影片
食记 (24)
今日我帮家姐两个人庆祝生日,原先谂住book八仙居,but fully booking. 再打嚟呢度,订咗七点半.准时嚟到,放眼望去,坐满一半,并不热闹.我地见有两个二人套餐,两个都系鲍参翅肚套餐,一个$398 同另外$298,分别在于,一个有小鲍鱼,另外无.我地点咗$398的套餐,当阿waiter行埋去cashier到入单,佢好大声话食$298呀, 应觉上都几无礼貌咁, 我食边个餐,你唔使哎出嚟俾全间酒楼里面啲人知?(我同佢中间有两张四人枱咁远都听到啰!)以前出面食,系逐样上.but 呢度,我地汤都未饮完,佢就上鲍鱼,我都唔知食边样好,又惊是但一样冻咗影响味道.当我地吐骨个阵,无人主动帮我地换骨碟. 呢一间系潮州酒楼but个鹅片..................睇得出唔新鲜,因为有啲干. 变咗深啡色,我食过咁多间,碟嘢似打冷舖货色.我俾呢个价钱系呢间酒楼,谂住份量小唔紧要,起码食物新鲜精致,咁呢方面唔合格啦!后尾我地坐到九点半已经无人嚟,得番我地一枱,咁我地咁啱埋单有人入嚟,个知客(唔知系咪)好似唔知安排客人坐边,又话呢边off 咗冷气,又话个边咩......... 就算我地订咗枱,佢初时都好似无谂定我地坐边入到嚟一时话呢张一时话个张.客观嚟讲,俾$450蚊食盛八都唔差,食tonkichi都无咁贵,食中菜亦好多选择,味道同食物新鲜度都较呢度好.结论: 唔抵啰! 如果你唔嫌贵可以嚟试.
继续阅读
看完哈利波特, 一行三人到这里试新嘢, 看到OR有18个笑, 对这一顿饭充满期望。因订了枱, 无须等候便安排了卡位给我们, 非常舒适, 三人叫了 :1) 卤水三拼 - 猪手, 猪肠及鹅片, 卤水味浓, 伴碟的豆腐嫩滑2) 蚝烙 - 蚝仔肥美, 没有沙, 不太油3) 四喜炆鱼鳔 - 鱼鳔很大件, 不是碎湿湿的, 炆得很入味4) 川椒龙凤球 - 珍珠叶炸得很脆, 又不油腻, 鸡炒得很滑5) 椒盐白饭鱼 - 炸得香脆6) 醉鸡 - 鸡很滑, 没有骨, 但也没有酒味7) 肉碎蚝仔粥 - 很大窝, 大概有七,八碗, 方鱼很香, 蚝仔肥美, 粥底很鲜甜连两罐汽水, 埋单七百九十九个大洋, 以吃潮菜来说, 并不便宜, 加上我们没吃了甚么名贵的𩠌菜, 其实很有点贵, 不过........话说回来, 在尖沙咀区找一个倾计食饭的地方实在不易, 食物 + 地方 + 招呼...... 这个价钱还是可以接受的。
继续阅读
因为 book左位,所以唔驶点等~ 但坐得好迫,好彩佢比左卡位我地坐ja~睇睇 menu, 每样𩠌都比以旧价贵左 $10以上~酸菜好好味~好开胃,我一个人都食哂一碟,but 一碟要成 $8蚊!左上: 川椒鸡 - 好味,唔SPICY /$78左下:椒salt 鲜尤 -好香口,GOOD右上:老水三拼 -味道 OK / $118右下: 蚝饼 - 好脆,蚝鲜左上: 潮州炒面 /$78右上:姜汁蛋白海鲜炒饭 /$88 左下:水晶饱6只 /$28
继续阅读
看到评分有4分，评论又好，相片又正，冒名一试，怎知名不乎实。首先地点装修一般，食物需然并不差，但只是比一般好少少，加上定价比同类贵了30%。总结有点羊牯的感觉！
继续阅读
我爷爷系潮州人，爸爸同我系香港土生土长嘅潮州人， 但到我呢辈已经唔识讲潮州话，亦不爱吃潮菜！ 今次饭局系一位尖沙咀工作嘅朋友推介，佢话<创潮楼>平之余仲要好食！ 一行 6 人，正是单身派对嘅同枱 2 男 4 女组合。 由于朋友系熟客，酒楼方面预留一间贵宾房俾我哋； 房里有两张枱，冷气温度唔会太冻！还有一部电视机，正在播著日本地震群星赈灾慈善活动。 虽然我哋坐房，但系侍应不时走入嚟为我哋换碟及收碟，服务几好！ 由于有半枱朋友唔食牛肉，大致上菜色由呢位朋友发板，佢亦唔建议喺度食海鲜；所以呢餐绝对合大家口味！我不太记得所有菜色名称，请见谅！功夫茶为潮州一种文化！尚未点菜之前，先有功夫茶，令大家清一清喉咙！前菜有酸菜，酸菜洒上炸蒜粉，让大家先醒胃一下！ 肉排春菜煲 呢道菜系好 common 嘅潮州菜，味道清淡！骤眼看好似一个加咗排骨嘅杂菜煲，以红椒片作点缀，普普通通！排骨较嚡！似食紧汤渣！ 菜芯已变黄，食落比较腍！蒜头炸过，十分香口！仲有白萝卜，够腍够入味！ 杂菌扒时蔬包括：灵芝菇、秀珍菇、草菇、冬菇、白菜仔。咸味恰到好处！ 呢道菜可算是健康之选！ 味道清淡！少油！草菇系罐头货色，淡味！ 冬菇用上鲜冬菇，相当腍尚算入味！至于，白菜仔煮得腍仍不失翠绿！呢碟系全枱最受欢迎嘅一道健康小菜！ 九肚南瓜烙起初打算叫煎蚝烙，恐怕有其他朋友唔食蚝，最后决定叫九肚南瓜烙。我呢个潮州人第一次食九肚南瓜烙，感觉清新！ 卖相不错！煎得薄薄嘅一块小薄饼，看似热气！又不太油腻！分开 8 片，方便大家夹嚟食！ 九肚鱼又称鼻涕鱼， 白色滑潺潺， 鱼骨透明软腍腍！有时，妈咪会煮九肚鱼粉丝煲，清清淡淡！讲番九肚南瓜烙，九肚鱼切丝，无味道；全靠潮州鱼露调味。南瓜切丝，略带微甜！葱粒散发特有清香，全件确实不裕！ 上素太极羹侍应攞俾我哋望一望，几大兜，赶不及影相！青白分明！做得好靓！ 侍应为我哋分碗上，以蛋白丝、菠菜搅碎，混合其中！味道浓郁！虽然系汤羹，但口感略似棉棉嘅粥。十分健康！值得一试！ 仓鱼粥侍应为我哋分碗上，粥份量刚刚好！并不是平时食开爆米花嘅粥，而潮州粥系一粒粒饭， 感觉几似汤饭。如果怕腥的话，千祈唔好叫！仓鱼切幼丝，仍保持滑溜；以大量超幼、超长姜丝僻腥！ 仲有柴鱼粒，增添惹味！ 卤水鹅片拼大肠朋友极力推介呢度卤水食物！ 做得相当出色！绝不马虎！有鹅片、猪大肠、豆腐豆腐，另附上醋。上枱尚带微暖！每样够入味！卤水汁几油！猪大肠成卷状！将三件小猪肠放入一件猪大肠， 颇花功夫！真是一道功夫菜！我较少食动物内脏，食起嚟够腍！可以接受！鹅片肉质嫩滑！份量不算少，以豆腐垫底，豆腐好滑，不试不可！唯独豆腐份量少咗啲！玉兰炒米粉以芥兰、鸡蛋丝、肉丝、虾等材料，颜色配搭花上心思。 芥兰茎切片再切开一半炒，鸡蛋丝、肉丝、淡而无味兼有虾肠嘅雪藏虾。 米粉炒得够干身！感觉唔油腻！值得一赞！餐后侍应奉上功夫茶，香浓甘苦！好让浓茶解腻！为呢餐潮式晚饭画上完美句号。整体嚟讲几满意，值得日后带爸爸妈咪去！临走去一去洗手间，女洗手间只有两格，每格唔细，还有供应坐垫纸！鲜有酒楼洗手间见到！卫生程度可与大商场相比。
继续阅读