影片
营业时间
今日营业
06:00 - 23:30
星期一至日
06:00 - 23:30
以上资料只供参考，请与餐厅确认详情
有时一个人，想食点心，但又唔想去茶楼，嚟呢度就系一个好好嘅选择。个人好钟意食呢一度嘅烧卖，佢系鲜虾烧卖，一粒烧卖入边，起码有三只虾咁多，好鲜！好好食，10分推荐！
继续阅读
前日(10-8-2022 Wed)老公放工后走嚟八吓有咩可以买嚟加𩠌,有煎酿三宝,佢就买咗$28.00八件,同用$14.00买四个芋角.拎到返屋企打开,八件煎酿三宝有4件系酿茄子,青椒同青灯笼椒各2件(呢张相已夹起1件酿茄子至影),睇见酿茄子大大旧,但青灯笼椒竟然系横切成环形,我真系第一次见咁嘅造型,真系谂得出.我先食芋角(张相系我老公食咗一件至影),都几大件,外脆内里软绵,好饱肚.煎酿三宝,老公食酿青椒,佢话唔辣,咁我都食吓,系唔辣,口感正常,咸度亦适中.酿青灯笼椒我就冇食过.
继续阅读
之前讲荃湾会有两间新中式包点舖，其中一间已开，佢唔只包点、蒸点，煎、炸点心、肠粉，甚至炖汤都有，饺子就只卖生饺，人流唔少，多款之余价钱系区内亦较平，仲有多款组合优惠，放工买饭之余，亦可买点心加𩠌。什菓沙津卷，宜家少有嘅酒楼点心，首先皮要薄，任何炸物都唔应该厚皮，但依个入面系什菓沙津，水份高好难包得好，而佢个皮就做得算薄。火候亦要控制得好，温度太高做唔到金黄，太底皮会唔脆，亦会入油，沙津油边个想食？而佢睇个色都知，难得！蜂巢脆竽角，又一少有酒楼点心，传统竽蓉会加入冬菇、虾米同肉碎等味道太复习，反而依个只有竽蓉我更喜欢，凉咗都唔会油，蜂巢外层大家都知难做，火候一有差错就睇到哂，炸完仲要小心放置，压到会碎，油未滰干立即扁，超难照顾！佢颜色虽然深咗啲，但已好难得，外层完整，松脆，内层无入油。香煎粟米饼，餐牌无，但望落足料，同香煎韮菜饼一样卖得好快，始终涷咗，皮虽然薄边位都少硬，但粟米多，同肉混至起胶，有咬口。本来每样要双数买，因为临收工又买得多，俾我搭件咸水角，明明放入去前好好地，打开发现竟然俾粟米饼压扁咗…但唔影响味道，一样酒楼质素。竽丝脆春卷，几大条，见考技术过啲几靓，本身好有信心，点知一食就饱哂。外皮脆，竽丝都多，但入面竽头入哂油，完全唔想食。绊糖马蹄糕，粗粒马蹄够多，糕质控制刚好，可以用筷子夹到之余亦唔太实，味道清甜，甜品一流！招牌锅贴，望落算靓仔，皮薄，但边已硬，主要为试个馅，无咩菜，主要系肉，口感同香煎粟米饼差唔多，体积至少差成倍，又无口感，但算知道佢生饺嘅感觉，同以后都系买香煎粟米饼。大寿包，见佢梗贵真系唔想买，但有人想食，只有冻，要自己蒸，蒸完表面散发著少许人参味？感觉怪怪，内𥚃莲蓉，中间一少块蛋黄，味道唔错。蜜汁叉烧包，表面几粒黑芝麻做记认，酒楼质素，包点舖大小，讲返个包，发酵度底，有古法发酵嘅甜度，传统确实会梗，但食开更松软囗感，难免扣分。菜肉包，菜新鲜，比重几多，肉一般，食落都唔错，但食落就系觉得唔够松同湿度太重。潮洲粉果，成份主要系沙葛，花生、韭菜，猪肉得少少，系唔抵食咗，不过无梗油，更有口感。叉烧肠粉，牛肉肠粉，皮厚，表面睇唔出系边款，叉烧一定系厨房用叉烧，口感同叉烧包唔同，以冷藏货嚟讲口感叫唔错，味道亦刚好，但叉烧包更好；牛肉同牛肉饭嘅肉一样，系马蹄无梗多，主要系钟意佢个鼓油，所以食其他会更好。牛肉饭，餐牌系煎蛋牛肉饭，但好似有好多都乱嚟，好似北菇滑鸡饭有全鸡版同走菇变蜡肠都得，望落其实我估唔到系牛肉，就奇怪依旧系唛？本来只系跟椰菜，但夜晚唔够菜，就俾少啲，搭旧卖到尾淋淋地嘅酿茄子，都唔错。与其叫肉饼，不如叫牛肉球！虽然味道本身都似，马蹄粒同沟咗粉嘅肉，但前者通常实啲，有返个饼型，而佢直接系三粒未蒸牛肉球压落去，囗感完全一样，可能牛肉无唛汁，饭几干，但以煮饭睇就系粒粒分明，鼓汁调制得味道遍淡，落多啲会更好。梅菜肉饼饭，中午买，椰菜有成半盒，肉饼面一堆梅菜，大大块，外表差但足味，食到梅菜香，饭亦较湿润。全部都系酒楼质素，难怪人山人海，但相对传统有落嘅野都一定有落。开到九点几，八点几仲出新货，反而早少少饭都未有得卖，现时只收现金唔太方便，同你要系街市买到嘢依度先买到，食就系战争！
继续阅读