯。麵質有嚼感。不過如湯底再濃一點，花生香味再多一點就更完美了。

好耐冇同朋友食過中式餐廳, 所以朋友生日飯就決定食中式野。其中既胡同素雞,鐵板羊肉,老家烤魚好值得講下素雞味道清淡,皮脆, 唔覺唔覺就食左幾舊。鐵板羊肉上菜果陣經已嗅到好香, 味道亦冇令人失望, 非常惹味, 好適合伴飯。除左肉之外, 入面D洋蔥同京蔥爽口入味。 唔鍾意食羊嘅話可以叫牛。最後係老家烤魚, 菜式名雖然普通, 但味道就完全相反, 醬汁好濃同thick, 魚肉好入味, 肉質唔會太韌, 口感唔錯, 不過有少少辣, 怕辣可以落單果陣叫佢走辣。呢間鋪除左坐得舒服之外,味道都不錯,值得一試。

朋友話食過呢間啲北京菜覺得幾好食，所以帶我黎試，可能平日嘅關係所以唔洗等位，一入門口已經覺得間野好有特色，裝修都充滿傳統氣息。店員帶左我地上上層，地方亦都好闊落前菜涼拌白菜心，估唔到有咁大碟，白菜心好爽口，涼拌完酸酸地，好開胃大娘燒肉餅，裡面好多餡料，個醬汁啱啱好，唔會太鹹但略嫌個皮有啲乾，可以改善擔擔麵最好食，啲麵好彈口，唔會好淋，係唯一一樣食晒嘅菜式本身已經好飽，但朋友話一定要試呢個高力豆沙，又係大大舊，紅豆餡好足料，真係食到好濟總拾黎講呢間餐廳環境同食物都幾好，店員亦好有禮貌，值得一試