勝博殿日式炸豬排

今日lunch想食d惹味d嘅野 經過見到呢間吉列專門店門口reception好有熱誠咁介紹食物 俾佢sell到心郁郁就入去坐低咗揀咗職員推薦嘅牛肉千層錦同炸蟹餅主菜上之前食咗個沙律先 佢有個柚子沙律汁 幾清爽幾開胃牛肉千層好juicy黑椒味好香 一流個蟹餅都好足料 兩樣野都好餸飯今次呢餐好滿足 下次會再試下其他野食…查看更多

去完朋友屋企玩細路，係奧海城貢吓貢吓唔知食乜好，女友就提議去勝博殿食。鍾意食蠔嘅我叫咗個廣島蠔海鮮餐，大大隻炸帶子，忌廉蟹餅一食就知唔係交貨嚟，炸海蝦夠大隻唔霉夠爽口，最重要嘅係主角炸蠔，唔腥仲要夠Juicy，食完兩隻唔夠喉仲要再叫多兩隻。前菜、湯同飯都可以無限添加，我就好鍾意佢嘅椰菜絲同埋青瓜，剩係青瓜前後都食咗4碟。侍應見沙律菜無會問你洗唔洗加，眼見坐咗大半場，侍應都好頻密咁加茶加菜👍🏻👍🏻…查看更多

#### **🍱 套餐內容：** - **吉列蠔（2大顆）** - **吉列厚豬扒（1塊）** - 白飯、味噌湯、椰菜絲沙律、醃蘿蔔 ---#### **👅 食物評價：** **🦪 吉列蠔** 外層炸衣酥脆不油膩，咬下時有輕微「咔嚓」聲。蠔肉飽滿鮮嫩，帶自然海水甜味，無腥氣。搭配檸檬汁和塔塔醬，清爽提鮮。 **🐖 厚切豬扒** 厚度約2cm，肉質紮實不乾柴。外皮金黃酥脆，內裡保留肉汁，簡單以鹽和胡椒調味，突出豬肉原味。蘸微甜的日式豬扒醬很合適。 **🍚 配餐表現：** - **白飯**：煮得軟硬適中，熱度足夠。 - **味噌湯**：溫潤順口，有豆腐和海帶。 - **椰菜絲沙律**：新鮮爽脆，搭配和風芝麻醬。 - **醃蘿蔔**：酸甜解膩，平衡炸物。 ---#### **💡 整體體驗：** - **優點**：食材新鮮（蠔無冰腥味，豬扒無豬臊）、炸功穩定（瀝油乾淨，無厚重粉感）。 - **份量**：豬扒足夠飽足，蠔的尺寸合理，女性可能吃不完。…查看更多

叫咗個「吉列海鮮三寶套餐」——**吉列蠔、吉列帶子、吉列蝦**，上枱嗰刻真係「嘩！」一聲！金黃色炸衣閃令令，望見都流口水🤤！ **🍤 吉列蝦** — 第一啖咬落去，**脆到「索索」聲**！蝦肉勁彈牙，仲要係原隻大蝦，唔係啲碎蝦膠呃人！個粉漿薄脆唔油膩，點埋他他醬，酸酸甜甜超開胃～ **🦪 吉列蠔** — 驚喜位！蠔身 **肥嘟嘟、爆汁級**！外皮炸到超酥，入面蠔肉仲keep住嫩滑鮮甜，一啲腥味都冇！怕蠔膩嘅人？呢個絕對改觀，我連食3隻都唔夠喉！ **🌟 吉列帶子** — 大佬，**帶子厚過我手指公**！咬落去鮮味直衝喉嚨，外脆內軟好似食緊海鮮版棉花糖～ 個甜味同炸香夾到絕，高級料理feel但街坊價錢！ **✅ 成個set仲跟埋：** - 椰菜絲沙律（清爽解膩，仲可以添！） - 味噌湯（熱辣辣，唔係溝水貨） - 珍珠飯（粒粒分明，撈汁食無得頂） **💥 重點：炸功真係神級！** 全部炸物上枱 **乾爽唔滴油**，放耐咗都仲脆！份量多到嚇親，男仔食都飽到捧住個肚走～ 老闆仲好鬼nice，抵讚！ ---…查看更多

同男朋友係附近行完街見尼間吉列專門店Display d野食好吸引就決定食佢啦坐低睇menu第一樣就見到佢有個廣島蠔睇落好正 又有個2人餐 咁就唔諗咁多就決定食佢落完order轉頭就有職員拎左d沙律前菜同芝麻俾我地 又介紹埋點樣食 好似返左日本一樣咁我地食左d沙律就唔洗等好耐就上左主菜啦 一拎到埋黎 大大碟 睇落好豐富我地第一樣就食左隻大大粒既廣島蠔先 一咬落去 必汁 好熱 熱辣辣 同一時間蠔個種特有既味道就即刻出晒黎 我同男朋友都好鍾意食蠔 尼樣無得頂 但可能我太心急 有少少辣親個嘴跟住再食其他 蝦又係大大隻 配埋個他他醬一流 豬扒又係好正 最令我surprise係個蟹餅 勁creamy超正後面我地忍唔住加多左兩隻蠔另外見隔離枱有個滑蛋鍋睇落都好吸引 下次都會試下…查看更多

幫襯過銅鑼灣店好幾次 咁啱今日有事經過奧海城先發現開咗分店 即刻唔使煩食咩好 做埋D野就可以食個靚飯 YEAH~裝修嚟計呢邊光猛同新好多 整體好舒服叫咗個我好鍾意食嘅千層錦伴芝士豬柳卷 一如以往地都係咁好食個千層錦咬落去又脆又多汁 個芝士卷D芝士流心又拉絲 正! 再配埋個沙律 新鮮 清爽又解膩 一次過滿足我N個願望食物水準真係好穩定 同我喺銅鑼灣食一樣咁好味 食咁耐都冇令我失望過下次經過呢邊一定會再幫襯…查看更多

📍勝博殿日式炸豬排 (大角咀)勝博殿是來自日本東京新宿最大規模的炸豬扒連鎖店。今天充滿期待來嘗試炸豬排飯，但感到非常失望。午市而言價格偏高炸豬排飯的份量細小，口感並不似預期，外皮雖然酥脆，肉的質感偏乾，缺乏鮮嫩的口感，除了椰菜可以無限添加外，賣相及味道也無法提升我整體的用餐體驗。無論在價格、品質和味道上都讓我感到失望。希望這家餐廳會有所改進。———————————————————📍 勝博殿日式炸豬排 (大角咀)大角咀海庭道18號奧海城二期UG樓UG52A號舖————————————————————整體用餐體驗✨味道(1/5)✨環境(3/5)✨服務(3/5)✨性價比(1/5) …查看更多

放lunch同同事經過俾呢間門口display吸引到 所以喺附近幾間入面揀咗佢入到坐低打開個menu d野食五花八門 對我地兩個有選擇困難嘅人好難揀定食咩 所以揾咗職員問下有咩推介 職員好nice好耐心講解俾我地聽 一啲唔耐煩都冇 最後揀咗一個芝士千層錦海蝦set同一個lunch set豚肉生薑燒落完單冇耐轉頭就有人拎住盤野走過黎 我心諗咁快上菜 原來真係上菜 佢個set有包椰菜絲沙律同前菜 跟住職員又同我講解咗d沙律可以點食好 開餐 個沙律菜勁fresh配埋佢個芝麻醬 冇得頂 連我呢個唔係點食菜嘅人都係咁食 野食未上黎d staff見我地食到咁上下又走埋黎幫我地refill菜就喺我地仲食緊第二兜菜嗰陣野食就送到啦第一時間相機食先 影完即刻開餐個芝士千層錦一咬落去爆汁 勁juicy 超好食豚肉生薑燒個調味都係好正 配埋佢d菇同洋葱 冇得頂 兩樣野都勁餸飯 佢飯湯又免費refill搞到我本身減緊肥都食多咗兩碗飯是次體驗十分良好 一定會再encore!…查看更多

這間餐廳的豬扒好食，沙律美味，但處理客戶的套餐有問題。每人一個套餐沙律是無限追加，如果三個人只食兩個套餐，沙律就不能吞添加，我覺得合理。但一人份的套餐是250 gram沙律，兩個套餐的沙律份量是350 gram，當我問餐廳經理點解唔係兩份沙律，他說這是他們的規則，二人份的沙律只有350 gram，我問如果兩個套餐分開點可不可以，他說也不可以！如果兩個套餐分前後點，第二個套餐也只會添加100個gram的沙律，所以我們三人食兩個餐只有1.4份額的沙律。原本每人一個套餐沙律任添加，我覺得這餐廳是非常之慷慨，但如果我們點了一個套餐，沙律份量不只不能添加，重要減少，如此類推如果你10個人食九個套餐你的份量就是更少更少！好奇怪及吝啬！…查看更多

見佢新開冇耐，一家人近近哋諗住試下。關於“食事”收費不多講啦，只怪我冇睇食評先幫襯反正我哋兩個大人叫兩個餐，冇再為同行幾歲小朋友嗌一個餐或加$68食事，所以餐廳冇幫我哋添飯同椰菜. 不過，係想講下佢哋炸豬柳分量細少。原本見佢分大中細size, 叫份大嘅分畀小朋友都應該OK啦。點知嚟到同快餐店炸豬排飯差唔多分量(見圖), 唔敢想象細份會係點。 總括嚟講，下次食炸豬扒都係返去食T*k*c*i, 貴啲都bang for the bucks la.…查看更多

星期日去左呢間餐廳食炸豬扒，點左個2人套餐，有兩塊炸豬扒、兩條炸蝦、豬肉卷同埋蟹餅，前菜、椰菜、麵豉湯同白飯係任添既，飯可以揀白飯或燕麥飯，我哋各揀左一款。食物整體係水準之上，炸豬扒外脆內軟，完全唔會乾或者柴，椰菜都好新鮮，切得好細同埋好脆，落埋柚子醋或者芝麻醬真係好好食，我本身唔鍾意食沙律都食左好多其他食物味道都唔錯。見到有d食評話職員態度唔好，可能我去個時比較少人，又唔覺有呢個問題，反而服務同其他餐廳比仲幾好，杯茶唔滿會斟，見我地d前菜呀椰菜冇咩剩又主動問我地要唔要refill，本身環境都大坐得舒服，下次想食炸豬扒都會再黎呢度食…查看更多

講明先，嚟得勝博殿就係為咗佢哋嘅招牌炸豬排**！叫咗份「日本豚特上豬扒套餐」，上枱嗰陣炸皮脆到「索索」聲，咬落肉汁爆出嚟，唔會乾爭爭，果然係日本過江龍嘅水準。呢個配搭有驚喜，難怪網上話係必食！仲有隻**炸蝦**大過手掌心，蝦肉彈牙跟餐嘅椰菜絲沙律可以無限添，記住試吓日本人教路嘅「隱藏食法」——倒啲豬排醬落椰菜絲度撈勻食，酸甜開胃，仲可以解炸物嘅滯感，真係一絕！不過溫馨提示：椰菜絲同味噌湯要主動問職員添，唔似其他日式店咁自動自覺，但好彩我今次去冇遇過之前啲人講嘅「乞討式服務」，可能佢哋有改善。舖頭算闊落，卡位坐得舒服，我平日夜晚去就冇催過，可以慢慢鋸豬排。**「為咗塊豬排，我會返嚟！」** 雖然聽過有人投訴服務差（尤其係處理「食事」嘅職員態度），但今次體驗尚算正常，可能餐廳有聽意見改進。食物質素真心高，炸物水準拍得住日本本店，價錢人均$200左右，喺香港日式炸豬排店中算合理。…查看更多

At first we heard that it’s free refill for rice and soup. However it turns out to be conditionally. One set for each person. Well maybe that doesn’t sound too harsh. However for somebody that really can’t finish one set and don’t want to waste, don’t choose here. BTW the rice bowl is so tiny. It really makes you feel that you need to think it seriously before sitting down. Especially when you’re in diet and your son really wants to have more rice but in the meanwhile he can’t finish two sets himself.…查看更多

因為見唔到奧海城分店頁面，麻煩admin見到幫幫忙create 返奧海城分店。我最近同屋企人喺奧海城2期的勝博殿用餐，結果這次體驗讓人非常失望。雖然食物很好，但服務態度卻很差。一個原本小誤會卻因為經理既態度⋯入座前我們被告知餐廳設有最低消費和75分鐘的用餐時間限制，但餐廳沒有明確的標示。這導致我地喺點餐時誤解了最低消費原來係指每個人頭（不論年齡及身高）都需要點一份餐。當時我們帶著兩位2歲及4歲的小童，連同工人姐姐三位大人，入座時職員話2歲小童無須最低消費，所以我們點了一份日本豚特上豬扒套餐，一份蘿蔔蓉炸雞套餐，及兩份兒童，共4個餐。手機落單後過了15分鐘都未見有椰菜沙律，見到其他食客都已經享用緊第二輪的沙律，我們有啲confused所以詢問經理彭先生，我們既餐點係咪都會有椰菜沙律？。誰不知，佢既答案竟然係反問我地「你地係咪有一個人唔食？」這個問題令我們更加confused所以我們想佢再clarify。然後佢話「你地5個人哎得4個餐！喺門口已經講咗你知每人要哎一個餐！」然後我地問「咁依家我地要點樣做先會開始上菜？」經過一番討論，原來無點夠人頭份量的話可以以人頭計加購$68「食事」去享用椰菜沙律，miso soup同白飯。我地都ok呢個option，經理幫我地加咗一個食事之後，就上咗椰菜沙律。然後我好奇詢問經理如果我地剛才唔主動詢問，我地會等幾耐佢地先會上沙律時，經理竟然好不耐煩咁話「你地哎唔齊，我係唔會俾沙律果啲你地！」其實佢地又無確認訂單，見到我地無點夠人頭既餐數又無主動問我地係咪點漏了，但又故意hold起唔上菜，真係唔係好明白呢個處事手法。所以我地都問其實公司policy係會一直唔問客人直至我地自覺被故意冷落而自我反省係咪無跟足最低消費既要求，然後要客人主動認錯先會上菜？ 佢既答覆係「等到主菜上得我就會問你」然後佢都無俾機會我答佢佢就走咗去！個conversation都未完！同埋大家留意如果真係選擇咗餐牌上有供應「食事」呢個選項，係會被職員冷落同歧視架！你要再三乞求先可以享用食事既食物。因為上面對話發生後，我地總共兩個大人餐，兩個兒童餐，同一個食事，最終只係上了一碗miso soup。問職員係咪食事果位人頭都會有一碗湯，佢話「兩個餐有兩碗湯，兒童餐係無，依家補返一碗俾你」「好的明白，咁食事果個係咪都可以有一碗？」「食事果個係唔洗錢就有湯飲，你要先落order啦」然後就即刻走咗去。其實都係想大家一齊可以飲淡湯姐⋯到真係得手閒用手機落單miso soup，又係等咗好耐都無⋯所以最終都係要問職員攞。此外，我地亦留意到職員團隊唔會主動加添椰菜俾我地呢枱，又係要問先有，而其他枱佢地係主動su枱去問要唔要添。其實如果「食事」呢個選項餐廳唔係噤願意提供的話不如直接唔好offer啦。噤passive aggressive既行為好令食客感覺好差。我希望Saboten能夠在未來改善客戶服務，因為見到食物噤好既餐廳因為服務差而令食客卻步，實在令人遺憾。…查看更多