北京樓 (德福廣場1期)

自从8月31日食完个外卖之后呕左几次，连续几日都冇胃口想食野，个胃又唔舒服，仲有呕心嘅感觉！越谂越唔忿气！𠮶日食完北京楼个外卖几个钟后呕晒出黎，仲要呕足几次先呕清啲细菌病毒！一同进食的家人都呕左几次！搞到人食物中毒餐厅都唔肯退款，打电话同个周店长沟通就不断推卸责任，真系姓赖啱佢多啲，赖送递员外送过程问题，赖客人前一日食错野，前一日食嘅野点会仲喺个胃到，我当天只食过北京楼外卖，呕出黎嘅都系啲外卖食物，仲声称餐厅从来都冇发生过食物安全问题，总之点都唔关佢事，应该一路以来就算有问题都唔会承认先保持到一直都冇问题睇番网上评价咁多分店做得最差就系德福呢间，态度又差，影衰晒北京楼个招牌。呢件事肯定系个外卖污染左细菌病毒，导致我地食物中毒！虽然餐厅店长不断将责任指向送递员，但餐厅唔用胶袋绑实个外卖，就咁用个纸袋装住，又冇贴上胶纸封实开口，又唔用钉书钉封住上边，完全冇采取任何措施保障个外卖，令送递员可以轻易接触到食物又不留下任何痕迹，餐厅方面都责无旁贷啦！北京楼行高档路线，但做事就咁马虎求其。其实之前嗌过一模一样嘅外卖食完都冇事，但今次啲京葱青瓜睇落已经好唔新鲜干争争咁，唔知切完摆左几耐⋯⋯所以怀疑今次生嘅蔬菜会唔会沾染左细菌病毒⋯⋯今次的确系因为食完你地餐厅嘅食物而呕，呕出黎嘅都系你地餐厅嘅食物，同店长反映完全冇正视问题，只识推卸责任想敷衍了事。呢位周店长明显冇用心做好管理，唔会谂改善方案，当出现问题只会准备一套说辞作回应来解决，不思进取，毫无反省。食物安全问题明明好严重，但系周店长完全唔当系咩一回事，完全冇道歉冇赔偿，区区百几二百都唔肯退，漠视客人健康，仲浪费我时间沟通无果，要我地顾客承受晒一切身体上，时间上，精神上，金钱上损失，简直离晒谱，令人气愤！！！！…查看更多

今次喺九龙湾北京楼用餐，虽然𠮶日出菜等咗比较耐，不过食物质素确实超出期待，令人觉得等待都系值得。北京填鸭皮脆肉嫩，切件上枱摆盘精致，鸭皮肥而不腻，配埋甜面酱、青瓜同京葱简直系绝配，每一口都极具层次感。豆苗鲜菇羹卖相清新，汤底浓郁带鲜甜，豆苗保持嫩绿爽口，配埋香滑嘅鲜菇增添丰富口感，而且非常健康。松鼠鱼色泽吸引，酱汁酸甜开胃，鱼肉炸得外脆内嫩，挂汁刚刚好，每啖都食到新鲜同惹味。虽然上菜时间有啲长，但服务员态度友善，主菜全都保持高水准，有诚意推介畀钟意北方菜同大家聚餐嘅朋友。…查看更多

今日叫咗呢度比较出名嘅几个特色菜：1.片皮鸭（$398)包片皮鸭嘅皮会员有火喺下面heat 住，keep住热同有弹性，夹埋d 葱、青瓜，同埋酱，好味！😋2. 小笼包（$88）有汤汁，皮唔厚，有弹性，但又唔会好易穿，有水准。3.回锅肉（$168）分量充足，比较重口味，会适合送饭食，味道配搭都几好👍4.松子鱼（$398）甜酸汁配落去炸鱼𠮶度，啱啱好，脆口而且唔会太油，相信都系即叫即整。鱼尾嘅部份特别脆，成条都食得饭🤩5.炒羊肉（$168)香口，味道搭配好，唔会太有苏味，唔太钟意羊味嘅都Ok.6. 锅贴正常水准，都不错😄但个人会比较喜欢小笼包。题外话，佢晚市仲有拉面表演，几有气氛…查看更多

同屋企人去咗德福广场嘅北京楼食晚饭，点咗几款唔同嘅菜式，几好食！翡翠龙凤羮系亮点，店员喺枱前将白绿羹倒成太极图案，卖相靓到唔舍得饮！汤底清甜，味道虽然偏淡但好顺口，饮落好舒服。和菓子草莓虾外层炸得金黄酥脆，虾肉嫩滑，份量多到有 7-8 粒，食得满足，虽然外型似荔枝多过和菓子，但味道真心唔错！云腿糟蒸黄鱼就略为失望，云腿涂蜜汁好甜好香，但黄鱼蒸得过熟，肉质干柴又有啲油腻，略为扣分。服务员好亲切，上菜快，仲会主动帮忙添茶。餐厅环境干净企理，虽然系传统酒楼风格，但坐得舒服。整体嚟讲，除咗黄鱼稍为失色，其他菜式质素高！…查看更多

是日平日晚餐食中菜，一行4人左拣右拣最后决定了‘古都冷菜三小碟’，菜式如下：🥢绍兴酒糟醉鸡三小碟之一，鸡肉嫩的，有酒味，但味道比较单一。🥢葱油凉拌海蜇头无味。🥢糖醋小排骨肉质好硬。🥢油泡翡翠双鲜相对来讲味道淡。🥢婉儿鸡茸燕窝羹一般般。🥢松子黄花鱼味道开胃，黄花鱼炸完后，鱼肉质还可以。🥢烤北京填鸭（全只）不过不失。🥢宫廷四合蔬好普通。🥢北京炒拉面唯一有记忆点就是呢个炒面。🥢上官花素蒸饺饺皮正常发挥，但馅料就一般。🥢豆沙锅饼都唔错。🥢鲜奶合桃露本身有啲期待，可惜唔够滑，稠度比较稀。…查看更多