勇記海南雞

最近中海日升新开咗间食海南鸡饭既, 日日lunch都排晒长龙, 尤其个椰子鸡汤跟餐送既, 仲要送完即止, 呢到手机落单, 手快有手慢冇, 迟一步下单分分钟乜都冇, 我讲既系个汤! 由于新开试业, 暂时只提供鸡饭, 其他喇沙/米线/捞面/玉骨茶都未有住, 另外有二人餐(海鸡半只, 墨鱼饼/香辣鱼饼/泰式鸡枣 三选一, 麻辣手拍青瓜, 油饭/白饭两碗, 送椰子鸡汤或热桂花乌龙茶) 而四人餐(海鸡一只, 墨鱼饼/香辣鱼饼/泰式鸡枣 三选二, 麻辣手拍青瓜, 油饭/白饭四碗, 送椰子鸡汤或热桂花乌龙茶) 呢到地方都好大, 大部份四人枱, 如果多人去的话lunch时间多数要分枱坐, lunch时间12:30-2:00 都好多人排队堂食同外卖呢到系一只鸡既份量, 卖相都唔差既, 味道咸咸地, 肉质劲嫩口, 就连鸡胸肉都唔系好鞋口, 不错四人餐小食拼盘, 鱼饼辣辣地几好味, 墨鱼饼爽口弹牙, 猪扒肉腍手拍青瓜味道偏咸外卖款海南鸡饭外卖款沙姜鸡饭, 其实都系海南鸡, 只系多咗沙姜酱外卖款麻辣鸡饭, 麻辣酱闻落好香, 似曾相识既谭仔麻辣猪耳味, 但味道咸多过辣外卖款葱油鸡饭, 油浸鸡一样太多油, 味道都唔差既总结, 两次都话椰子鸡汤卖晒, 明知多人流既应该整定多啲份量啰, 令人白走一趟, 相信会隔一两个月后先再去食, 本身想去试个喇沙, 手机落单话售罄, 细问侍应话未有提供, 可能新开两星期左右未有咁多人手供餐, 所以只卖鸡饭先, 坦白讲又未去到话超好食, 我觉得可以一试啰, 加上价钱平嘛, 同区又冇乜餐厅专食海南鸡饭, 原本佢隔离以前都有间卖海南鸡既不过执咗…查看更多

上个礼拜去咗观塘嘅中海日升中心入面嘅勇记海南鸡食海南鸡。有唔少巴士都可以到达该带，交通方便。呢度最出名就梗系海南鸡啦主打古法滑鸡，绝不滑稽。海南鸡嫩而不嚡，油香四溢，绝对系好食嘅海南鸡。而椰子鸡汤亦都非常好饮，采用好多嘅鸡壳，同埋10只椰子， 10只红萝卜煲出嚟的。椰子鸡汤鲜甜可口，冇落味精，饮落唔太咸。炸墨鱼饼都几好食，值得推荐。呢度所有嘢都系二人餐来的，盛惠$170 。总括嚟讲，呢个价钱有咁多嘢食都算抵食，环境和服务都不俗，而椰子鸡汤嘅味道真系非常之好，海南鸡都好嫩滑，好好食，推荐钟意食海南鸡嘅朋友过嚟试吓啦。…查看更多

起而家呢个时代无电子支付真系争啲，基本上而家嘅香港人都好少带现金，仲要你开起观塘呢啲咁多写字楼嘅位，好多人见到净系可以现金支付都即刻掉头走🤦🏼‍♂️不过嘢食方面系真系好食，搞到我要特登去揿钱先食到😢…查看更多

之前食过上环分店已经觉得10分唔错，今日就试吓观塘分店。必点椰子鸡汤，海南鸡饭会附送汤或热饮，推荐一定要拣椰子鸡汤，因为呢个汤一啲都唔Hea，饮到椰子鲜甜味个汤唔会好稀，系用真材实料煲，食一啖海南鸡饭再饮番一啖汤真系可以解一解油腻。至于主角海南鸡饭，今日嘅海南鸡又不至于好嫩滑，肉质可以，油饭亦都正正常常。总括嚟讲，会因为个汤而再嚟食，海南鸡饭$58一份包埋椰子鸡汤冇投诉。下次会想试吓呢间舖头嘅肉骨茶。…查看更多

几年前已经想食。亦都曾经两次去红磡尝试寻找。但店铺位置比较难找，第一次去找了差不多半小时也找不到店铺。第二次因为有第一次的经验找了十多分钟便找到，但可惜已关门可能已经卖晒。结果一拖又拖直到最近知道观塘有分店。专门下午再去一次。买了原只海南鸡加一个汤。原本想要沙姜酱但沙姜酱冇，所以只系选咗葱油汁同泰式酱汁。葱油汁一般大路货没有特别，但泰式汁惊为天人。食咗咁多年泰国海南鸡，呢个就系最好嘅一个泰式汁。微微少少辣同埋合适的香料味道。无论送饭捞面点鸡都系无敌。另外个汤都好好味道，但系加九文只得一碗咁细嘅汤。目测汤水可能连200毫升都冇。装汤个碗细到人哋其他店铺只系用嚟装汁酱，我宁愿去佢加多十零文畀返一碗正常份量嘅汤。至于主角海南鸡。绝对系名不虚传。煮到鸡肉全熟嘅情况底下仍然有这种嫩滑度。连鸡胸都及得上其他店铺嘅鸡髀肉嫩滑程度。实力非同小可。唯一缺点系鸡味不足。但呢个都冇办法，应该系同只鸡有关系，同厨师嘅功夫冇关系。自从当年禽流感发生之后都好少食到有鸡味嘅鸡。整体嚟讲呢个价钱哩只鸡值得食。个泰式酱更加系能够画龙点睛。一定会再买，到时试下个沙姜酱睇下得唔得…查看更多