利苑酒家

营业中

休息中

今天海外親戚訪港，本來抱著「旅遊大使」的心態，說好香港飲茶美食故事，結果體會到「沉浸式精彩體驗」。#1. 送餐延遲，趕客秒速 訂桌時候已獲知用餐時限90 分鐘，桌子只會保留15分鐘。 所以1130 準時到場，但是點了一些點心等了15 分鐘仍未送達。離還桌時剩下15分鐘時候，部長「親切」提醒要結帳，好的，我配合；離場時限剩下5分鐘，加點的點心突然奉上，OMG！ 但當我們正要品嚐遲來的點心時，部長再說 「你們的時間到了，要交還桌子！」 - 翻桌效率厲害，部長比日本的火車還要準時👍#2. 服務員忙碌不知道是什麼原因，服務我桌的姐姐邊服務邊滑手機，手機事情真的這麼精彩嗎？這種體驗我也沒有在其他餐館體驗過🤗工作時還能滑手機，這神仙工作實叫人羨慕🤤#3. 催趕結帳，結果是找了隔壁桌子帳單！當我狼吞虎嚥地吃完遲來點心，按部長指示匆匆以信用卡結帳，準備離開時候，心想我總算趕上了部長瑞士火車般的準時美德。誰不知突然聽到服務姐姐氣急敗壞地叫嚷 「 先生，你沒有找數啊！」 細問一下，原來我剛才是替鄰桌子結帳了 。這次體驗讓明白了除了守時，還須應付隨機帳單 。服務姐姐還要我留下來補差價。（不是應把我該付的帳

2月23日因女兒 在附近酒店擺婚宴 ，所以中午就走到這間圓方利苑酒家飲茶，一個半小時 要交還枱 ，食物遲上， 夥記態度極差，一放下最後一碟食物，未食即叫你要埋單， 食物都未食完就趕客走， 寧願你取消單都要你埋單走， 從未試過飲茶飲到要鬧人 這間店以後都唔會再去，所以禁多人北上消費，就是有原因，浪費香港政府的宣傳振興香港

12月初，星期三，晚上，與親友聚餐，訂枱時已規定只可6點或8點，好啦，食6點，一到8點，已俾張單你叫你埋單，好喇，埋咗單，等親友去洗手間，即刻有侍應埋嚟話“我哋要攞返張枱”，我哋冇同佢嘈，免勞氣兼有失斯文，當時個埸有幾張空枱，心諗真係好好生意？好多客等咩？，去到門口，只有幾個知客係度掃電話，一個客都冇！平日夜晚圓方都好靜，揸車去，入停車埸已知個埸冇人啦！所以，唔好話餐廳酒樓冇生意，係你哋自己整死自己㗎！8點鬆d, 又冇客等，都要趕客走？？以後都唔會幫襯利園！

乘搭高鐵從內地回到香港已是中午，選擇在圓方內吃午餐。很久未飲茶及是假日中午，因此選擇了中式的利苑。叫了包括蝦餃、羅漢齋煲和牛肉腸粉，整體來說味道合乎口味。蝦餃的餡料新鮮，蝦肉鮮嫩，皮薄餡足，但在味道上缺少了獨特性，未能帶來驚艷的感受。羅漢齋煲中的蔬菜燉煮得相當軟嫩，雖然口感不錯，但整體風味顯得稍嫌平淡，缺乏一些調味上的巧思。至於牛肉腸粉，肉質煮熟恰到好處，但粉皮稍嫌厚重。總的來說，這些菜色都表現平穩，味道合乎口味，但未能帶來令人難忘的印象。若能在菜色創新和風味調控上有所突破，相信能提升整體用餐體驗。

服務態度十分差，唔知係唔係以為喺圓方利苑做就高人一等？絕對唔會再考慮光顧呢間咁不知所謂嘅餐廳。食物一般，仲要受氣。希望大家多啲上深圳消費，唔好再畀機會呢啲餐廳。

首先，我品嚐了蘿蔔絲酥餅。食得出用了新鮮嘅蘿蔔做餡料，酥皮10分鬆脆。冰燒三層肉，實際上係燒腩仔，配上芥辣醬，肥瘦比例恰到好處。跟住我品嚐了，我最期待嘅炒魚翅配金華火腿湯。魚翅炒得乾身，而且好入味。上湯更加係鮮甜無比。呢道菜有兩種食法：第一種方法，一啖魚翅，一啖高湯咁食。第二種方法係將上湯倒入魚翅中一起食。個人認為，第一種方法比較好。最後以五福汁作為結尾，五福意思係將五種蔬菜及水果混合。服務員服務態度殷勤有禮， 10分難得。

今曰放年假，去飲茶🫖♥️每次去圓方分店嘅利苑，必定叫蜂巢芋盒（連平時不吃熱氣嘢的爸爸也讚好食）濃湯泡腐皮卷（濃湯正）😋，呢間分店特別好食👍另外，鹵水花生豆腐，D豆腐好滑，花生都燜得好食😋😋😋😋😋

12点到了说没位子，让等到2点入店。到了2点准时到店，和我们说2点也不接待。不接待为何要说个时间让人白白等待？远道而来，却碰到这样的服务态度，实在让人无语。一开始也只是冲着利苑这个牌子来的，非常失望。

买单等了十五分钟；提前一个月预定的桌台，按时到了结果各种烧味全都没有，非常失望看到多年喜欢的餐厅服务质量下滑成这样，太可惜了，希望能够配得上米其林一星餐厅的质量

這間酒店一向都標榜要book 咗檯先會有位。這點已經知道了。這天是星期日，我就早三天預訂了檯。中午12：30。到了星期日，我未到12：30已去拎檯，但訂檯的說沒有記錄，而且態度很差好像我欺騙她，我無訂檯扮訂咗檯似的。我都當然不服氣。。。另一位知客就問會唔會打錯去其他分店訂檯，哪就提醒我，我睇番電話記錄，是星期三打出的記錄，明明是尖沙咀這間喎！亦俾佢睇。雖知第一個知客竟然說，你打咗電話遮唔等如你有訂檯呀！哈哈，我就是為了要到你這裡飲茶，要攪咁多嘢嗎。。。態度非常差，好像我是要欺騙訂了檯，非要到此飲茶不可。難道你這天免費不用付款嗎？？我要做定咁多嘢嚟飲餐茶。以後也不會去，一間所謂高級酒樓是這樣招呼客人嗎😖

因為同客食飯所以嘗試包房，房間最低消費$4000，想知道$4000到底會比啲咩我食，食物質素都OK嘅，但$4000呢個價有啲貴得滯，可能飲茶會着數啲，最後買單係$4390比到係七個人食。整體嘅嘢食其實都OK嘅，不過手指一算呢個價錢expect會食啲更加貴嘅嘢，最貴只係得個帶子，我哋呢個價錢七個人應該可以食啲正啲嘅嘢，但係食完都唔會覺得好飽飽濟濟，應該冇乜味精，湯飯可以試吓，其他嘢其實都係正常水準，不過包房嘅服務幾好。

過年之後，因疫情關係寺廟擠逼，不敢去祈福，去商場走走，又揀圓方，貪佢人少，空間大，那次不選百樂潮洲，那處較逼，帶咗傲蛙去利苑，每次來唔訂枱，係不會有位，如我所料， 因疫情及限聚令，不用排隊，就有位。 喜歡飲茶，二人大大一張枱坐，自然客人與客人的距離遠咗，感染機會少咗，又有枱布， 手寢落去舒服，環境跟其他分店一樣有空間感。 秉乘上次經驗，點雲耳勝瓜餃，又係魚蛋細粒，上枱時， 瞳孔小小放太，以為切幾片勝瓜雲耳滚湯或包入餡，怎想用指甲度出的大小，每樣2片，睇相，清雞湯，味無問題，符合商標說明。 香橙金沙骨$48及葱花班片粥$58，都合付預期，不會失望，足料。 計續要點黄金豆腐，豆味無灣仔咁濃，可能一時時。 但要提，起菜有張枱，同時放咗食客用完碗碟茶杯，有相為証，我跟經理說，這樣會容易交差感染，感覺不雅，希望佢哋檢討。

無論幾時，去到呢間利苑，都十分佩服呢間，簡直係枉廢創辦人「陳校長」多年的心血，11:00開門，一開門就話冇位，眼見大把位就話唔接客。一定好好景，唔憂做。3個知客態度，一定要「旅遊發展局」學習一下。待客之道，最佳反面教材。食物幾好，環境幾靚，衛生幾正，都唔及知客「臭面」趕客，認識中創辦人陳樹杰先生，謙謙君子，一同飯聚時，聽他一席話，獲益良多，終身受用。但呢間「利苑」，係咁多間之中，歷來遇見最差服務態度的分店😡😡😡

利苑一向食物都好有水準， 今次同一班朋友一齊慶祝生日諗住食好d, 即刻就諗起呢度。 先講佢嘅環境，高級中菜館嘅環境一定冇得輸，空間感十足， 而且整潔衛生， 絕對係食飯聚舊嘅好地方。 另外不得不讚佢嘅服務水準一樣咁高，侍應殷勤有禮, 上菜又快。 過橋象拔蚌 ( 龍蝦湯) 過橋象拔蚌顧名思義係有象拔蚌片喺裏面， 佢嘅象拔蚌片爽脆鮮味， 火喉較得剛剛好一啲都唔硬，配埋濃郁嘅龍蝦湯，真係可以飲幾碗。 露荀愉耳炒元貝， 元貝好鮮甜， 配埋新鮮露筍仲一d草青味都冇，而且好夠鑊氣。 上湯龍蝦伊麵， 好多地方都有上湯龍蝦伊麵食，但係佢嘅龍蝦除咗新鮮之外同上湯嘅味道亦都十分夾，而伊麵亦都吸收咗上湯同龍蝦嘅鮮味，十分好食。 蠔皇扣四頭鮑， 鵝掌炆到好淋入口即化，而且因為用鮑魚汁去淆製，所以鮮味十足。四頭鮑當然冇得輸 ，基本上淆煮鮑魚絕對係費時間同功夫，要好食同入味先唔會浪費咗隻靚鮑， 呢度絕對做到之餘仲要超水準。 片皮鴨二食， 冶味鍋巴炒鴨鬆， 脆卜卜嘅鍋巴上面配惹味嘅炒鴨鬆， 味道一流，口感豐富。 鄲關萬丈， 呢個名聽落好特別一開始唔知係咩，所以就問下侍應 佢哋好熱情咁介紹同推介，原來係一個菜上面有一個

這是一個非常差的體驗， 原本高高興興的吃一個飯到中段發現有一大甲蟲在菜裏邊，女經理的回應好像是很平常會發生的一樣，這種情況也沒有作出什麼誠意的道歉， 在圓方的中菜館人均也600多， 真的是這樣的服務嗎？