影片
食家推介
招牌菜
一直都有留意开同试下唔同嘅手冲饮品舖头，今次呢间位于西九龙中心嘅加点茶有几有惊喜，除咗味道唔错之外仲好大杯，值回票价！呢度小店经营，虽然冇乜太多装修或者宣传，但结果发现佢嘅人饮品几唔错。选择比其他大牌子既冲调饮品店多好多，最后谂咗两谂决定试下舖头嘅招牌奶盖芝士系列，试左芝士奶盖芋头鲜奶。鲜奶见到佢用既系靓既鲜奶，而唔系冲奶粉。而且佢嘅芝士好厚，咸咸哋好滋味，饮之前可以打开盖试左佢既芝士先！而芋头佢唔会太甜，但系又好重芋头味，好有咬口！
继续阅读
好耐无去过西九龙中心发现好多新嘅小店，特别系手冲饮品舖头，今次要介绍吓加点茶。舖头门面虽然唔大，但系发现佢嘅手冲饮品有几有惊喜！餐牌选择都几多，仲有一杯啱你口味。个人黎讲，十分推介佢哋嘅芝士奶盖系列。我叫咗一杯芝士赖盖云石芒果鲜奶，面头既奶盖欢士好厚，一啲都冇偷工减料，而且稠度刚好，唔会太水太稀。而芒果味都好Flash唔会太甜，同咸咸地既芝士奶盖又几夹！大家有机会嚟西九龙中心不妨都可以买杯试吓，份量都几多，大大杯好抵饮！
继续阅读
今日同朋友去有好多童年回忆既西九龙商场觅食，入面大部分都无乜点变😂系多左苹果商场同food court，有好多不同种类既小店😀我喺苹果商场见到’加点茶’有九折优惠，饮品选择非常之多，我最后拣左杯云石草莓鲜奶沙冰，因为天气真系太热了！😋😋实物同相一样吸引，有粉红色既云石纹！仲几好味添！草莓鲜奶既味浓，唔会太甜，又够冻！😋😋夏天饮沙冰真系无得输，非常消暑解渴！😋😋可以encore!😋😚
继续阅读
🔸加点茶📍西九龙中心 深水埗站步行5分钟实在太耐冇黎西九啦🤣读书时期既回忆今次因为订左野所以过左黎作为台式饮品爱好者，平时行街买返一两杯是必须的！佢系系西九5楼，lift口果边，系一条巷仔入面巷既前面有块吊牌，所以都唔难揾装修简单，一边落单另一边就系拎野饮门口有menu，野饮选择超级多，但系价钱都好亲民，最贵都系$3x 今次叫左呢杯 芝士奶盖云石草莓鲜奶价钱已经好吸引，拎得果阵吓左吓，估唔到原来仲咁大杯🤧冲得好靓真系云石咁💗好适合打卡奶盖好厚，奶味较芝士味重，而味道都冇出面海盐奶盖咁咸士多啤梨酱唔会过甜，饮落有粒粒果肉，真材实料同埋饮得出冇额外落糖浆，感觉比较健康饮鲜奶类饮品最罩忌系太多冰沟到d奶变水咁但呢间既冰量唔多，值得一赞～见到佢仲有自家制4.3牛乳奶冻仲有得配唔同配料😚下次再试～
继续阅读
最近可能真系天气热🥵🥵🥵成日行街都会好想揾嘢饮～黎到西九龙中心苹果商场入面原来唔系剩系得格仔铺！竟然仲有手摇😋😋😋见到个Menu有好多选择！！有净茶 有奶盖 有果茶 珍珠奶茶等等因为最近沉迷紧芝士奶盖🤣🤣🤣所以见到就忍唔住叫咗个芝士奶盖芒果云石鲜奶🤍🤍芝士奶盖云石芒果鲜奶叫完先发现芝士奶盖平时多数都系配茶 但系呢个系配鲜奶～都担心咗一阵会唔会好腻/饮完会好饱～～但系饮落就发现冇呢个问题！芝士奶盖少少咸味～ 好似食紧芝士蛋糕咁😍😍😍奶盖嘅浓稠啱啱好 唔会过咗一阵就溶晒落个嘢饮到！芒果鲜奶竟然好夹～ 又食到芒果肉🥭🥭🥭杯嘅设计仲好贴心！除咗有饮管位仲有多一个位俾你饮奶盖！！真系唔系间间有得饮奶盖嘅地方都有呢个设计🥹🥹🥹如果唔系成日就要揭起个盖/饮到最尾先饮到奶盖。。。
继续阅读