影片
今日无无聊聊入去长洲揾朋友~~之前食个几间~~今次就试呢间~~又唔错wow~~good!!!今次叫左一个栗米蘑菇火腿忌廉螺丝粉+蒜容多士+蜜桃红茶螺丝粉虽然系忌廉汤~~不过够味又唔溜不错不错~~不过就小D栗米同蘑菇LAW之后蒜容多士就普通~~其实除左蜜桃茶仲有好多野饮简~~比起平时净系得咖啡奶茶~~呢到就多D野简~~加$3仲可以加大都几好~~下次仲想去试下其他野~~D长洲人话个冬阴公同叻沙仲有D吐司都好好味一定要试~仲有其他螺丝粉都想试下~星期一至五有茶餐~~好似都好吸引~~唔错~~一定要再去, 最仲要价钱唔贵~~$35一个餐又够大碗~~又好味~~比十个LIKE!!!
继续阅读
因要经常往长洲工作的关系, 所以一早便mark实一些可以帮衬的餐厅。这间"到此一游"便是入长洲的开饭之选。最推介的是「牛肉螺丝粉」类, 共有多款汤底拣, 但食过认为最好味的是「罗宋汤牛肉螺丝粉」! 够晒热, 牛肉正, 个(罗宋)汤又可以饮晒, 冇乜油感觉健康, 食完超满足。香港九龙区是不能食到如此用心制作的食物!它的饮品也是另一项值得推介的! 跟餐就一定有一杯台式饮品, 如要冻饮, e.g. 士多啤梨绿茶, 厨房系会用搅拌机混埋士多啤梨肉和茶一起混出来的! 又唔驶额外加钱, 味过好多街边的台式饮品店。总括而言, 它的饮品, 牛肉, 拉面等都好好味, 即叫即整! 而且又近码头, 一落船转左行一阵就系, 但要留意佢有时平日会休息。
继续阅读
星期三, 长洲好多食店无开, 同老公入左"到此一游"食tea, 结果不太满意店面都算企理, 员工服务态度都ok我叫左酱烧牛柳拉面, $32, 餐荼叫左热柠檬绿荼, 老公叫左咖喱吉列猪排意粉, $38, 叫左冻薄荷朱古力, 点知, 个拉面令我好失望, 都唔系牛柳lei ge, 系好碎同无咩咪ge牛肉, 又好硬, 价不对名ge, 最离谱系d拉面唔系拉面, 系油面! 柠檬绿茶有苦味我老公话个冻薄荷朱古力无朱古力味, d意粉好"谂", 咖喱无咩味, 猪排一般老实讲, 个餐值30至40蚊, 都唔好俾d油面冒充拉面la, 牛柳又变左碎牛肉, 真系唔值呢个价!
继续阅读
来到长洲,因为太饿关系,医咗肚先, 先去呢间食个tea一行七人叫咗少少嘢食~朋友住长洲,佢推介食粟米鸡蓉螺丝粉&芒果绿茶我同男友就叫咗一个绿茶吐司, & 鸡蓉意粉加蓝梅珍珠粟米鸡蓉意粉,又真系几好味, 虽然系普通嘢,但要好味都有点困难架, 绿茶吐司,好味呀,好特别但食不出太浓烈既绿茶香味呀 芒果绿茶, 我偷入咗朋友个杯一啖, 好好味呀, 好似用新鲜芒果做出来咁,好good, 下次入嚟要叫呢杯先得呀~ 蓝梅珍珠, 己经不是太多地方有了, 见到我至爱当然要饮,味道好, 但珍珠太硬,差了一点整体系good
继续阅读
岩岩落船，本打算去乐满堂食饭，点知去到话系弟兄日，所以唔开，唯有揾过间食饭。一入到呢间铺头，个环境都唔错，可以静静地咁食住黎倾计。但系，打开个menu，发现都几少选择，冇乜岩自己。最后，男朋友就点左个日式照烧豉油汁牛扒意粉，餐饮系芒果绿茶；我点左咖哩鸡扒饭，餐饮系苹果红茶。大约等左五分钟，就已经上枱，员工手脚好快！杯芒果绿茶好重绿茶味，冇乜芒果味，有啲失望。而杯苹果红茶反而出奇地好饮，果味比较重，味道甜甜但带点苦涩味，味甘而香，唯一失色既系两杯饮品都好多泡。日式照烧豉油汁牛扒意粉：个汁做得好好，好够味，又唔会太咸。牛扒就好一般，冇乜特别，呢个意粉只可以话系一般，真系冇乜特别。咖哩鸡扒饭：咖哩汁冇咖哩味，我净系食到好重辣味，唔食得辣真系唔好食呢个汁。而啲饭煮既时候，可能放得多水，饭既口感好核突，好似食紧淋晒既野咁，但饭既份量多到食唔晒，好浪费。整体黎讲，都系一般，比大排档逊色。如果下次再去长洲，我唔会拣呢间铺，佢唔系我既开饭心水。
继续阅读