加勒比餐廳 (已結業)

呢間餐廳係朋友介紹，話喺元朗算係值得推介嘅一間！喺星期日晚市無book位嘅情況下walk in都有位，安排咗一個唔錯嘅位置，個侍應仲好貼心咁問我要茶定要水，有得選擇，唔錯餐廳內有好多好多佈置，暗黑嘅環境都幾好feel~我地點咗兩個餐，前菜有兩個選擇，一係炸蝦，一係salad，我地都選擇咗salad~佢有紅同青椒喺裡面，唔係我鍾意食嘅嘢！不過，佢分開咗醬汁，落幾多，可以自己話事！餐湯例牌有紅同白湯選擇，只要加$15就可以轉酥皮湯，好後悔自己無加到，有酥皮的確香好多，而蒜蓉包都好夠味，仲係暖笠笠架！唔會又乾又硬，該脆嘅地方脆，該軟嘅地方軟，從咁微細嘅地方就睇得出係一間有heart嘅餐廳！點咗個7成熟肉眼牛扒，見佢有個靚靚格紋，好養眼呀！可惜幾大範圍(大概1/3)都係幾韌，係肉嘅質量問題?!牛可以食到唔算好大範圍，但伴碟有薯仔同豆，都好飽肚！另外，點咗個ribs，估唔到咁大份，足足有8條骨，可以share吓仲要幾厚肉吓，我一個人肯定完全食唔哂~以上兩個主菜嘅伴碟都想講一講，一般都係用水焯熟，但佢應該係油泡過，所以……我扣咗佢分！本身食咁多肉，都想要返伴碟嘅菜/豆/瓜平衡一吓，但佢咁油！完全失咗意義！餐茶都係一般喇~…Read More

上次吃了燒烤羊架，好吃，肉嫩多汁，不羶，炭烤滋味。今次吃西冷牛扒，同樣香烤肉軟，肉味濃郁，薯條也很好吃。黑椒汁正！元朗區內炭烤扒類之選，老牌子的餐廳，懷舊情調，座位比較逼狹，但還算舒適。…Read More

5.1假期難得約埋幾個舊朋友，去元朗食個Brunch+吹下水 約好12點正到一間舊式西餐廳。舖頭格局依舊細細間，但食客都唔少。可想呢間野都唔差得去邊 抵食 LUNCH SET 可配餐湯+餐飲 凍飲仲唔洗加錢添 坑燒西冷扒配薯菜 (medium) 賣相不錯 切開是粉紅肉，師傅真係做到medium。咬落肉質尚可、唔韌，仲有少少肉汁。另外，可能是舊式西餐廳關係，杯凍咖啡超掂 (一定唔係咖啡粉開出黎) 總括黎講，雖是舊式西餐廳，空間感細細，但價性比高，埋單仲唔洗加一添 真係蔗渣價錢，燒鵝味道…Read More

The food looks and tastes like average pub food in Australia. My chicken was good but my partner thought his steak was tough. They have an English and Chinese menu, offer set meals (starter, main and drink), and serve alcohcol. Service was fine. When we went for dinner, it wasn't busy but we may have been a bit early. I found this resaturant when looking for latin american food but I wouldn't describe the food as mexican or latin american.  Its more like pub food - steaks (drowned in sauce), pasta, seafood.…Read More

今日襯週末同未婚夫黎試一間元朗餐廳入到去原來有駐場歌手演唱經典金曲有野食有歌聽係香港真係少有我地叫左份刁草三文魚做頭盤又真係整得幾靚又有心思個酥皮湯又脹卜卜之後主菜嗌左燒雞（店員推薦的鎮店之寶）一黎到就香噴噴半隻雞半個鐘都冇就食哂另一個主菜係大蝦燴飯隻蝦同我手掌一樣大個飯撈埋啲香草十分香口真係幾惹味我地仲試埋另一款小食煮青口好好味，冇失準啲青口夠哂入味喱間咁有誠意既餐廳真係值得推介本身住元朗既更加唔好錯過…Read More

聽講加勒比餐廳係元朗好出名同開咗好多年，所以今晚嚟試吓。今晚叫咗燒雞同埋飲咗杯咖啡。咖啡好香好飲推介燒雞又香又滑，真係好好食，下次一定再嚟食今晚有歌手唱歌好聽又可以點歌，星期六晚同星期日晚先有得聽…Read More

呢間屬於較舊嘅西餐廳， 裝修比較舊 ，但食物質素可以 ，而且算抵食。当日我係做电話预约訂位，所以不用等侯！ 餐廳有個招牌燒烤套餐， 但係睇過他分量太多， 所以冇選擇到， 如果下次多人啲 一定會試下呢一個燒烤套餐！ 因為我發覺佢嘅份量 差不多足夠三個成人 ！而呢次去 ，各自選擇咗一個扒餐， 甜品就係心太軟！ 原因可能係扒房嘅關係 ，所以點嘅扒餐套餐， 牛扒同埋羊扒都非常之好食 套餐之前當然會有個餐包畀你 然後就係蘑菇湯 蘑菇湯都做得非常之好味，前菜有沙律或炸虾選擇，都幾好味 牛扒同樣羊扒就各叫咗五成熟 牛同羊同樣味道都非常之好，值得推介 套餐会包嘢飲，我就嗌咗咖啡，味道香濃甜品就另外再嗌嘅 ，我點咗心太軟 ，需時大約等候20分鐘， 另外再加十蚊就有雪糕配上 甜品嚐還可以 整體嚟講 我會推介呢一間餐廳 環境雖然舊啲 但係食物質素 加價錢 係推介之選…Read More

今日行過入去試吓個午餐，都好多款選擇，我選咗坑燒豬肉眼扒，以為份量好少，食落都夠飽，豬扒有2 塊，size比想像中大塊，味道幾好，無雪味又唔硬，不過汁唔夠，攪到個意粉齋咗d.餐廳細細都幾迫吓，不過就有點懷舊feel, 服務一搬，但有人搭枱前都有問我可不可以，懂得尊重值得加分，午餐免加一，凍飲不用額外加錢。…Read More

其實這間餐廳已經來過幾次，覺得環境不錯，食物又好，而且會有歌手彈琴唱歌！勺草三文魚不錯😍，平時去日本餐廳吃三文魚刺身通常點豉油，這個不用汁，是另一番風味！跟住叫了酥皮龍蝦湯，好好味😍最出名應該是燒烤拼盤，見幾張枱都有叫，而且份量幾多，二塊牛扒，二塊豬肋骨，腸和沙律！二人吃都會吃到好飽！…Read More

被簡約又好像有點特色的名字所吸引，於是一嚐其晚餐:)本以為星期六會座無虛席，需訂位，幸好還有「近廚得食」的一角小空桌😂🙄（不過真的有點太逼在沒有性價比最平穩的晚餐餐牌的供應下😑，我們點了兩個廚師推介餐——頭盤有炸蝦和田園沙拉，前者香脆，後者菜葉偏苦不過白湯幼滑羊脾（六成熟）肉質有嚼頭，味道不錯，不過有點烤焦的關係，帶苦⋯⋯大蝦配特色飯（忘了名字），不俗，飯混合了似是羅勒葉的香料～有特色！:)晚上有駐場歌手顯唱互動，聲線有點像關心妍～和情侶來的話真的有氣氛啊～不過結帳時侍應似乎不在狀態，面色不怎麼好，少許掃興:(…Read More

南瓜粟米汁龍利柳意粉 👍👍(5分滿分)雖然條🐟咁擺好似好靚咁😤但我都係比得兩個like😤👉魚係幾入味既 但好細條厚皮兼好薄👉意粉又係好小 👉汁又吾夠撈意粉 因為意粉無味嫁😯⋯⋯👉配菜仲有生水😧總括而言 吾值得我熱到傻仔行幾條街去食由於太吾飽 去第二度食過😙------------------------------香草雞排意粉配黑椒汁👍👍(5分滿分)👉雞 真係無乜味😢👉意粉 真係太小總括而言 我第一二次食個陣好好多😢 上一次食 ‪#‎墨西哥‬ 雞柳飯👍👍👍👍👍 (5分滿分)⋯⋯我上一次食最平既A餐 又大碟又入味😢反而平d既A餐仲好食過排餐😂…Read More

家裏長輩生日，為了選擇一間比較特色的餐廳，元朗是最好不過。剛好另一位長輩提議這家加勒比餐廳，粗略睇過OR 嘅介紹，看似不錯就一齊決定嚟試下。去到個門口，一睇就知道係九十年代扒房樣啦。唔好講少，睇唔出平民扒房會有明火烤扒:)價錢合理，想食中低價扒都係一個好選擇…Read More

相隔一個月再黎, 今次係食晚餐, 訂咗枱8:30,去到大約等咗10分鐘有位。我哋6個人一座底就叫咗一個燒烤拼盤同一隻燒羊肶,我掛住個宋湯,梗係叫番個黎飲啦, 仲有個蒜蓉飽跟,不過個湯好似無上次咁好味啲男人唔飲湯, 飲啤酒燒烤拼盤有2件安格斯牛扒、2件巴西豬肋骨、3條墨西哥辣肉腸、3條昆布蘭腸同4件麥比得包同田園沙律,我哋次次黎都叫呢個。個燒羊肶要等成個幾鐘先至有得食,訂枱嗰陣唔記得落埋ORDER,好肚餓, 唯有叫住其他嘢食住先。叫咗個法式忌廉汁藍青口,啲青口好鮮甜,個忌廉汁好好味,食完青口連個汁都飲鬼埋叫咗個燴牛尾,啲牛尾炆到好林, 個汁好濃好好味, 如果可以加個白飯落去食就正終於等到燒羊肶黎喇, 好大隻,肉質好嫩, 我哋要5成熟, 所以中間嗰啲仲有啲生生哋,老板娘叫我哋砌咗出表面嗰啲之後再幫我哋燒多一次食完隻羊肶就梗係要叫啲甜品食吓啦, 叫咗個紐約芝士餅同心太軟,原本以為個紐約芝士餅係硬身既, 黎到原來係軟身既, 有啲失望。心太軟好正,味道濃郁又唔會好甜,呢款要預早少少落order, 因為制作需時呀今日係星期六, 有歌手彈琴唱歌,不過今晚唔係平時我哋見到嗰個男仔唱, 換咗個女仔, 後尾問老板娘先至知原來個男仔係星期六黎, 個女仔係星期日黎, 今日係個男歌手有事無黎, 由個女歌手頂替, 我哋未試過星期日黎, 唔怪之得無見過個靚女啦,佢把聲好好聽,唱英文歌、國語歌同廣東歌都一樣咁好,成晚聽出耳油添…Read More

平時都係夜晚黎加勒比据扒, 之前見到啲食評啲午餐好抵食, 今日終於有機會黎試吓。  我點咗個坑燒豬肉眼扒餐配羅宋湯, 我老公點咗個坑燒牛肉眼扒配白湯, 大家都係要茨菜。  個羅宋湯,夠酸又夠濃味,好耐無飲過咁正既,依家諗起都好想飲。麵包條味道一般不過就夠脆我個坑燒豬肉眼扒有2大塊,好香燒烤味,肉質夠林又好味我老公個坑燒牛肉眼扒,5成熟, 同樣係好大件同幾厚吓, 好過早幾日去安娜食嗰啲又薄又細件,呢度價錢只係貴少少但係質素好好多喎…Read More

是是旦旦搵間坐低食個DINNER見無咩人, 其實入去都擔心唔好食或好貴但見氣氛OK所以試下朋友叫了雞排, 我叫了牛排碟上, 個樣都整得幾靚, 佢既牛排係一大件CUT出來, 並唔係一件煎出來的半生熟, 中間仲有小小血水, 邊就全熟即係外硬內軟, 有牛味, 有肉既質感可能因為係平日啦, 我地座左2個鐘, 其見3圍台台唔多, 服務好好, 又有禮貌會再去…Read More