力天冰室

营业中

休息中

餐廳裝修整體唔錯，光線充足，座位闊落👍🏻人氣似乎唔錯，下午六點幾入去食，多張枱都坐滿人😙😙餐牌選擇好多下，除咗有一系列小食，仲有多款經典懷舊小菜，奉送白飯同湯之餘，仲可以叫多杯野飲，好抵😍😍😍蜜椒薯仔牛柳粒 $88牛柳粒大小適中，咬落好嫩口，而且唔少肉汁，薯仔外層煎到金黃色，配搭蜜椒一齊食，送飯一流😋😋😋黑松露珍珠帶子炒滑蛋 $86唔錯！！黑松露醬好香，滑蛋炒得又嫩又滑，好易入口，珍珠帶子超級多粒🤣🤣🤣落足料！！柚子蝦球 $88推薦！！蝦球好大粒，而且份量唔少，蝦肉結實而且好鮮甜，柚子醬配搭得啱啱好，酸酸甜甜好清新🤤🤤🤤野飲叫咗熱檸檬水同熱柚子蜜，中西湯各叫咗一碗，特別推薦中湯👍🏻👍🏻👍🏻好清甜

今日去睇九龍城寨嘅展覽，去到新蒲崗附近，搵吓有冇啲港式茶餐廳早餐食先見到mikiki附近有呢間都幾大嘅力天冰室，早餐選擇幾多，有傳統又有特別嘅選擇，幾吸引我哋入去食個豐富早餐😊$46 薄西冷牛扒，3.6牛乳炒蛋拼牛油粟米，芝士火腿牛角酥，熱奶茶即叫即整嘅份量都幾多，牛扒係茶餐廳水準，仲有沙律菜同埋粟米粒，幾豐富，好夠飽芝士火腿牛角酥好好味！牛角酥都幾有牛油嘅香味，芝士同火腿嘅組合襯牛角包非常配合，熱熱地食都幾正。呢個早餐嘅價錢，有咁豐富嘅組合同埋仲有個好味嘅牛角酥，都真係幾抵佢哋嘅奶茶都幾香滑濃郁$40 沙茶牛肉面，3.6牛乳炒蛋拼腸仔，芝士火腿牛角酥，熱杏霜沙茶湯底濃郁，牛肉片嘅份量幾多，味道鹹鹹香香用農場湖北蛋整嘅炒蛋都幾香熱杏霜都好耐冇飲過，充滿香濃嘅杏仁味，凍凍地嘅天氣飲佢都幾暖胃滿足$42 芝心咸牛肉炒蛋菠蘿油，加$8特濃華田脆脆呢個配搭都幾新潮！估唔到朝頭早有呢一種嘅新派港式burger鹹牛肉炒蛋一向好正，配合埋牛油作為餡料，在熱辣辣嘅菠蘿包裏面，夾埋一齊食真係超好食！鹹鹹甜甜，邪惡嘅美味同樣地嗰杯阿華田脆脆都係邪惡之選😂味道勁濃郁，阿華田粉會入口脆脆地，好似小零食topi

今日同朋友嚟到新蒲崗呢間冰室，環境好大好寬敞，叫咗幾個餐，同大家介紹一下先古法咕嚕肉配白飯咕嚕肉外脆內嫩，豬肉炸得剛剛好，甜酸醬汁又香又濃，搭配香噴噴嘅白飯，每一口都有咕嚕肉嘅滋味。濃湯海鮮雜菜煲配白飯呢個海鮮雜菜煲真係唔錯，湯底濃郁，海鮮新鮮，仲可以食到多種蔬菜，口感豐富。搭埋白飯，簡直係好滿足，海鮮嘅鮮味融入白飯入面。紅燒BB鴿呢隻BB鴿燒得恰到好處，肉質滑嫩，汁多味美。每一口都可以感受到鴿肉嘅鮮甜，配上啲華鹽，食得好滋味。蛋白杏仁茶呢款杏仁茶滑滑地，味道清新，帶有淡淡嘅杏仁香味，蛋白令茶身更為綿密熱蜂蜜蘆薈蘋果茶呢杯茶香氣撲鼻，蘋果味道酸酸甜甜，再加上蜂蜜同蘆薈，飲落去好養生。熱飲嘅感覺特別溫暖，仲可以幫助消化。

嚟到新蒲崗見到呢間新式裝潢嘅冰室，想食下港式風味菜，大家可以嚟試試👍🏻玫瑰醉鴨舌 🌹🦆呢道玫瑰醉鴨舌，鴨舌質地滑嫩，每口都散發微妙嘅玫瑰香氣，醉鴨舌經過精心烹調，口感細緻香氣四溢，絕對係一道令人難以忘懷嘅小食！古法咖喱牛筋腩煲 🍛🥩呢份古法咖喱牛筋腩煲，牛筋腩燉得軟嫩多汁，咖喱湯汁濃郁香濃，每口都充滿濃厚嘅咖喱風味。牛筋腩配上咖喱嘅香氣，令人回味無窮。黑椒涼瓜海蝦球深海魚塊煲 🍤🐟呢碟黑椒涼瓜海蝦球深海魚塊煲，涼瓜清脆爽口，海蝦球同深海魚塊鮮嫩多汁，黑椒調味恰到好處。每口都帶有濃厚嘅海鮮香氣同黑椒嘅辛香，口感豐富多彩，絕對值得推薦👍🏻

成日路經新蒲崗都見到呢間冰室，今日終於入去試吓。食物款式好多元化，午餐下午茶價錢也非常親民。特濃沙嗲牛肉麵大大碗汁香味濃，重花生味，牛肉高質份量大。炒蛋夠滑，滿滿蛋香。瑞士雞脾大大隻，滷得特別深色，非常入味，肉質好冧，濃濃豉油汁味，吃落好嫩滑。炒飯使用蛋白與白飯炒香，加入蒸熟與油炸的瑤柱絲，米飯粒粒分明散發瑤柱鮮香，再加上玉蘭菜粒，顏色清爽，口感豐富，清淡而鮮美。炒麵用鐵板上，個底Keep 住煎，香脆可口，面頭醬汁透，軟中帶脆加上爽口蝦球，淋上京川辣汁，非常惹味，辣得過癮。

嗌咗個滑蛋叉燒飯（$66）啲叉燒偏乾柴都算 你同我講呢個係滑蛋？成個粟米肉粒啲汁咁 根本唔係食緊蛋 係食緊蛋汁 冇食過咁難食嘅滑蛋叉燒飯唔知自己食緊啲乜嘢咁之後嗌咗個下午茶嘅厚西多士 （$44）首先冇見過邊間茶餐廳嘅西多士貴過$40第二係 正常西多士應該係要炸到外脆內軟外面唔夠脆 裏面就咁嚼緊白麵包咁同你平時嘉頓一包包買直接食嘅口感一模一樣花生醬少到同冇搽唔大分別食緊嘅全程就係好似搽咗糖漿嘅白麵包咁呢餐要$110係大癲仲要見到間餐廳都幾滿人🙏🏻唔知其他嘢會唔會好食啲 但係呢兩碟嘢令我食完仲要俾$110心理勁唔平衡

鐵板黑椒牛柳絲炒麵 $60下午茶嘅價錢嚟講係偏貴，但係好大碟好抵食！！超多牛柳絲青椒同黑椒，味道香濃！炒麵脆卜卜，加埋啲汁上去勁好食，有脆嘅口感又有淋淋嘅口感👍🏻👍🏻鐵板上令到保溫度增加，就算食到最尾都有啲暖㗎！！公司三文治 $56有得揀配薯角定係沙律😂我哋梗係揀咗薯角啦😌薯角啱啱炸好熱辣辣！公司三文治超級豐富，好正呀！！有午餐肉芝士炒蛋吞拿魚生菜蕃茄火腿，基本上平時會放落三文治入面嘅餡都有齊晒😂😂勁厚！！推薦！南洋喇沙肥牛金邊粉 $58喇沙味道香濃，椰香味偏重，都辣㗎(係接受範圍內😂)配金邊粉，簡直係一流🥹🫶🏻肥牛都幾多，食極好似都仲有咁😂飲品方面，我哋加咗錢要特飲！龍眼蘆薈冬瓜茶-偏甜，好濃！加咗2次水仲有味🥰抵飲！蜂蜜蘆薈百香果茶-屋企人至愛！！佢話係必點😂perfect match，又唔會太酸！甜甜地有咬口！蛋白杏仁茶-私心必推！！❤️❤️超多蛋白，仲要杏仁茶好香濃😚女士啱哂呀！！

新蒲崗有很多快餐店的早餐水準都很高這間冰室最特別是早餐可以選擇牛角酥所以常常幫襯早餐揀了雪菜米粉，配3.6牛乳炒蛋拼火腿、芝士火腿牛角酥之前食過幾次，當時覺得米粉太淋，但近排食沒有這個問題雪菜肉絲味道恰到好處芝士火腿牛角酥，已經有火腿，但再另外有炒蛋拼火腿，份量好足，這間炒蛋沒有預先調味，需自己加鹽，炒蛋滑度還可以奶茶味道不錯，但落奶多少偶有失手好像今次就太多奶，幸好店家給茶膽可以自己再調配整體性價比不錯的

今日去左力天冰室，食咗佢哋嘅鑊氣小菜，真係留下好深刻嘅印象！👉🏻 柚子蝦球：蝦球炸得外脆內嫩，配埋柚子醬汁，清新又爽口，加埋洋蔥彩椒莞茜，色香味俱全，超好餸飯🎠🎠🎠👉🏻 古法咖喱鮮雞煲：咖喱鮮雞煲熱辣辣，仲有好多配菜，咖喱香濃郁，雞肉又鮮又多汁🎠👉🏻 蒜蓉芥蘭：蒜蓉芥蘭爽脆又鮮美，蒜香味特濃，簡單得黎又美味嘅素菜🎠👉🏻 奶茶：呢杯奶茶濃郁香滑，茶味好濃，絕對係一杯經典嘅港式飲品🎠👉🏻 凍朱古力咖啡：凍朱古力咖啡味道濃厚香甜🎠

芝士鹹牛肉炒蛋菠蘿油芫茜煙肉炒蛋菠蘿油鹹牛肉 好多，睇到都心心眼，再配芝士同鮮牛油，朋友話味道鹹香，炒蛋口感嫩滑，正！芫茜 好新鮮，味道好清新，有人唔鍾意食，但係我就係鍾意哩個味道，十分獨特。為咗唔好咁邪惡，我就走咗煙肉。芫荽炒蛋，口感好嫩滑，夾喺菠蘿油中間。而菠蘿皮焗得香脆，菠蘿底充滿鮮牛油味。整體味道，估唔到咁配合，呢個美食，應該要發揚光大。熱朱古力朱古力味十分濃，唔會水汪汪凍蘆薈冬瓜茶（少冰）冬瓜茶味濃，唔太甜，蘆薈份量又多本來大家系要約左 11am 食早餐，朋友遲到變咗食午餐🤣Wasabi 奇妙蝦球蝦球 爽口，掛滿 Wasabi 奇妙沙律醬，好滋味！配菜有三椒粒 同紫洋蔥，紅黃綠紫，整體賣相唔錯，下次試下柚子蝦球😜

嗌2個是日晚餐，好抵食！加咗特飲，平均每人100左右咋👍🏼👍🏼每個餐都包一碗湯一杯飲品！鐵板殼飼西冷 $105我哋配咗薯菜，有得揀洋蔥汁，蒜蓉汁同黑椒汁👍🏼黑椒汁一到落去炸一聲，好香啊！🤭睇到流哂口水！！塊扒大塊到呢，長過一條手掌😍要5成熟，入面好嫩，好粉紅，咬落去有少少根位，不過又有啲肥膏位，所以有爆汁嘅感覺🤭見到好多人點意粉，超大碟😂😂枝竹鹹菜胡椒豬肚雞煲 $75里個超抵食😨煲入面有勁多料，好多豬肚同雞件🫶🏻凍凍食好舒服，仲可以變泡飯添呀！！味道唔會太鹹，調較得啱啱好！蛋白杏仁茶+$8要補一補潤一潤，入面真係有一層層蛋白㗎😍😍女士必點！蜂蜜蘆薈百香果茶 +$5新出好吸引‼️唔會太甜，飲落好舒服，潤喉👍🏼

星期五晚來到這間冰室，在新蒲崗這帶晚市來說都算幾多人！冰室空間大，格局舒適。聽朋友講依間鐵板好食，於是同事和我點了兩個鐵板餐，一洗做左一整日野嘅疲累。是日晚餐中的肉眼牛扒以及menu上的羊架，一個跟薯菜一個跟意粉。塊牛排比想像中更大，好足料，好岩meat lovers。個羊架都好惹味，肉質岩岩好。有三種汁可以揀，洋蔥蒜蓉黑椒，我地兩個食到飽足。薯菜係薯角，外脆內軟夠新鮮，好味！茄汁意粉份量好大我同朋友食唔哂。兩份鐵板都有蘿蔔粒同粟米粒墊底，營養豐富。兩個餐都配餐湯同野飲，而家仲有蜂蜜特飲，只要加三蚊就可以轉。一個叫左百香果蘆薈蜂蜜飲，一個飲蘋果蘆薈蜂蜜，夠曬滋潤。一間有香港茶記風味嘅冰室，值得推介！

新蒲崗行過見到呢間餐廳，大大間又光猛，選擇都唔少。坐低叫左兩個晚餐都幾唔錯。。🥢鐵板牛肩胛排$105鐵皮牛肉熟成度剛好，咬落去仲有肉汁，個汁幾香，配埋啲薯菜，味道更加豐富。。🥢鐵板法式羊架$95 好抵食！有三大舊！羊架表面仲有少少香脆，肉質鮮嫩，味道有一點點草香味，唔會過腥，配上意粉，簡直係完美搭檔！意粉吸收咗羊架嘅肉汁，加上少少香草調味，食落去口感好滑。。飲品方面，我試咗龍鳳檸樂，+$8，清新解渴，仲有啲檸檬香味，夏天飲真係爽快。而咸檸七就係另一種風味，鹹鹹酸酸，飲完之後會令人覺得精神一點，非常開胃。

今日去新蒲崗自修室溫，lunch諗住近近哋搵間餐廳快快完成午饍。點知差唔多食曬時發現當中一舊肉（如圖）差唔多全生，搵咗侍應反映情況，點知佢竟然答我：你見到生就咪食啦！其實我當時已經食飽都冇話需要佢做任何野，我見到生就梗係唔食啦。只不過係善意提醒你一下，因為呢煲嘢你仲要招呼好多客人，以免有人因此而不適。好啦，明白，係我多事，下次唔再幫襯，謝謝！

新薄崗力天冰室，環境闊落，光猛整潔，座位好多，坐得舒服。早餐選擇有好多，有各款粉麵餐、三文治餐、歐陸早餐、力天菠蘿油等，非常豐富。生滾夠薑豬潤公仔麵：豬潤煮到剛剛熟，口感爽滑彈牙，配3.6牛乳炒蛋、芝士火腿牛角酥，芝士呈半溶狀態，牛角酥入口鬆軟，實在令人難以抗拒。自選麵餐：我揀左招牌沙嗲牛肉和3.6牛乳炒蛋配公仔麵，沙嗲湯底花生香氣濃郁，充滿港式滋味，牛肉軟腍，炒蛋嫩滑；我仲追加左炸得金黃酥脆既吉列魚柳，一次過滿足晒我既願望。吞拿魚沙律菠蘿油：菠蘿油係香港特色美食之一，呢度除左有真鮮牛油之外，仲有4款唔同既餡料，朋友揀左夾吞拿魚沙律，好食又勁邪惡。龍鳳檸樂：龍鳳既意思係檸檬+咸檸檬，冰涼又解渴。總結，食物份量十足，出餐快，價錢亦好親民，下次要再嚟食鐵板餐。