164
65
212
| 餐厅: | 加太賀 |
|---|---|
| 资讯: |
为鼓励食肆透过提供食物份量选择和采取减少厨余措施，与顾客共同从源头减少厨余，环境保护署推出了「咪嘥嘢食店」计划，参与食肆如符合评核准则将获「咪嘥嘢食店」认可资格和获发「咪嘥嘢食店」的标志及标贴，以供张贴於店舖内和宣传，供顾客识别。此计划全年均接受申请，申请费用全免。
详情可浏览：https://www.wastereduction.gov.hk/zh-hk/waste-reduction-programme/food-wise-hong-kong-campaign
港铁土瓜湾站D1出口, 步行约8分钟
继续阅读
电话号码
27646436
开饭介绍
加太賀作為一間日本料理店，可算是抵食夾大件，特別是那個$128 套餐，值得一試。
继续阅读
附加资料
外賣送貨只限消費滿$1000或以上
营业时间
星期一至日
11:30 - 23:30
以上资料只供参考，请与餐厅确认详情
好多年前來過，那時候的餐很好食，外面裝飾又好睇。以前朋友來香港，我都一定帶他們去加太賀食日餐。今晚我獨自去回味一下。 呃，以後不再去了。。。中伏食物：看了本菜單好多次，價格貴了好多，有些菜都沒有了。點了個海鮮炒飯。超級無敵大的一碗飯，裡面有魷魚，沒有其他海鮮了。不如改名叫「炒魷魚飯」啦。無語。。。碗飯好乾，食左半個鐘。唔掂，好唔掂。 仲有，價格好貴，唔捨得點嘢食。同價在其他日餐廳可以吃很好了。服務：個經理幾有禮貌。但係在用餐時，後面站了兩名女服務員，不斷聊天，好吵好吵。大姐啊，我對你們的生活八卦毫無興趣，那麼大的餐廳，能讓我安靜地用餐嗎？至於服務，沒有服務。環境：外面條街的裝飾靚。除此之外就冇嚕。好失望。
继续阅读
加太賀 (紅磡)紅磡崇潔街37號地舖今日嚟到紅磡一間出名嘅日本壽司店🍣蒜蓉牛肉薄燒$68一攞出嚟已經好大浸蒜蓉味，牛肉薄得來都好牛味😍，呢個價錢有咁嘅質素真係性價比高金箔花之戀刺身船$380淨係個外貌都已經係非常值得打卡，刺身船入面最好食嘅我就覺得係三文魚係非常之鮮味，而蝦都係大大隻，仲要有咁多件赤貝壽司$38平時出去食嘅赤貝壽司唔多唔少都有腥味，呢一間嘅赤貝壽司出奇地好食，最重要嘅係冇腥味，令人食指大開😋芥末八爪魚壽司$33好鮮味嘅八爪魚，再加埋芥末完全係Perfect match 😍🐠火炙三文魚壽司$50三文魚表面有少少用火燒過令到三文魚更加香🍣令人忍唔住食多幾嚿
继续阅读
呢間加太賀簡直係童年回憶，細個成日嚟食當時好旺場要等位，成條街好有氣氛🏮唔記得從幾時開始就冇再幫襯今次黎都係因為屋企人提出雖然依家不及往時，但覺得佢裝修完之後靚咗餐牌冇乜點改，只係價錢貴咗，尤其佢哋最出名嘅「花之戀」，由$5X變到$82我哋叫返之前啲「例牌菜」，重拾回憶之餘，可以比較一下質素▶️ 海鮮燒餅 ($98)樣似pizza，口感似中式薄罉入面加咗海鮮魷魚粒，面頭灑上木魚碎、沙律醬、燒汁、青蔥呢個係細個每次嚟到必點，印象中好食可惜今次薄餅整得太厚，食落好粉🙁材料亦唔夠足，口感比較寡，有啲失望唯一係薄餅燒得幾香，帶微微板燒味▶️ 幻の彩虹刺身卷賣相超靚仔🌈一條八件叫彩虹刺身係因為面頭分別有吞拿魚、三文魚同蝦刺身卷物入面含牛油果同蟹柳刺身食落新鮮，牛油果夠香同軟熟🥑壽司飯質感唔錯，仲有唔少蟹籽略嫌沙律醬落得重手咗啲▶️ 大蔥雞肉串 一客兩串，雞肉之間夾雜洋蔥片雞肉軟腍🐔用咗鹽同黑椒調味，旁邊亦有醬油可以點洋蔥燒得香口爽脆，不過雞肉就燒得一般般，欠缺串燒炭香味▶️ 芝鰻卷 ▶️ 鈴鹿軟蟹飯卷x2▶️ 香蔥蟹籽牛肉卷x2又係每次嚟到必叫之一，比以前細件咗，不過味道保持到牛肉唔會太肥，香蔥口感爽脆又惹味我哋叫咗兩份🐂▶️ 燒三文魚扒定食 ($92)自己叫咗一個定食🍱夠晒豐富中間有漬物，應該係醃青瓜，味道好酸然後有一堆椰菜，落足油去炒，幾有鑊氣🥬飯嘅份量可以分到兩滿碗🍚用上珍珠米，口感幾好，仲落咗照燒汁燒三文魚扒有驚喜😍燒得啱啱好唔會過熟，肉質鮮嫩，保持到三文魚油香味🐟仲要完全冇骨！都有落照燒醬、青蔥、芝麻粒，醬料唔會蓋過三文魚鮮味最後仲有搣好咗嘅半個橙，又甜又多汁🍊呢個定食冇叫錯，推介！▶️ 日式炒烏冬 ($78)份量望落好多，不過其實主要係雜菜雜菜包括椰菜、芽菜、紅蘿蔔絲、洋蔥烏冬炒得太濕，令烏冬欠缺嚼口，有啲一pat pat嘅感覺🤥勝在炒得唔油膩，調味充足又唔過鹹，雞肉份量多▶️ 雪米糍 飯後免費甜品，每人一粒係維記出嘅雪米糍，獨立包裝細個食最開心就係抽到自己鍾意嘅味道😆 (芋頭／綠茶／黑芝麻／荔枝都好食)今次爹哋出招，直接同侍應講話想要芋頭味，佢即刻換咗五粒俾我哋haha▶️ 和風牛扒定食 ($98)▶️ 鰻魚定食 ($138)▶️ 燒年糕 ▶️ 牛肉炒雜菜 ($98)-我哋叫咗超多嘢食，叫到連啲侍應都叫我哋停手，食完先再叫，驚我哋食唔晒😂卷物好出色👍🏻絕對值得叫多幾款試，香港本身唔多日本餐廳做到咁多花款，仲要好食燒三文魚都好味，燒餅同炒烏冬就差咗啲今次因為多人，訂咗枱，俾咗間獨立tatami房我哋，好和風feel，坐得舒服又有私人空間～服務唔錯，有服務鐘可以撳去叫人，唔驚冇人理你上菜速度快，叫咁多嘢都冇上錯或上漏性價比高，全部大大份，預咗分享，我哋七個人叫以上食物，平均$200/人，好抵食唔明白點解openrice咁多劣評😢雖然未必比得上舊時好食，但個人覺得唔錯，幾值得食！希望佢會繼續做到落去啦！
继续阅读
疫情後，首次到訪。一疊腳到“加太賀”街道及食場氣氛已經被佢吸引😍，街道佈置及侍應的服飾笑容，已經感覺到日本情懷，情緒即時高漲😚先來一隻刺身船，有吞拿魚、油甘、甜蝦、帶子、三文魚、魚子.....每一款入口都感覺新鮮甜美再來龍蝦卷、蠔餅、壽司、天婦羅、炸帶子....天婦羅脆漿，非常香脆可口，美中不足係蠔餅，媲美潮汕蠔餅真是天淵之別。再來一客日式炒烏冬及鰻魚炒飯，真係大飽口福，結帳都是當年風格送上雪米糍。
继续阅读
假日想周圍行下，上網見到加太賀呢間日本料理，個景有點似日本，但食物好似幾伏...諗左陣唔試過又唔知咩料嘅，甚少去呢頭順便行下。去到加太賀，有點兒迷惘，因為差唔多成條巷都係加太賀，似乎有幾個area，店外佈置上帶點日本異國風情，同一時間又好多人係條巷打卡影相，睇真啲似乎係旅行團(最後發現真係有呢個團.......)。行行下見到門口有個侍應即帶我地入去。內堂面頗大，裝潢甚有和風之感，坐的是卡位，感覺闊落舒適。餐牌，出名是花之戀，假日的午市時段，有Set lunch。雜錦魚生飯定食，$62。見到個賣相，大約都估到咩料，刺身份量適中，但乜冇味，真係一般。跟餐的漬物及味噌湯。三文魚骨，跟餐+$12，太油，口感有點硬同唔太香口。環境取勝，食物味道一般，價格正常，服務態度幾好。既然來到就周圍影下先。
继续阅读