影片
以上资料只供参考，请与餐厅确认详情
💁♀️💁♂️👧👦27/12/2022(Tue), Dinner🍽喺观塘海滨花园近九龙湾果边，有一档食串烧既小食店，舖仔细细只得沿住外墙既几个座位，万一无位既话，亦可以选择到店前面既公园草地，好似野餐咁吹住海风、望住个海景好chill咁食串烧。而今晚我地带埋小朋友黎order咗：🔆 安格斯牛肉串（$24）🔆 烧墨鱼咀（$18）🔆 香烧鸡中翼（$25）🔆 烧生蚝🦪（半打）（$90）🔆 原条烧茄子🍆（$38）🔆 香辣鸡软骨（$16）🔆 烧韭菜（$16）🔆 烧猪大肠（$24）🔆 烧八爪鱼丸（$16）🔆 烧秋葵（$16）🔆 烧菠萝🍍（$18）🔆 香烧多春鱼（$16）🔆 烧大啡菇（$25）所有串烧都系即叫即烧既，所以落单之后都要等一阵先送过嚟。店方会边烧好就边送过嚟，让你可以食住等余下既食物。由于叫咗都唔少野食，呢度唔每款都细评啦，串烧价钱唔贵，都系十几至二十几蚊一串，每串都系细细串几件仔咁，等你可以叫多几款试吓。烧鸡翼佢地烧得唔错👍🏻，皮脆而肉嫩。而烧生蚝又无烧到过火，仍有蚝汁，再mix埋蒜茸一齐食，口臭？食完先算啦。烧茄子🍆同烧大啡菇都系我地每次必叫既，烧完仍然juicy好食。菠萝🍍烧过之后，菠萝汁浓缩咗，菠萝味道更浓、更甜。整体嚟讲，几百蚊可以喺草地野餐咁，对住启德旧机场跑道hea住咁食串烧，系个唔错既选择。(饮品我地系自购，店家并没有提供🙏)🔆🔆🔆🔆🔆🔆🔆🔆🔆🔆🔆🔆🔆❤🙆♂️(A先生)整体食评：❤❤❤❤❤(4/5)❤🙆♀️(为食妙妙)整体食评：❤❤❤❤❤(4/5)👉🏻 海滨花园有个表位场，再唔系对面既商厦都有大量时租位，泊车方便👍🏻🔆🔆🔆🔆🔆🔆🔆🔆🔆🔆🔆🔆🔆
继续阅读
📍北上串烧 观塘海滨道80号观塘海滨花园。。三访依间串烧，三次都系宵夜时间到访。位于观塘海滨嘅串烧店，可能其他区嘅人未必会知，但如果你喺附近返工、或者成日喺观塘海滨跑下步做吓运动，你会发现行到差唔多近海滨汇嘅位置，就会有一间串烧店屹立在此。头一两次嚟𠮶阵都系外卖上车食(𠮶阵仲因为疫情冇堂食)，好彩隔离就系咪表位可以停车。今次再嚟就可以堂食，而且仲可以好chill坐喺出面个草地，老板仲开左露营枱凳俾我地一路睇星星一路食！你冇睇错，我𠮶日真系见到好多星星⭐️喺市区都见到咁多星好惊喜🥰食物大约等左15-20分钟，即叫即烧，价钱都唔算贵，$16-$3x一串！个人推介金牌烧汤圆几特别😊入面系芝麻馅料，外脆内软💕仲有蒜香鱿鱼须都好香口！鸡肉亦都好嫩滑😋行下海滨，食下野，吹下风放松下心情，欣赏下海滨景色也不错
继续阅读
一班朋友约好在观塘海滨跑步，起步前先同店长讲定大约30分钟后到，虽然我地迟到左10分钟回来，但个烧豆腐真系超级超级好味道🫣劲多蒜香，烧得脆脆的💗好入味🫣好想食多几串☺️做完运动补下蛋白质系必须的😝之前已经试过一班人约野餐，可预先请老板预留位置🙏好多款串烧都好味，当然烧串烧需时，最好紧系要预早落单，下次要试埋另一款烧豆腐同茄子🍆老板好老实，上次比多左钱仲追左我成条街😊东九龙野餐小聚推荐🥰
继续阅读
上年 11 月公司大 OT 完，特登过嚟食，觉得味道唔错。今日公司再大 OT，谂住再嚟食，点知食唔成仲一肚气！因为想快快食完赶回家照顾小朋友，已经专登 18:30 Send Whtsapp 去落单，店主亦即时已读，讲明 20:10 会去到堂食。点知 19:50 收工打电话过去，想确认一下系咪准备紧啲食物喇，电话无人听。行 15 分钟终于行到过去，店主有写低我张单的，但完全无开始烧嘅迹象，仲同我讲，要等 30 分钟㖞。虽然店主系好有礼貌㗎，但问我等唔等到 30 分钟，如果等唔到不如下次先食。吓！咁请问我早成粒几钟，Whtsapp 落定单嘅意义系咩？店主炒定我张单又有咩意义？可能店主觉得今晚已够生意，唔稀罕做我呢张单，亦可能知我少嚟食，觉得得失我呢个客都无所谓。但你唔想接唔紧要呀，你早讲呀，我 OT 收工劲攰都行成 15 分钟过嚟，嚟到同即时落单嘅客人速度一样，咁你不如唔好 Whtsapp 接我张单，唔好话欢迎客人预先下单啦！真心唔会再嚟！
继续阅读
同同事去的，老板像吃错了药，我们坐了两个小时五个人只上了几串串烧，饿到傻。老板态度非常傲慢，完全不在乎个样⋯⋯搞到我们最后去吃M记好好的周五就这么破坏了，完全不像个正常做生意的铺头。完全想不通，人也不多，为什么烤几串东西要这么久，我同事说，鸡养大，杀了，再烤，都烤好了。味道也很一般，又咸又干。反正老板也不像是要做生意的样子，都无必要去帮衬了，如果妳是想著去吃晚饭，那就要做好老板心情不好，让你等两个小时的准备。
继续阅读
您可能会有兴趣的...