影片
招牌菜
食记 (16)
14-11-2009食完茶餐厅周围行吓, 行到攰揾路嚟呢度饮杯嘢, 因为睇了饮食杂志的「荃湾‧秘店」介绍呢度的心太软觉得几吸引 叫了一份心太软 ($18) share 食, 另一人各自一杯饮品.先嚟我的热 caffe latte (好似 $25), 面头划了唔知系乜的 latte art 闻落几香, 奶泡稠密但较薄身, 咖啡算滑但酸度奇高, 落了点糖仍然无补于事, 唔太喜欢.朋友的热朱古力卖相水汪汪, 饮落亦然 但其实朱古力阵味闻落系不错的啰, 点解要用水冲又唔落奶? 心太软就好睇多过好食 -- 焗得香喷喷, 但 serve 时底部已开始漏浆? 蛋糕略嫌干了少少, 食落较实, 不过朱古力味 ok; 流心度一般, 因为朱古力浆质地太杰了, 浆口到黐住喉咙 朱古力味 ok, 但甜度稍高, 加加埋埋其实唔算好食. 不过只卖 $18 仲想点,「唯有」收货吧.食物一般, 可幸 cafe 环境几好, 型格得来好舒服, 有点 Kubrick feel, 系几好坐的. 每人放低 30 几蚊, 可以一坐, 不过 as with 其他楼上 cafe, 食物就唔好抱太大期望了.
继续阅读
睇杂志见到呢间隐世cafe,见到个心太软张相好得,搅到甜品味蕾呼召我上去食,食完两次后得一个结论,佢地越做越好,无论系环境定服务质素,都俾上一次好。唔记得好似一个星期五,我同我旧书友仔谂住上去试吓,响楼下按钟几下,终于有人应,一开门,有个好好笑容嘅女仔话唔好意思,问我地几多位,跟住带咗我地上楼....上到去听到叮当先知个door bell 响入面,我地都唔好意思(因为按咗好多次)嘻嘻.... 一入门口听到有人讲粗口=.=旺角feel....无奈...个女仔示意我地坐台上面张sofa(因为个厅好多psp机友),坐底之后立即想走...太嘈 !唔系我想像中咁宁静同可以吹水嘅地方..但系真系好想食个"心太软",所以唯有"忍"...食呢到嘅心太软,系闻住d香味泥等嫁(因为即叫即焗),入口甜味同温度都啱啱好,不过唔系太流心,加埋杯梳打,ok啦~我地坐咗一个钟度就走啦,临走时我同佢d人讲话太嘈杂,我谂我无下次,除非免费食心太软啦....佢地答我会跟进,之后送咗cupon俾我地,又『唔好意恩』!本来谂住以后唔去嫁啦...上个星期突然我个妹话想去食饭,原来我个妹话佢d同学上咗去食cheese cake好食,叫佢去试...咁唯有再去啦(不过系星期三)~确实佢d甜品真系几吸引我....今次我带埋上次张cupon上去,原来系用泥free一杯野饮,我只系俾$食心太软,而阿妹就食咗个肉酱意粉餐同蓝莓芝士旦糕,佢话好味,但系今次我就享受呢度嘅音乐同花茶嘅绝配~最终我发现原来班机友坐咗入vip房 !呢到d人果然意见接受,态度快手 !相隔唔够一个月,心太软流心多咗,环境舒服咗,咁先值得我提笔一赞 ! 下次再试埋佢个甜鸡翼先 !
继续阅读
第三次来到这个 Cafe，这个地方，有著不错装修、很雅致、舒适写意，感觉很好。最特别是这里的心太软，味道很浓，能做到有流沙感觉的楼上Cafe不多，值得一试 。服务好好... 不过好似人手唔多，辛苦晒佢地~总括黎讲我觉得呢间 cafe都 ok既，一定会同朋友再黎
继续阅读
因为老同学有点事，相约出来聚一聚，倾倾计；大家既然都是「荃青之友」，上纲找了一轮，这家位于熊猫酒店对面的cafe, 似乎是个坐坐倾计的好地方。的确好坐；店里以梳化位为主，桌与桌之间距离颇大，空间感很足，坐得相当舒服，可说暂时以光顾过的楼上cafe来说，最舒服的一间。食物和饮品质素又如何呢？饮品选择也甚丰；在其中一页看到是"smoothie" 系列，教最爱喝smoothie 的太公双眼发光；不过在点菜时，侍应告诉这只是沙冰，自是大失所望；不过，最后还是要了一杯「蓝苺芒果沙冰」，这冰沙确滑，芒果的甜味中透著蓝味的酸味，虽不如smoothie 般质感浓厚，但也不错喝。再要了个心太软 - 心太软的心不太流，朱古力也不够香浓，而且 不能配雪糕吃，难以教人爱上它。倾了一会，口痕要了个包心丸($12/3串) 分别要了士多啤梨味、橙味和桃味；这包心九其实是珍珠奶茶里的粉圆，里面加了一点红豆馅而已；可惜，不知是来货的问题还是煮法有问题，红豆馅太干，无此馅好过；而粉圆也太黏，不够弹牙；不过那士多啤梨味、橙味和桃味果酱却很香甜，尤以橙味的最为出色。玫瑰鸡翼 的鸡翼烤得不够香脆，鲜味偏淡，那玫瑰酱虽清香，但配在那只是微咸而不香脆的鸡翼上，难以讨人欢心。赛后总结，此店的食物非常一般，在此开餐就应免则免了；不过，饮品水准不俗，而且第二半开始只收$15 (差不多半价) 一杯，其实几抵饮；加上坐得够舒适，是约朋友倾计谈心的好地方！
继续阅读
dinner set $48$48 食d 咩?我地问佢: 意粉可唔可以转扁意粉佢居然话唔可以我地都觉得好奇怪架喇后尾发现....点解唔转得呢就系因为佢果d 系"好e食"系呀...系supermarket 买一包$13 叮果d呀!!=.=野饮ok既心太软都ok虽然用$48食d $13 既野好嬲不过佢任坐就算啦...
继续阅读