包點美食 (已結業)

腸粉走芫荽，單都有寫，冇走到。雲吞叫左係麻辣雲吞，單都係咁寫，最後反到屋企先發現係清湯，打返比佢哋，個職員話師傅依家吾整麻辣湯底，要就自己加辣，下，甘都得😳~你落單同拎外賣俾我果時都吾同我講？

唉，比佢張大字報伏到，真係冇下次。見到門外超大隻字寫住外賣，點心，忠頭飯 $23 點心$18 外賣盒加$1。咁咪落單叫咗1飯1點心，之後喺門口等嗰陣諗落怪怪哋，但佢哋樓面又勁少staff，咁咪等下拎外賣嗰陣追返。點知呀姐指住張無嘢嘅枱，話平時呢張枱上面啲一盒盒先特價。 喂大佬，你張紙咁大又唔寫明?! 下次不如寫派錢，指住張冇嘢嘅枱話呢度平時好多錢派？同一道理如果佢寫半價，跟住朝早問佢嗰陣，佢又可以up係晏晝先半價，晏晝問佢嗰陣，佢又可以話放假先半價一樣。唔係下下sale老牌sale人情味就可以咩規矩都唔跟。

因為住係包點美食附近，所以之前已經成日叫外賣，外賣既速度算快，送到來点心仲好熱，算好吃，所以今日親身落去實店試一下，當時正是中午2 00時，店鋪都差不多全滿，不過大部份的客人都是中年男人多，哈哈所以個人還是喜歡叫外賣坐得舒服啲，哈哈！今次点了酸辣鮮肉香芹餃， 因為個人口味喜歡食酸辣所以覺得還好， 而家我一起同坐嘅哥哥就叫咗鮮肉湯韭菜餃米粉， 佢嗰碗因為係清湯嘅關係所以淡而無味..哈哈哈！ 個人覺得餃子好大粒可以食兩粒唔經超飽了

昨天我与家人往世宙探望朋友后，經過這間包點美食店，我们就進入店內嚐嚐，雖然店內不算大，但我們坐卡位也挺舒適，我們点了蒜香排骨籠仔飯即叫即蒸，南乳炆豬手梅菜蒸鯇魚各款湯餃也不錯！重要的是街坊生意，價錢合理

週圍行中午搵點心食，好彩終於搵到間點心店姐。蝦餃14得兩粒，價錢唔平，貴過米芝蓮，大大粒，涵滿口。燒賣12無乜豬肉so，同樣大件頭，其實食一粒都夠，有得兩粒咁點都幾好呀。牛肉球17喼汁點腐皮，牛肉球無試，聽講都可以。鮮竹卷16三大條，軟糯外面，入面沾湯，無乜味精。籠仔蒜香骨飯27大籠男人食醫肚精選，排骨切得剛好，唔大唔細，自己加更多豉油同蒜香，更上一層樓。豆漿8都有豆香，冰凍，唔算話好稀。食後感：唔洗等位，但要等即蒸，想食俾少少耐性等喇。

新開的平民食店, 快餐形式經營, 主打餃子, 點心, 蒸飯, 餃子其實也沒那麼多選擇, 只有6種, 為了款款試下, 點了什併餃子米粉(不過韭王海鮮, 香菇白菜都賣完, 實際上只有4款餃), 餃子爽口有咬感 .小籠包, 肉味鮮, 湯清, 合我個人口味.豆漿. 無味....... (下次可以點其他)