影片
以上资料只供参考，请与餐厅确认详情
食家推介
今天过年前要加班才收工，与两位同事商议好收工去黄大仙冬菇亭食宵夜。到左之后发觉餐厅都真系好旺，咁我们坐低左之后就即刻点以下菜式。首先必叫就系椒盐鲜鱿啦！大排档必点项目，椒盐鲜鱿个皮唔厚，而且椒盐味够，送啤酒一流。之后就系豆鼓鲮鱼油麦菜，好够镬气，味道适中，但系感觉上豆鼓鲮鱼就少左d，可能现在罐头贵吧，但菜份量都是多的。卤水拼盘，这个是绝对推介的，性价比超高，墨鱼及大肠都是必点的，够味而且份量多。最后就是猪肚鸡煲，这个比起之前3款招牌菜就稍为差了一点，但是味道都是好的，都是送酒的美食。总结我们非常满意。
继续阅读
平时同屋企人去饮茶都去酒楼多,今次老妈子朋友推介我们去黄大仙冬菇亭饮茶!此间利丰打冷小厨,充满怀旧气息,估不到其点心又真好味!其重点是二十四小时营业,任何时间都食到!喜啖牛肉球的我,第一时间先点此处出品的牛肉球都颇大粒,非常足料!而且咬落好有口感,令人食得好满足!最重要加上喼汁,令到整个味道更加提升!芫荽如上马蹄,更可增加牛肉球的香味以及口感!还有必食的绝对是烧卖啦!口感很扎实,皮薄且内馅好丰富,咀嚼感十足!最美味是加辣椒酱或者辣椒油一齐食,劲正!另外点了凤爪以及春卷;凤爪酱汁够浓味,而春卷就外层十足的卜卜脆,味道真心不俗!
继续阅读
喺黄大仙做完嘢顺便揾嘢食见到仲有怀旧冬菇亭大排档实在买少见少 大排档绝对唔系麻甩佬嘅专利 今晚一个人的浪漫~ 坐低先奉上一壶热茶. 潮州打冷梗系唔少得潮州卤味. 虽然好想食 但一个人真系食唔得几多 好在有炒粉面 于是叫咗个 炒贵刁. 望落其实似星洲炒米嘅河粉版. 好有镬气 份量相当大 一个女仔雀仔胃 食到一半已经要投降. 见到都系做街坊生意多 食客有唔少认识睇舖三兄妹 仲话由细睇到佢哋大. 喺呢啲地方食嘅 除咗镬气 仲有一份浓浓嘅人情味同童年回忆.
继续阅读
好似N年冇去过冬菇亭食饭，九成九都系中菜，就是但入咗一间。人大咗就真系会拣呢啲嘢食，蒸鱼饭套餐仲要加点心。系真正嘅麻甩佬饭。去冬菇亭食嘅唔系乜嘢珍馐百味，而系一份人情味。医护推介有啲乜嘢新鲜，乜嘢啱啱出炉。我蒸䲝鱼，其实都系佢推介。另外见隔离饮茶咁过瘾又叫咗一笼山竹牛肉食吓。食到差唔多落场，事头婆又问我食唔食春卷送一条俾我食，因为唔食都系掉，所以都会送俾食客食。呢啲咁嘅体验真系喺现今食肆好难见到。
继续阅读
有时放假一早醒左训唔翻我通常都顺便同屋企人落街饮个茶🫖今次去左呢间系冬菇亭入面既利丰打冷小㕑一入去姐姐们即刻劲热情❤️🔥🤣咁啱又撞正啲点心啱啱新鲜整起-🥢烧卖饮茶点少得食烧卖！佢唔似有d烧卖食落口好粉既感觉，呢只食落系啖啖肉😍皮薄馅靓，肉都好结实好有口感，可以问姐姐攞碟辣椒油🌶️ 更加惹味🥢凤爪凤爪都系我饮茶必食之一，啖啖肉之余轻轻一咬就脱哂骨，而且挂满晒汁，热辣辣好正！🥢牛肉球牛肉球比起我平时岀面食开既大粒好多！好重手😂 食一粒就已经饱饱地，芫荽味都唔会完全盖过晒牛肉嘅味道。配埋劲爽口嘅马蹄粒同喼汁，口感层次再升一等！🥢蒸鱼+饭虽然好少系饮茶既时候嗌蒸鱼食，不过咁啱见到姐姐攞出嚟话新鲜啱啱蒸好，就忍唔住嗌咗条试吓🤣 鱼肉又滑又嫩，啖啖肉冇乜细骨，蒸得啱啱好唔会过熟🥢春卷姐姐们劲好人咁送左两条春卷比我哋食！ 入面系肉馅，虽然已经冻咗少少，但系仲保持到外皮脆卜卜！🥰-食物款式又多又有人情味加上呢度系开廿四小时无论早午晚宵夜都好啱去！
继续阅读