影片
下午茶干炒猪扒乌冬+冻O茶$48，乌冬好淋（无牙都食到👍🏻 但本人不喜欢啰）猪扒好鞋🤭下午茶$48唔系贵，但咁嘅质素就一啲都唔值啰，整体来讲好难食，一啲唔抵食
继续阅读
一行二人来到呢间位于元朗教育路，嘅《利兴餐厅》食早餐。我拣咗火腿鲍鱼丝通粉配煎双蛋加牛油方包早餐，饮热奶茶 ($30)。火腿鲍鱼丝通粉味道ok；煎双蛋嘅鸡蛋比较细只，呢两样都ok，不过个牛油方包就扣晒分，首先系方包又冻又硬，然后入面竟然系一大pat味道又咸又甜嘅植物牛油，感觉既难食，又油腻，热奶茶一般茶餐厅货色，普普通通。朋友拣嘅榨菜肉丝米粉餐 ($32)，都有几多榨菜肉丝，味道唔错，可惜米粉比较嚡口。红肠煎蛋都几香口，牛油方包同样系败笔，热咖啡不过不失。其实呢度早餐嘅价钱都几抵，好可惜牛油方包实在令人印象太深刻，拉上补下，充其量衹能算味道普通。
继续阅读
天气热到受不了，真系唔会想去街，╮(￣▽￣"")╭ 结果同家人落街食茶餐厅就算。每次食茶餐厅，我都会想试佢哋嘅焗饭/意粉，仲要系白汁(╯3╰)，今次都系！呢间茶记唔系第一次帮衬，之前试过行山前食佢哋嘅早餐，不过正正经经食晚饭就第一次 ( ´▽` )ﾉ叫咗个焗白汁芝士海鲜饭，配咗杯冻饮$59，点知原来有例汤，顺手就叫咗个罗宋汤。个罗宋汤味浓，唔似有不断沟水，或者可能时间尚早。海鲜焗饭味道有啲淡，不过我惯咗食淡味嘅嘢，我觉得还可以。海鲜就有鱿鱼，素鲍鱼片，蟹柳，就独欠大多餐厅会有嘅鱼柳，不过份量都系多嘅，食唔晒。整体质素OK，以呢个价钱($59)，唔可以期望太多，唔好同扒房比。但以平民茶餐厅来讲，可以再食( ´▽` )ﾉ
继续阅读
假日同朋友出去念唔到食咩经过元朗呢间餐厅所以随便揾间餐厅填饱肚算朋友叫左咖哩鱼饭、奶酱多、鸡脾薯条等等试过食佢地个d都系普普通通正常唔会难食得去边既餐而我就叫咗五香肉丁米再加钱配火腿奄列我一向都好钟意食火腿奄列 但呢度既就煎得比软干身 火腿又少 仲成大片油食到成口油又真唔会再食🙃🙃
继续阅读
👆星洲炒米 $39（推荐指数：★★★★★）下午茶还有餐饮！！！不太咸，不会很重口味，但是锅气很够，所以很香！！餐厅的服务人员态度也很好，空间也很大，在公司忙碌过后来享受一个价格便宜又好吃的😋的下午茶就最棒啦！
继续阅读